Lukas 20:47 - Muna Southern Dialect

⁴⁷ Andoa debhohe-bhoheꞌi bhihinanda maka dorampasi lambudo. Pakade keana notipandeꞌao kadaino isikadhindo, tadofekawanta-wantamo sambaheando. Dadiꞌanomo nasedhuluꞌa dua kabhie kahukumu so neꞌawando.”

Lukas 20:47 Referans Kwoze

Markus 12:40

Andoa debhohe-bhoheꞌi bhihinanda maka dorampasi lambudo. Pakade keana notipandeꞌao kadaino isikadhindo, tadofekawanta-wantamo sambaheando. Dadiꞌanomo nasedhuluꞌa dua kabhieno kahukumu so neꞌawamiu.”

Yakobus 3:1

Bhahitieꞌiku, koise dobhahia kopatudhuno membalino guruno agama. Ingka pandeꞌaaneomu, nahumato nafobhitahaki Lahataꞌala, tubho nepake so intaodiomu membalino guru, nalumiuꞌe kabhieno bhe tubho nepake so mie sigaoꞌano.

Titus 1:16

Andoa dopugau ne mie bhaindo dopandeꞌao Lahataꞌala tamaka hampano habundo nopotagali bhe wambado naꞌa, ingka nentaleamo miina damandeꞌao Lahataꞌala. Andoa dotimohaku, miina daeangka ne katangahi, miina dua damooli dehabu metaaꞌano.

Lukas 12:1

Wakutuu anaꞌa nehewundo mie dopohato-hatomo tadopogua-guamo. Yesus netandakimo nofofoinaꞌu, kabhao-bhaono nopugaumo ne anaguhuꞌino ambano, “Posiꞌondoomu bhe kodhagaomu ne ragindo miendo Farisi, maꞌanano kafehaaꞌulando.

Matius 23:13

Balaamoomu, pande-pande Kitabi bhe miendo Farisi, hintimiu mie mehaaꞌulano, kapaꞌamo songkoemoomu fointono Kafopahintaꞌano Lahataꞌala ne wisendo mie bhaimu. Hintimiu mokiidoomu mesuaꞌomu pakade meꞌontomiomu mie so mesuano.

1 Tesalonika 2:5

Ingka pandeꞌaaneomu dua miina sepaliꞌa tamekameko-meko pugau mani, miina dua taefebuniangkoomu patudhu kumadau-dauno. Lahataꞌala sakusii mani.

Matius 23:14

[Balaamoomu, pande-pande Kitabi bhe miendo Farisi, hintimiu mie mehaaꞌulano, kapaꞌamo mebhohe-bhoheꞌiomu bhihinanda maka rampasiomu lambudo. Sambaheamiu fekawanta-wantaeꞌomu mbali kaowu powohando mie. Dadiꞌanomo nasedhuluꞌa dua kabhie kahukumu so neꞌawamiu.]

Lukas 20:46

“Posiꞌondoomu ne pande-pande Kitabi! Andoa maitu doasiane dolili depake dhuba kawanta bhe dopoindalo sepaliꞌa dofosibhalada we wuntano daoa. Weo lambu kasambaheaꞌa doasiane dengkoha te wise-wise, weo kahame dengkoha ne kaengkohaꞌando kabhala.

Lukas 21:1

Weo Lambuno Lahataꞌala Yesus nofowanu fotuno, gahaꞌa nowohamo mie hangkaea dofopesua sadhakaando ne sohongano sadhakaa.