Lukas 20:23 - Muna Southern Dialect

²³ Tamaka Yesus nopandeꞌaane patudhundo daꞌumakalaiꞌe, dadi nopugaumo ambano,

Lukas 20:23 Referans Kwoze

1 Korintus 3:19

Kapaꞌamo nekonando kapande we dhunia ini, sanea bhohe ne pomatano Lahataꞌala. Ingka notibuhi weo Kitabi peda aini, “Lahataꞌala nepake kapandedo mie mande mbali tando kakonaꞌando wutondo.”

Ibrani 4:13

Miina bhe dumadino notifebuni ne matano Lahataꞌala, bhahi-bhahiꞌae kanggetu delembi bhe notiwolengkasi ne wiseno. Ne Anoamo dua dapowiseꞌao wutontoomu ne sabhaha nehabunto.

1 Korintus 10:9

Koise dosolo-soloomu Ompu peda nehabundo seemie hodua ne olotando andoa naꞌa, sampe domate dotitida ule kobisa.

Lukas 20:20

Pande-pande Kitabi bhe neangkaꞌindo imamu dokaꞌo-kaꞌondo Yesus. Detuduanemo mata-mata woha-wohaꞌano mie melaano lalo, so dametandoꞌao alano wambano. Patudhundo neanomo naembali dahumakoe maka daowae ne limano gubernur, mintahano kuasa bhe kabhotusi weo liwu.

Lukas 6:8

Tamaka Yesus nopandeꞌaane fekihindo, maka nopugaumo ne mie mokepeno lima maitu ambano, “Mai, meehe-ehe te wise ini.” Mie anaꞌa noehemo.

Lukas 5:22

Tamaka Yesus nopandeꞌaane dukuno lalondo maka nopugau ne andoa, “Noafa gahaꞌa kofekihiꞌaoꞌomu peda aitu?

Matius 22:18

Tamaka Yesus nopandeꞌaane kadaino isikadhindo, dadiꞌanomo nopugaumo ambano, “Mie mehaaꞌulano, noafa solo-solo kanauꞌomu?

Matius 16:1

Sewakutuu dohatomo miendo Farisi bhe Saduki patudhundo damansoꞌalai Yesus. Andoa desalo namotiwohaanda tanda tapa mentela, so katandaino kuasano Yesus nomaiꞌao ne Lahataꞌala.

Lukas 20:22

Weo tubhono agamantoomu, naembali bhahaa datumanduao sewa ne Omputo Kaisar kaa paise?”

Lukas 20:24

“Fotiwoha kanauꞌomu nasewoka dhoi pera itu. Gambarano ula bhe nea laꞌae gahaꞌa ini?” Ambado, “Ulano bhe neano Omputo Kaisar.”

Tula-tulando rasulu 13:10

Ambano, “Hintu anano seetani, totono lalomu noponoꞌao kabhohe-bhoheꞌi bhe isikadhi modai! Hintu ini sadhia poewangi bhe kabanara. Pae tumie-tiehea gahaꞌa modo-modoli kaangkaꞌano Lahataꞌala?

Efesus 4:14

Intaodi ini paemo nada anaꞌi kahobu, paemo dua nada koli-koli nebhansu-bhansuleno kawea tawa newoowano solo. Maꞌanano paemo nafounda-unda sabhaha kafoinaꞌundo mie ngkowawe. Weo kangkowawendo, andoa dofekakolilino mie bhaindo.