Lukas 20:20 - Muna Southern Dialect

²⁰ Pande-pande Kitabi bhe neangkaꞌindo imamu dokaꞌo-kaꞌondo Yesus. Detuduanemo mata-mata woha-wohaꞌano mie melaano lalo, so dametandoꞌao alano wambano. Patudhundo neanomo naembali dahumakoe maka daowae ne limano gubernur, mintahano kuasa bhe kabhotusi weo liwu.

Lukas 20:20 Referans Kwoze

Lukas 11:54

Patudhundo dakumabua alano wambano, somo tingkundo dahumakoe.

Matius 27:2

Dadiꞌanomo Yesus dokatapuanemo hante maka dowowoꞌoe, dofoowae ne wiseno Pilatus, gubernur ne kadie aitu.

2 Petrus 2:3

Hampano kakadau-daundo mpahaguru-guruno naꞌa daetula-tulaangkoomu sabhaha paha, patudhuno daealaꞌao laba. Tamaka kahukumundo nomponamo dofontaa-ntaaꞌe, Lahataꞌala miina bhe kaodoa, tetewei namobinasada.

Lukas 20:26

Andoa miina damooliea dofetando alano wambano ne wisendo mie bhahi; tadomente dofetingke katobhoosino, sampe miina dakowobhaa.

Markus 3:2

Nandoo dua mie moti-motindano Yesus, bhahaꞌi kaowu mie amaitu namekaꞌosae dua ne oleono Sabat; patudhundo damoꞌalae.

Lukas 20:21

Mie andoa maitu dofeenaemo ambado, “Guru, tapandeꞌaane sabhaha pugau bhe kafoinaꞌumu nokotuꞌu, miina poꞌala-alaanda manusia, tamaka weo kalaano lalomu fofoinaꞌuꞌao sala metaano Lahataꞌala so manusia.