Lukas 2:7 - Muna Southern Dialect

⁷ Nokoanaꞌaomo seemie moꞌane, titiisano, nowaweꞌianemo kabhini maka nofondolee weo kampomaaꞌando kadadi, kapaꞌamo miinamo datooleaꞌa ne lambu kabutuꞌa.

Lukas 2:7 Referans Kwoze

Galatia 4:4

Tamaka nokapo kaowu tempo nefotantuno, Lahataꞌala notudumo Anano nomai we dhunia ini. Anano Lahataꞌala ini nofolentee seemie hobhine, nodadi noangkafi tubhono agama Yahudi.

Yohanes 1:14

Bhoasao amaitu nembalimo manusia neate bhe intaodiomu; dowohaemoomu kakalabhiano, dadino noponoꞌao kanini kaasi bhe kabanara. Kakalabhia naꞌa notahimae peda seemie Ana Kaenseemieno Lahataꞌala.

2 Korintus 8:9

Ingka pandeꞌaanemoomu rahamatino Ompuntoomu Yesus Kristus: mahinggamo nohangkaea, nohelasimo nembali mie mokae so hintimiu, neanomo noangka ne kakaeno hintimiu humangkaeaꞌomu.

Matius 1:25

Ampamo kaowu, Yusuf miina napomoodofianea ampa nofolente anano maitu. Anaꞌi aitu nokonae Yesus.

Matius 8:20

Yesus notobhoosimo ambano, “Daꞌu ngkahoku bhe liano, kaꞌuhi lumola bhe kaufeno, tamaka Anano Manusia - Idimo ini - miina sepaliꞌa bhe katifekalaaꞌiꞌano towuno.”

Matius 13:55

Ingka anoa ini anano tuka. Inano ingka Maria bhe bhahitieꞌino ndo Yakobus, Yusuf, Simon bhe Yudas.

Lukas 10:34

Nokalaꞌiemo maka nokakompo kakobhela-bhelano, nobubusiane mina bhe angguruno. Pada anaꞌa nofosawie ne keledai kasawiꞌano wutono maka noowae ne seꞌonu lambu kabutuꞌa bhe nokomadiaꞌane.

Lukas 2:6

Gahaꞌa dohato we Betlehem, Maria nokapomo wulano nakokaana-ana.

Lukas 2:8

Alo anaꞌa nandoo dhagaꞌino dhumba dodhagani kadadindo we pada ne owano liwu anaꞌa.