Lukas 19:28 - Muna Southern Dialect

²⁸ Nopalusi nopugau peda naꞌa Yesus nopaꞌindulukidamo, nofopansuhu kala-kalano we Yerusalem.

Lukas 19:28 Referans Kwoze

Lukas 9:51

Nomaꞌo kaowu tempono katisangkeꞌano te surugaa, Yesus neꞌonumo lalono nakumala we Yerusalem.

1 Petrus 4:1

Mbadha kamanusiano Kristus nenamisi kakadee-dee, dadiꞌanomo hintimiu dua tetewei fekamatangka fekihimiu so nohelasiꞌao kumadee-deeꞌomu. Kapaꞌamo mie madano menamisino kakadee-deeno mbadha, nokukundomo dhosa.

Ibrani 12:2

Poowa bhe tendentoomu, ondo kaitaomu kansuhu te wise, te Yesus. Anoamo melengka kaita kaangkaꞌano kaparasaea, Anoamo dua so mosangkano kaparasaeantoomu. Yesus netaami kakadee-dee te sau salipu bhe miina naoheruane putae domate te sau salipu maitu giu timoambanoꞌaono, hampano sehonda-honda nefeꞌulaino: te wiseno nandoo kawulano lalo bhalano so netahimano. Ampa aitu Anoa nengkohamo ne suanano kaengkohaꞌano kumalabhiano Lahataꞌala.

Lukas 18:31

Pada anaꞌa Yesus nosaliꞌimo anaguhuꞌino ompulu hoduano maka nofohatoda ambano, “Aitu dokalaomu we Yerusalem. Ne naꞌa kosasawiꞌae nebuhindo ana-anabii mulaoꞌaono Anano Manusia - Idimo ini - nakoꞌulamo.

Lukas 12:50

Idi ini tetewei aenamisi kakadee-dee, nosabha sepaliꞌa handaku ane paeꞌo namalusi kakadee-dee anaꞌa.

Yohanes 18:11

Nopugaumo Yesus ne Petrus ambano, “Pusoloe kampuemu itu! Ingka tetewei Idi aohoꞌu ne kampohoꞌuꞌa kawaꞌaono Amaku.”

Lukas 10:30

Yesus notobhoosiane kapalenda ambano, “Nandoo seemie nosampu nomaiꞌao we Yerusalem nohope we Yeriko, gahaꞌa noꞌawae karampasi we sala. Barano dopadae doalaꞌie, mieno dolandakie maka dofilei tadohunsamo olotano dadi bhe mate.