Lukas 19:20 - Muna Southern Dialect

²⁰ Nohatomo dua seemieno bhe nopugau ambano, ‘Waompu, ainiꞌae dhoi bulawa kawaꞌaomu, taꞌafeka-fekataamo weo kapusuli.

Lukas 19:20 Referans Kwoze

Matius 25:24

Kaowu nomaimo bhatua metahimano sekakadu bhe nopugau ne kafeompuꞌano, ‘Waompu, apandeꞌaane hintu mie moꞌosano lalo. Otobhe ne kaampo pata kaeꞌewiꞌamu, okape ne kaampo pata kamontisaꞌamu.

Yakobus 4:17

Dadiꞌanomo ane seemie nopandeꞌaanemo habu metaa so nehabuno, tamaka miina nadhumalangiea, ingka nokodhosamo.

Lukas 19:13

Miinaꞌo nakumalaa, kafeompuꞌa maitu nosaliꞌimo bhatuano doompulu, maka nowaꞌanda dhoi bulawa sewoka seemie bhe nopugauanda ambano, ‘Podagaꞌaoꞌomu dhoi aini ampa asumuli.’

Lukas 6:46

“Noafa kona kanauꞌomu, ‘Ompu, Ompu’, gahaꞌaitu miina mangkafieꞌomu pugauku?

Lukas 3:9

Polulu nokantaa-ntaamo ne pahakano sau. Sabhaha sau tapa mokesaꞌano bhake tetewei datumuꞌoe maka daꞌumohoe weo efi.”

Lukas 19:19

Ambano kafeompuꞌa naꞌa, ‘Hintu amaꞌangko meowa nalima onu liwu.’

Lukas 19:21

Kapaꞌamo aoteꞌi waompu, hampano kaꞌosano lalomu. Hintu tamealamo tapa nehunsamu, kape ne kaampo tapa kamontisaꞌamu.’

Yohanes 11:44

Mie mate naꞌa lasao nolimba, aꞌeno bhe limano nandoo nokakompoe kawalu, ulano dogantuane kabhia-bhia. Yesus nopugauandamo ambano “Lenseeꞌomu nekala-kalaꞌao.”

Yohanes 20:7

Gahaꞌa kabhia-bhia kakompono fotuno Yesus miina napohompu bhe kawalu naꞌa, tamaka nogaati nomoisa, padamo dolupie.