Lukas 18:43 - Muna Southern Dialect

⁴³ Mie anaꞌa lasao nofowoha maka noangkafi Yesus poowa nofekakalabhia Lahataꞌala. Kosasawindo mie mohano kadhadhia amaitu, dopudhimo dua Lahataꞌala.

Lukas 18:43 Referans Kwoze

Galatia 1:24

Dadiꞌanomo andoa dofekakalabhia Lahataꞌala mbaꞌinomo kumadhadhiaꞌano ne idi ini.

Tula-tulando rasulu 26:18

so molosaꞌao matando, neanomo dahumunsamo kahohondo maka damesua we mentaleaꞌano, damaiꞌao ne kuasano Kafeompuꞌando seetani dadumoli ne Lahataꞌala. Neanomo dua dhosando natiꞌamponi hampano kaparasaeando ne Idi, pakade daeꞌawa dawua nefotantuno Lahataꞌala so mie mongkilo.’

Tula-tulando rasulu 11:18

Dofetingke peda maitu miinamo dakodiua, tadopudhimo kakalabhiano Lahataꞌala. Ambado, “Ingka gahaꞌa mie suano Yahudi nowaꞌanda dua kadawu Lahataꞌala dametompaꞌao dhosando so dadumadiꞌao suhue dhamani!”

Tula-tulando rasulu 4:21

Sedhuluꞌa dua kaꞌosano dolambada, tamaka panda-pandano dofolapada dua mbaꞌinomo miina daewohaa dhala so katihukumuꞌandoa. Pakade doteꞌi dua mie bhahi mudhino neano Ompu hampano dowoha kadhadhia amaitu.

Lukas 13:17

Pugauno Yesus naꞌa doambanoane kosasawindo mewangie, tamaka mie bhahi doꞌia sepaliꞌa mbaꞌinomo sabhaha kakalabhia nehabuno.

Lukas 5:26

Kosasawindo mie tadomente bhe dopudhi Lahataꞌala. Weo kateꞌindo dopugaumo ambado, “Oleo itu dowohaomu kadhadhia timenteꞌaono sepaliꞌa.”

Lukas 4:39

Yesus noehemo ne sohihino kamungkula aitu, maka nobhoohai sodono naꞌa, lasao nopada. Hobhine aitu lasao nowanu maka netaganaanda daomaa.

Matius 21:14

Pada aitu domaimo mie kabunto bhe kakempa ne Yesus weo Lambuno Lahataꞌala naꞌa, maka nofekaꞌosada.

Matius 11:5

Kabunto suli dofowoha, mie kalu dekala-kala, kokuli modaino donggela, kapongke dofofetingke, mie mate suli dodadi bhe mie ngkumaasi-asi defebhihitaianda Bhihita Metaa.

Matius 9:8

Mie bhahi mohano kadhadhia aitu doteꞌi bhe dopudhi Lahataꞌala maꞌaono kuasa bhalano pedando aitu ne manusia.

1 Petrus 2:9

Tamaka hintimiu bansano liwu tipilino, imamu meompuno ne Omputo, bansano liwu mongkilono, umati fehebuaꞌano wutono Lahataꞌala. Lahataꞌala nopilikoomu bhe nobhasikoomu maiꞌao weo kahohondo pesuaꞌomu weo kantalea kumalabhiano, neanomo moleleeꞌomu sabhaha habuno timenteꞌaono.

Lukas 19:37

Nohato we owano Yerusalem, ne kainsibuluno kabhawono Zaitun, mie bhahi mangkafie naꞌa dopokakei-keiꞌaomo kaꞌia dopudhi Lahataꞌala, hampano sabhaha tanda tapa mentela newohando.