Lukas 18:32 - Muna Southern Dialect

³² Kapaꞌamo Anano Manusia daowae ne limando mie tapa mandeꞌaono Lahataꞌala maka damele-elee, damekaꞌaebue bhe dakumapehasie.

Lukas 18:32 Referans Kwoze

Lukas 23:11

Notanda ne itu Herodes bhe tantaraꞌino dofekaꞌaebumo Yesus bhe doele-elee, pada anaꞌa dofokanaanemo dhubano kolaki maka dofosulie se Pilatus.

Tula-tulando rasulu 3:13

Lahataꞌalano Abraham, Ishak bhe Yakub, Lahataꞌalando awuaꞌintoomu nofekakalabhiamo Yesus palima-limano. Yesus ini owaeꞌomu ne kolakino liwu, tamaka mahinggamo Pilatus nokopatudhu namolapae, hintimiu mongaheꞌieꞌomu.

Markus 14:65

Pada aitu sigaꞌa dokapehasiemo, dodampu matano maka dotumbusie poowa dofeenae ambado, “O anabii, soba bhoto notumbuko laꞌae!” Sampe mie dhumagano detofalimo dua.

Matius 26:67

Pada aitu dokapehasi ulano bhe dotumbusie; sigaoꞌano dohambisie, bhe dopugau ambado,

Matius 16:21

Notandamo wakutuu anaꞌa Yesus nofohatomo anaguhuꞌino mentalea-mentalea, putae Anoa tetewei nakumala we Yerusalem. Ne itu naobhahi naeꞌawa kakadee-dee maiꞌao ne kamungkulaꞌi, neangkaꞌindo imamu bhe pande-pande Kitabi. Andoa damongkoe, tamaka ne katolu oleono namanu namaiꞌao ne mate.

Tula-tulando rasulu 2:23

Noposahataa bhe patudhuno bhe kalentuno Wutono, Lahataꞌala nobhotusiemo nofolapasaangkoeꞌomu. Tamaka hintimiu katahoeꞌomu ne bansando mie modai dokantaiꞌe te sau salipu bhe dopongkoe.

Yohanes 18:35

Ambano Pilatus, “O miendo Yahudi gahaꞌa idi ini? Ingka saliwumu bhe neangkaꞌindo imamu mowako se idi. Mehabu ae gahaꞌa?”

Yohanes 18:30

Tadotobhoosimo ambado, “Ane mie aini suano mie modai, ingka pae taowae ne wisemu!”

Yohanes 18:22

Pada nopugau peda naꞌa seemie dhagano kamali meehe-eheno ne itu lasao nobhantofa Yesus bhe nopugau ambano, “Gahaꞌa peda itu pugau bhe Imamu Bhalano?”

Lukas 23:35

Mie bhahi deehe-ehe ne itu doꞌondo-ondo sabhaha kumadhadhiaꞌano. Kamu-kamungkulaꞌi doele-elee ambado, “Mie sigaoꞌano nofosalamatida, ane kotu-kotuꞌu anoa ini Mesias, Omputo Fosalamatino nepilino Lahataꞌala, ingka naetaamo namosalamati wutono.”

Lukas 23:1

Kosasawindo Sahano Agama naꞌa doehemo maka doowa Yesus se Pilatus.

Matius 27:2

Dadiꞌanomo Yesus dokatapuanemo hante maka dowowoꞌoe, dofoowae ne wiseno Pilatus, gubernur ne kadie aitu.

Yohanes 18:28

Nandoo same-samentaeno dowowoꞌomo Yesus maiꞌao we lambuno Kayafas we kamalino gubernur. Miendo Yahudi dokiido damesua weo kamali naꞌa, keana dokodengo weo tubhono agamando. Kapaꞌamo gaondo daomaa haroano Paska.

Markus 15:1

Nohaha kamentae neangkaꞌindo imamu, kamu-kamungkulaꞌi, pande-pande Kitabi bhe kosasawindo Sahano Agama noseꞌisemo fekihindo. Yesus dotapuemo maka doowae ne wiseno Pilatus.

Matius 20:19

Anoa damowae ne bansano liwu suano Yahudi, damele-elee, dahumambisiane habuta bhe dakumantaiꞌe te sau salipu. Tamaka ne katolu oleono namanu namaiꞌao ne mate.”

Matius 22:6

Nandoo dua sigaoꞌano dohako bhatuano, dofodee-deeda maka dopongkoda.

Lukas 18:33

Anoa maitu damepekie bhe damongkoe tamaka ne katolu oleono namanu namaiꞌao ne mate.”

Yohanes 18:32

Kanandooꞌano peda ini somo nokoꞌulaꞌao pugauno Yesus wakutuuno nopulaoꞌao nada amai so kamateꞌano.