Lukas 18:12 - Muna Southern Dialect

¹² Idi apoasa haa paku seꞌahadhi, pakade pehapiku afeompulu dawue, sedawu nembali kafoampe so Hintu.’

Lukas 18:12 Referans Kwoze

Lukas 11:42

Tamaka balaamoomu hintimiu miendo Farisi, kapaꞌamo taꞌolentu-lentuomu pehapimiu mohobuꞌino peda sabhaha kagule feompulu dawueꞌomu maka sedawu gaatiemoomu so kapopanga ne Lahataꞌala. Gahaꞌa o kaꞌadhili bhe kaasi ne Lahataꞌala miina konamianeomu. Haa hondano aini tetewei dhalangieꞌomu, tamaka atorano agama koise dua molimpuꞌaneomua.

Matius 9:14

Palusi anaꞌa domaimo anaguhuꞌino Yohanes Fokadiuno ne Yesus, bhe dopugau ambado, “Noafa gahaꞌa insaodi bhe miendo Farisi tapoasa tamaka anaguhuꞌimu ingka miina?”

Lukas 17:10

Pedamo dua hintimiu itu, ane madamo dhumalangi kosasawiꞌae takamiu, naetaa pugauꞌomu, ‘Insaodi ini senaꞌa-naꞌa bhatua, tadhalangi kaowu taka netuduꞌao mani.’ ”

1 Timotius 4:8

Dokane-kanea mbadha ⸤ so doꞌosaꞌao⸥ bhe hatoꞌano fahalaano, tamaka dokanea wuto dodadi lumebe miina nakotompaa fahalaano, kapaꞌamo naeowa dadi te dhunia ini bhe dadi we suliꞌa peda dhandino Lahataꞌala.

Matius 6:1

“Tandaiꞌeomu, koise angkafiomu tubhono agamamiu mefewohaomu kaowu ne mie bhahi. Ane peda naꞌa Amamu te surugaa pae namaꞌangkoomu ponambo.

Efesus 2:9

Suano hasilino habumiu, keana bhe so sumangke-sangkeno wutono mbaꞌinomo nosalamati.

Galatia 1:14

Weo dhalangiꞌano agama Yahudi, dobhahi tapiꞌaku aliuda. Nokampuu-mpuu laloku bhe akokoso sepaliꞌa adambaꞌao adhati kahunsaꞌaondo awuaꞌiku.

1 Korintus 1:29

Patudhuno keana bhe so sumangke-sangkeno wutono ne wiseno Lahataꞌala.

Roma 3:27

Ane peda anaꞌa naembali bhahaa o manusia dasumangke-sangke wutondo ⸤ hampano dosalamati⸥ ? Ingka pae naembalia. Tamaka noafa pata kaembaliꞌano? Mbaꞌinomo habunto bhahaa? Ingka miina. Bhahi-bhahiꞌae nengkoha kaowu ne kaparasaea ⸤ ne Yesus Kristus⸥ .

Matius 6:16

“Ane moasaomu koe mengkuru-ngkuruomua peda mie mehaaꞌulano. Andoa maitu dohabu-habue ulando, defewoha ne mie putae dopoasa. Amohatokoomu, kotu-kotuꞌu andoa dotahimaemo ponambodoa.

Matius 6:5

“Ane sumambaheaꞌomu koe nameda mie mehaaꞌulano. Andoa maitu doasiane dosambahea ngkaehe-ehe weo lambu kasambaheaꞌa bhe ne kampuna defewoha ne mie bhaindo. Amohatokoomu, kotu-kotuꞌu andoa maitu dotahimaemo ponambodo.

Matius 5:20

Amohatokoomu, kotu-kotuꞌu pae bhe kapoolia mesuaꞌomu weo Kafopahintaꞌano Lahataꞌala, simbali podiumiu poangkafiꞌano bhe kapoindalono Lahataꞌala namoliu podiundo pande-pande Kitabi bhe miendo Farisi.