Lukas 18:1 - Muna Southern Dialect

¹ Yesus nopugaumo toha nepakeanda kapalenda. Patudhuno nofoinaꞌu anaguhuꞌino putae sadhia dasumambahea pae daongoongaraa.

Lukas 18:1 Referans Kwoze

Kolose 4:2

Mpuu-mpuunieꞌomu sambaheamiu, kodhagaomu weo sambaheamiu poowa mefoampeomu katumpuno lalo.

Roma 12:12

Fowula lalomiu hampano bhe neposahunaꞌaomiu, kosabaha potaamiomu weo kasabha, mpuu-mpuunieꞌomu sambaheamiu!

1 Tesalonika 5:17

Sambaheaꞌomu kansuhu.

Filipi 4:6

Koe nokamihi-mihi lalomiu ne ae maka dua. Tamaka sadhia foampeomu kamesalomiu ne Lahataꞌala weo sambahea bhe neatimiu. Kafaraluumiu naꞌa fohatoaneomu Lahataꞌala weo katumpuno lalomiu.

Efesus 6:18

Habue bhahi-bhahiꞌae naꞌa poowa sambaheaꞌomu mesaloomu katulumino Lahataꞌala. Sadhia sambaheaꞌomu angkafiomu kaatono Rohino Lahataꞌala, o ae maka dua nehabumiu. Kodhagaomu weo sambaheamiu, koe fenga-fengaasia mesaloomu so kosasawindo umati mongkilono.

Lukas 21:36

Kodha-kodhagaomu bhe sadhia sambaheaꞌomu, neanomo meꞌawaomu kaꞌosa lumapaꞌaoꞌomu ne sabhaha so kumadhadhiaꞌano naꞌa bhe naembali meehe-eheomu te wiseno Anano Manusia.”

Galatia 6:9

Dadiꞌanomo koise dowoowulea dahumabu metaaꞌomu, kapaꞌamo nahumato tempono datumahimaomu pehapintoomu, sumanomo koise dofetumpuomu.

2 Korintus 4:1

Insaodi tatahima taka kaꞌondofao aini hampano kabhelano lalono Lahataꞌala, patamo kaotembeꞌano lalo mani.

Kolose 4:12

Saliwumiu Epafras nepakatuangkoomu dua salam. Anoa ini palima-limano Kristus Yesus, sadhia dua nosambaheaꞌangkoomu sampuu-mpuuno lalono. Nesalo ne Lahataꞌala so naotangkaꞌao kofindamiu weo kaparasaeamiu, membaliomu miendo sarani motangkano dadi tapa poibhahano, mie mangkafino kapoindalono Lahataꞌala.

Lukas 11:10

Kapaꞌamo sasuka mesalono naetahima, sasuka meꞌondofino naepoꞌawaꞌao, bhe sasuka mekatengkino fointo dalumengkaane.