Lukas 16:31 - Muna Southern Dialect

³¹ Ambano toha Abraham, ‘Ane pae dametingke kafoinaꞌuno anabii Musa bhe ana-anabii sigaoꞌano, teteweimo pae dua damarasaeaꞌa mahinggamo nahumatoda seemie manuno maiꞌao ne mate.’ ”

Lukas 16:31 Referans Kwoze

2 Korintus 4:3

Ane ibahano Bhihita Metaa neowa mani ini nandoo notiꞌonto, miina natilosangi, ingka mpahinomo mie humopeno ne kabinasa tapa lumosangie.

2 Korintus 5:11

Insaodi tapandeꞌaane maꞌanano doteꞌi ne Ompu, kanandooꞌanomo sadhia taꞌulei lalo mani so doparasaeaꞌao mie bhai mani. Lahataꞌala nolosangie mpuu totono lalo mani, bhe aposahunaꞌao naentalea dua weo totono lalomiu mie medano ae insaodi ini.

Tula-tulando rasulu 28:23

Pada anaꞌa detempomo so dapoꞌawa-awaꞌao. Nohato tempono dobhahi sepaliꞌa maino we kabutuꞌano. Paulus nofohatoanda bhe notalesaandamo peda amai Kafopahintaꞌano Lahataꞌala notanda ne Kitabino Musa bhe Kitabindo ana-anabii. Anoa noꞌule-uleiꞌe lalono so damarasaeaꞌao ne Yesus, notanda hangkowine ampa nohondo oleo.

Tula-tulando rasulu 26:28

Nopugaumo Agripa ambano, “Kunaꞌemu sebantaha gahaꞌa mosarani kanau?”

Tula-tulando rasulu 19:8

Ampa tolu wula Paulus sadhia nopesua weo lambu kasambaheaꞌa ne itu bhe nokado nofofoguhu. Nopuga-pugau bhe andoa patudhuno mpuu namoparasaeada ne kahatoꞌano Kafopahintaꞌano Lahataꞌala.

Lukas 16:30

Tamaka ambano dua mie hangkaea naꞌa, ‘Paise amaku Abraham, ane nandoo mie mate so sumuli dumadino maka nakumala namodhagada, tetewei dametompaꞌao dhosando.’

Lukas 17:1

Nopugaumo Yesus ne anaguhuꞌino ambano, “Tingkuno dhosa tetewei nandumandoo, tamaka nobalaamo mie mehabuno tingkuno dhosa naꞌa.

Yohanes 5:47

Tamaka ane pae marasaeaꞌomu nebuhino anabii Musa, nada amai marasaeaꞌomu gahaꞌa ne wambaku ini?”