Lukas 16:3 - Muna Southern Dialect

³ Dukuno lalono mie anaꞌa, ‘Aeafaꞌimo bhahaa? Ingka kafeompuꞌaku ini namosabu kanaumo. Aesaꞌera pae atumanggoa, aesalo-salo ingka aambano.

Lukas 16:3 Referans Kwoze

2 Tesalonika 3:11

Kapugauꞌa mani peda aini hampano tafetingke nandoo mantawano kumiidono kumahadhaano, gunando fisa deꞌatoro urusundo bhaindo.

Tula-tulando rasulu 3:2

Ne itu nandoo seemie moꞌane nokalu mpini pakalenteno. Seꞌo-seꞌoleo doꞌoweaꞌe maka dofongkohae ne fointo bhalano kapesuaꞌa weo Lambuno Lahataꞌala, koneaꞌano Fointo Mokesa. Ne itu nesalo-salo ne mie mesuano weo Lambuno Lahataꞌala.

Yohanes 9:8

Santieneno bhe mie mandeꞌaane endefiꞌini mie amaitu mesalo-salono, dopugaumo ambado, “Ingka anoa ini mie mengkoha-ngkohano maka nesalo-salo?”

Lukas 18:4

Ampa seꞌoleo haa oleo pande bhitaha naꞌa nokiido natumulumie. Tamaka pada anaꞌa nokodukumo we lalono, ‘Daanumo miina aoteꞌia ne Lahataꞌala, miina dua akonidhampangia mie bhaiku,

Lukas 16:22

Kaowu mie kumadee-deeno naꞌa nomatemo, maka doampee malaꞌekati te awino Abraham.

Lukas 16:20

Nandoo dua seemie kumadee-dee, neano Lasarus. Mbadhano noponoꞌao kanda, nendole-ndole ne wiseno fointono lambuno mie hangkaea naꞌa.

Lukas 12:17

Nokodukumo lalono, ‘Aeafamo bhahaa, ingka miinamo bhe lambu so katihompuꞌano pehapiku ini?’

Markus 10:46

Yesus bhe anaguhuꞌino dohatomo we Yeriko. Dalumimbaki kaowu Yeriko, dobhahi mie mangkafie, gahaꞌa nandoo seemie kabunto nengkoha-ngkoha ne wiwino sala nesalo-salo. Neano Bartimeus, anano Timeus.

Tula-tulando rasulu 9:6

Aitu wanuꞌo toha, pesuamo weo kota, ne itu damohatoangkomo so nehabumu.”

Matius 20:8

Hato nohondo oleo nopugaumo kokaampono naꞌa ne mandoro ambano, ‘Saliꞌida kumahadhaano itu maka waꞌanda ponambodo seemie-seemie, natumanda ne mesuano mbuhumai ampa mesuano kabhao-bhaono.’

Lukas 16:2

Nofetingke peda maitu, mintahano kahangkaea naꞌa nobhasiemo maka nofeenae ambano, ‘Peda ae bhahaa pofetingkeku ini, ingka dopulaoꞌao hintu? Soba buhi kanaꞌe bhahi-bhahiꞌae nehabumu kaomponano intaha kahangkaeaku ini, kapaꞌamo paemo membalia so mintahano kahangkaeaku.’

Lukas 16:4

Apandeꞌaanemo so nehabuku, neanomo ane damosabu kanau kaowu nandoo dua so tumahima kanau ne lambudo.’