Lukas 16:11 - Muna Southern Dialect

¹¹ Dadiꞌanomo ane pae naembali daposahunaꞌaangkoomu kahangkaeano dhunia, ingka tetewei pae dua daposahunaꞌaangkoomu kahangkaea sakotuꞌuno, ⸤ maꞌanano dadi buꞌou⸥ .

Lukas 16:11 Referans Kwoze

Lukas 12:33

Asopieꞌomu fehebuaꞌamiu maka dhoino waꞌandae mie mokae! Mehabuomu kadu-kaduno dhoi so tapa molusaꞌano, maꞌanano kahangkaea te surugaa tapa mowoowolono. Kahangkaea anaꞌa paise nahumatoe kasibu, paise dua naomaaꞌe faa.

Yakobus 2:5

Bhahitieꞌiku timoasiꞌaono, fetingke kanauꞌomu! Mie mokae ne pomatano dhunia ingka nofepilida Lahataꞌala, dembali mie hangkaea weo kaparasaeando. Andoamo dua so kohakuꞌaono metahimano kadawu weo Kafopahintaꞌano Lahataꞌala, peda nedhandiꞌaono Lahataꞌala ne mie moasiane.

Efesus 3:8

Idi ini mie we pandano panda ne olotando umati mongkilono Lahataꞌala. Mahinggamo pedamo aini, Lahataꞌala nofotiwoha kanau rahamatino nowaꞌa kanau takaku ini: aefolele Bhihita Metaa ne mie suano Yahudi, aefebhihitaianda kabhalano kabarakatino Kristus pata tikiha-kihano so intaodiomu.

Lukas 18:22

Nofetingke peda naꞌa Yesus nopugaumo ambano, “Tadua sehonda so nedhalangimua, asoe sabhaha fehebuaꞌamu, olino dawu-dawuandae mie mokae maka meꞌawa arataa te surugaa. Mada anaꞌa maimo angkafi kanau!”

Lukas 16:9

⸤ Ambano toha Yesus⸥ Amohatokoomu, pakeomu kanandoono dhunia ini so posabhangkaomu mie bhaimiu, neanomo pae kaowu nakofahalaa kanandoono dhunia ini, hintimiu nandoo dua datumahimakoomu weo lambu kadadiꞌa suhue dhamani.”

Powoha 3:18

Dadiꞌanomo atangahikoomu meꞌoli bulawa toka nefekangkilo ne efi maiꞌao ne Idi neanomo humangkaeaꞌomu. Meꞌoli dua pakea kapute neanomo naembali makee keana notiwoha katilembimiu timoambanoꞌaono itu. Meꞌoli dua kaago so tumei ne matamiu neanomo fowohaomu.

Matius 6:24

Miina bhe bhatua dohodua kafeompuꞌano. Ane nada naꞌa tetewei seemiea nabansie, seemie namasiane, tawa nokampuu-mpuu lalono ne seemieno maka seemieno miina nakumonaꞌi miea. Hintimiu pae naembalia meompuomu ne Lahataꞌala bhe ne kahangkaeano dhunia.”

Lukas 16:12

Ane miina naembali daposahunaꞌaangkoomu kahangkaeando mie bhaimiu, namaꞌangko laꞌae bhahaa kahangkaeamu wutomu?