Lukas 15:29 - Muna Southern Dialect

²⁹ Tamaka tanotobhoosi ne amano ambano, ‘Ingka ntini taꞌu-taꞌumo afeompuniꞌiko, bhe nasepaku miina alumempagi pahintamu. Tamaka bhe naseꞌulu anano membe miina maꞌa kanau so ahumame-hameꞌao bhe sabhangkaꞌiku.

Lukas 15:29 Referans Kwoze

Powoha 3:17

Ambamiu, ‘Idi ini ahangkaea, padamo afekahangkaea wutoku, miinamo akonikaea.’ Gahaꞌaitu miina mandeꞌaanea hintimiu itu mie ngkaasi-asi, mie timobhelaꞌaono lalo, mie mokae, mobuntono bhe melembino.

Powoha 2:17

Kotingalano naetaa nametingke wambano Rohino Lahataꞌala ne tombudo umati. Sasuka fotalono amaꞌanda daomaa manna tifebuniꞌano; pakade amaꞌanda kontu kapute katibuhiꞌanomo nea buꞌou tapa nepandeꞌaondo mie sigaoꞌano, mpahinomo tumahimae.”

Roma 10:3

Kapaꞌamo miina damandeꞌaanea peda amai dhalano Lahataꞌala nofotahima peda mie banara. Hampano gaondo damangkafi dhalando wutondo, sampe dokiido damangkafi kaangkaꞌa nelengkano Lahataꞌala so nafotahimaꞌao peda mie banara.

Roma 7:9

Endefiꞌini adadi miina aepandeꞌao tubhono agama, tamaka saꞌapandeꞌao pahintano agama, o dhosa tanosidadiꞌamo maka idi amatemo.

Lukas 19:21

Kapaꞌamo aoteꞌi waompu, hampano kaꞌosano lalomu. Hintu tamealamo tapa nehunsamu, kape ne kaampo tapa kamontisaꞌamu.’

Lukas 18:9

Yesus nepakemo dua kapalenda aini ne mie mabhino wutondo mie banara bhe misakino mie bhaindo.

Lukas 17:10

Pedamo dua hintimiu itu, ane madamo dhumalangi kosasawiꞌae takamiu, naetaa pugauꞌomu, ‘Insaodi ini senaꞌa-naꞌa bhatua, tadhalangi kaowu taka netuduꞌao mani.’ ”

Lukas 15:7

Amohatokoomu, nadamo dua anaꞌa te surugaa daoꞌia hampano seemie kodhosa metompaꞌaono dhosano, nalumiuꞌe kaꞌiando mbaꞌinomo mie banara siua fulu sisiuano tapa maraluuno dametompaꞌao dhosando.”

Matius 20:12

Ambado, ‘Ingka mesuano mbuhumai ini sedhamu kaowu dokahadhaaꞌa. Noafa pototoanda bhe insaodi kumahadhaa mobhieno, suhue oleo taetohu kasodono oleo?’

Roma 3:27

Ane peda anaꞌa naembali bhahaa o manusia dasumangke-sangke wutondo ⸤ hampano dosalamati⸥ ? Ingka pae naembalia. Tamaka noafa pata kaembaliꞌano? Mbaꞌinomo habunto bhahaa? Ingka miina. Bhahi-bhahiꞌae nengkoha kaowu ne kaparasaea ⸤ ne Yesus Kristus⸥ .

Roma 3:20

Hampano bhe naseemie miina bhe netahimano Lahataꞌala peda mie banara mbaꞌinomo nodhalangi tubhono agama Yahudi; tamaka hampano nandoo tubhono agama maitu manusia dopandeꞌao wutondo dokodhosa.

Lukas 15:28

Nofetingke peda aitu, anaꞌi titiisa naꞌa noꞌamahamo bhe nokiidomo namesua. Dadiꞌanomo amano nolimbamo nopoꞌawaane nomalu-malusie namesua.

Lukas 15:30

Aitu kaneꞌo nohato anamu pokamasaꞌaono fehebuaꞌamu bhe hobhineꞌi karambole, gahaꞌa lasao mesumbeleane sapi kampuhobuku.’