Lukas 15:24 - Muna Southern Dialect

²⁴ Kapaꞌamo anaku ini kanggetu nomatemo, gahaꞌa sulimo nodadi. Nomiinae, sulimo apoꞌawaane.’ Pada aitu dohame-hamemo.

Lukas 15:24 Referans Kwoze

Efesus 2:5

Lahataꞌala nofodadi kaita dopoowa bhe Kristus, mahinggamo domatemoomu hampano dokangkalaꞌi pahintano. Tandaiꞌeomu, hintimiu nofosalamatikoomu Lahataꞌala hampano kataano lalono.

Kolose 2:13

Hintimiu endefiꞌini momateomu hampano sabhaha kaꞌalamiu pakade mbadhamiu miina natisunaa. Tamaka ampa aitu Lahataꞌala nofodadikomoomu poowa-owaomu bhe Kristus. Lahataꞌala noꞌamponiemo sabhaha kaꞌalantoomu.

Lukas 19:10

Kapaꞌamo Anano Manusia - Idimo ini - nomai naꞌumondofi bhe namosalamati mie kolilinono totono lalo.”

Efesus 2:1

Endefiꞌini hintimiu kao-kaomo momateomu hampano kodhosaomu bhe kangkalaꞌiomu pahintano Lahataꞌala.

Lukas 15:4

“Ane ibahano ne olotamiu itu nandoo seemie kodhumbano moꞌono ulu, gahaꞌa namiinae seꞌulu, naeafamo bhahaa? Ingka teteweimo nahumunsada siua fulu siua uluno naꞌa we pada maka naꞌumondofi seꞌuluno miinaeꞌano naꞌa ampa naꞌumawae.

Lukas 15:32

Nopantasi mpuu daoꞌiaꞌomu bhe dahumame-hameomu kapaꞌamo aimu kanggetu nomatemo, gahaꞌa sulimo nodadi, nomiinae sulimo apoꞌawaane.’ ”

Roma 6:11

Dadiꞌanomo abhi wutomiu momatemoomu maiꞌao ne kuasano dhosa, tamaka dadimoomu so Lahataꞌala weo kaseꞌisemiu bhe Kristus Yesus.

Roma 8:2

Kapaꞌamo noangka ne Kristus Yesus, tubhono Rohino Lahataꞌala meowano dadi padamo nofobebasikoomu maiꞌao ne tubhono dhosa bhe mate.

Roma 12:15

Fowula lalomiu bhe mie mowulano lalo, moꞌaeꞌomu bhe mie moꞌaeno.

Yohanes 11:25

Ambano Yesus, “Idimo ini fofowanuno maiꞌao ne mate bhe meowano dadi. Sasuka marasaeano ne Idi nadumadi mahinggamo nomatemo.

Efesus 5:14

Kapaꞌamo bhahi-bhahiꞌae tiwohaꞌano, tantumo nentalea. Kanandooꞌanomo dokowambaane peda aini, “Wanumo hintu moodono, wanumo maiꞌao ne mate, maka naꞌumulawiko tilangano Kristus.”

1 Korintus 12:26

Dadiꞌanomo ane sehonda katoka nokadee-dee, kosasawindo dokadee-dee; ane sehonda katoka dofosibhalae kosasawindo doꞌia.

1 Timotius 5:6

Tamaka ane seemie bhihinanda gaono nadumadi namangkafi namisino, ingka nomatemo wawo mahingga nandoo nodadi.

Roma 11:15

Kapaꞌamo sanginomo nokukundoda Lahataꞌala neowamo pometaano Lahataꞌala bhe dhunia ini, mangke-mangkemo ane natumahimada Lahataꞌala. Ingka tanapototomo bhe mie mate suli dodadi!

Roma 6:13

Koemo owaomu katokano mbadhamiu ne dhosa, namakee so patudhu modai. Tamaka owa wutomiu ne Lahataꞌala peda mie madano mateno suli dodadi. Owaomu dua katokano mbadhamiu ne Lahataꞌala, neanomo namakee so dhumalangiꞌaoꞌomu kapoindalono.

Yohanes 5:21

Amano nefowanu mie komate-mateno bhe nofodadida, pedamo dua anaꞌa Anano nefodadi dua ampa nepoindalono.

Markus 8:22

Yesus bhe anaguhuꞌino dohatomo we Betsaida. Ne itu deowaane seemie kabunto maka desalo namedampae.

Powoha 3:1

“Buhie dua so malaꞌekatino umati we Sardis: pedamo aini kaowilino kofehebuaꞌaono kofitu bansaꞌae Rohino Lahataꞌala bhe fitu ulu kulipopo. Apandeꞌaane sabhaha kahadhaamiu, ambado hintimiu dadiomu, gahaꞌaitumo momateomu.

Yudas 1:12

Weo hame-hamendo umati notimolampi diundo, kapaꞌamo miina daoambanoa deagoi oti, tadofeꞌulai kaowu wutondo. Andoa tapedamo olu nelola-lolaꞌaono kawea tamaka miina naeowa use. Andoa tapedamo dua sau tapa kobhake mahinggamo ne tandaiꞌano nakobhake, mbaꞌinomo padamo dobunae bhe paha-pahakano, nomatemo sepaliꞌa.

Lukas 10:19

Ingka padamo awaꞌangkoomu kuasa so mefindaꞌiꞌaoꞌomu ule bhe sabhaha kaꞌuhi kobisa. Awaꞌangkoomu dua kapooli so tumaloꞌaoꞌomu kuasano kaewamiu sampe paise bhe so kobalaaꞌano ne wutomiu.

Matius 8:22

Tamaka Yesus notobhoosi, “Angkafi kanau, hunsaꞌanomo mie mate dakumobuhu mie mate bhaindo.”

Lukas 9:60

Tamaka Yesus nopugaumo ambano, “Hunsaꞌanomo mie mate dakumobuhu mie mate bhaindo, tamaka hintu kala folele bhihita Kafopahintaꞌano Lahataꞌala.”

Lukas 15:23

Meala kaitaomu anano sapi kampuhobuku maka sumbeleeꞌomu. Maimoomu, daomaaꞌomu bhe dahumame-hameomu.

Lukas 15:25

Tamaka anano titiisa nandooꞌe te kaampo. Hato nosuli nomaꞌo bhe lambu nofetingkemo ndiino mbololo bhe ganda bhe lagu-lagu manari.