Lukas 14:15 - Muna Southern Dialect

¹⁵ Nofetingke peda naꞌa seemie ne olotando mie humatono nopugaumo ne Yesus ambano, “Dokodawua mpuu mie so poharoano weo Kafopahintaꞌano Lahataꞌala.”

Lukas 14:15 Referans Kwoze

Powoha 19:9

Pada aitu nopugaumo ⸤ malaꞌekati naꞌa⸥ ne idi, “Buhie nada ini: dokodawua mpuu mie tibhasino ne kagaano Anano Dhumba.” Ambano dua, “Wamba aini nokotuꞌu, sanea bhoasaono Lahataꞌala.”

Lukas 22:30

Ne naꞌa hintimiu naembali momaaꞌomu mohoꞌuomu pombaliomu bhe Idi weo Kafopahintaꞌaku, bhe mengkohaomu ne kaengkohaꞌano kolaki so mandeꞌaono miendo Israel ompulu haa sampuꞌano.”

Lukas 13:29

O mie damaiꞌao te mata oleo bhe we kansoopa, te napa bhe we salata maka daengkoha daomaa weo Kafopahintaꞌano Lahataꞌala.

Matius 25:10

Nandoo tangasano dokala deꞌoli mina, loꞌia buꞌou nohatomo. Toka mantaa-ntaano lasao dopesua weo lambu kahame-hameꞌa, dopoowa-owa bhe loꞌia buꞌou naꞌa. Pada aitu fointo doꞌontoemo.

Lukas 12:37

Dokodawua mpuu bhatua nehatofino kafeompuꞌando nandoo demboto bhe dodhaga. Amohatokoomu, kotu-kotuꞌu kafeompuꞌa aitu nalumoli pakeano maka napugauanda bhatuano naꞌa daengkoha bhe naetaganaanda daomaa.

Matius 8:11

Amohatokoomu, dabhahi mie so humatono damaiꞌao te mata oleo bhe we kansoopa maka daomaa dapombali-mbali bhe Abraham, Ishak bhe Yakub weo Kafopahintaꞌano Lahataꞌala.

Lukas 22:16

Amohatokoomu: haroa medando aini paemo aomaaꞌea sampe nakoꞌula maꞌanano haroa aini weo dhunia buꞌou Kafopahintaꞌano Lahataꞌala.”