Lukas 13:25 - Muna Southern Dialect

²⁵ Nahumato kaowu kolambuno namehemo maka naꞌumonto fointono, hintimiu tameehe-ehemoomu we simbali, mekate-katengkiomu fointo bhe pugauꞌomu, ‘Waompu, lengka kainsami fointo!’ Tamaka anoa tanamugau ambano, ‘Miina amandeꞌaangkoomua maiꞌaoꞌomu ne amai.’

Lukas 13:25 Referans Kwoze

Lukas 13:27

Tamaka anoa tanamugau ambano, ‘Miina amandeꞌaangkoomu maiꞌaoꞌomu ne amai, gampiomu ne wiseku ini hintimiu humabu modaino!’

Lukas 6:46

“Noafa kona kanauꞌomu, ‘Ompu, Ompu’, gahaꞌaitu miina mangkafieꞌomu pugauku?

Matius 25:41

Pada anaꞌa napugaumo dua ne mie we kemano, ‘Gampiomu maiꞌao ne wiseku ini, hintimiu mie nekangkanaino balaa! Pesuaꞌomu weo efino narakaa tapa mopoopeono ampa suhue dhamani, toka nefontaa-ntaa so Kafeompuꞌando seetani bhe malaꞌekati sabhangkaꞌino.

Ibrani 12:17

Ingka pandeꞌaaneomu, pada anaꞌa Esau gaono sumuli natumahima kabarakatino tamaka ⸤ amano⸥ miina naꞌumundaa. Kapaꞌamo mahingga nopotuhu bhe luuno neꞌondofi kasalawa namekataaꞌi kaꞌalano maitu, miinamo bhe dhalanoa.

2 Korintus 6:2

Kapaꞌamo Lahataꞌala nokobhoasao ⸤ weo Kitabi⸥ , “Ne wakutuu nepoindaloku afetingkekomo, ne oleono kafosalamatiꞌa atulumikomo.” Tandaiꞌeomu, ainimo wakutuu nepoindalono Lahataꞌala, ainimo oleo kafosalamatiꞌa naꞌa.

Lukas 3:8

Dadiꞌanomo fotiwohaomu ne podiumiu ingka gahaꞌa fetompaanemoomu dhosamiu. Koise nokofekihi we lalomiu, ‘Ingka insaodi ini sampuꞌano Abraham, ⸤ tetewei dasumalamati⸥ .’ Kapaꞌamo amohatokoomu, Lahataꞌala nokokuasa naefokonandoo sampuꞌano Abraham mahinggamo namaiꞌao ne kontu ini.