Lukas 13:16 - Muna Southern Dialect

¹⁶ Ingka hobhine aini sampuꞌano dua Abraham. Gahaꞌa ompulu alu taꞌumo nogogantue Kafeompuꞌando seetani. Dadiꞌanomo dalumensee tabeano, mahingga ne oleono Sabat.”

Lukas 13:16 Referans Kwoze

Markus 2:27

Pada aitu Yesus nopugaumo toha ambano, “Oleono Sabat nofokonandooꞌe Ompu so damewuleꞌao manusia, miina namokonandoo manusia so mangkafino atorano oleono Sabat.

2 Timotius 2:26

Ane nada naꞌa sumulimo damandeꞌao lalondo, dalumapamo maiꞌao ne kampepeno Kafeompuꞌando seetani. Kapaꞌamo kaomponae ini notapuda neangkando seetani maka nofosuhuda damangkafi kapoindalono.

Tula-tulando rasulu 13:26

Bhahitieꞌiku, naetaa sampuꞌano Abraham naetaa sigaoꞌano moteꞌino ne Lahataꞌala, bhihita kasalamatiꞌa ini padamo dofofohatoane.

Yohanes 8:44

Amamiu Kafeompuꞌando seetani, sadhia gaomiu mangkafiomu kapoindalono amamiu naꞌa. Anoamo itu mongkono manusia mpini kabhao-bhaono, miina natumai ne kabanara, kapaꞌamo weo totono lalono miina bhe kabanarano. Ane nakopaha, nopantasimo, kahabuaonomo. Anoa itu pande gau-gau, amandomo sabhaha paha.

Lukas 19:9

Ambano Yesus, “Seꞌoleo itu mieno polambu aini detahimamo kasalamati, hampano mie aini sampuꞌano dua Abraham.

Lukas 3:8

Dadiꞌanomo fotiwohaomu ne podiumiu ingka gahaꞌa fetompaanemoomu dhosamiu. Koise nokofekihi we lalomiu, ‘Ingka insaodi ini sampuꞌano Abraham, ⸤ tetewei dasumalamati⸥ .’ Kapaꞌamo amohatokoomu, Lahataꞌala nokokuasa naefokonandoo sampuꞌano Abraham mahinggamo namaiꞌao ne kontu ini.

Matius 4:10

Yesus tanotobhoosi ambano, “Gampimo, seetani! Kapaꞌamo notibuhi, ‘Taohao sombamu ne Ompu Lahataꞌalamu, ampamo kaowu Anoa so nefeompuniꞌimua!’ ”

Lukas 16:24

Mie hangkaea naꞌa nokeimo ambano, ‘Amaku Abraham, mobhela kanau lalo! Tudu kanaumo Lasarus namolondo wunano limano ne oe maka namekahindima lelaku hampano notolau kakadee-deeku weo hendeno efi ini.’