Lukas 12:39 - Muna Southern Dialect

³⁹ Tamaka naetaa mandeꞌaaneomu, ane kolambuno namandeꞌaane hambi seꞌae so hatoꞌano kasoꞌo, teteweimo pae tanakumatahomoa lambuno dalumeloe.

Lukas 12:39 Referans Kwoze

2 Petrus 3:10

Oleo kahatoꞌano Ompu tetewei nahumato, nahumato nada kasoꞌo. Ne oleo anaꞌa o lani namiinae napoangka huhu timoteꞌi bhe sabhaha ndumandooꞌano te lani nahumampuniane efi. O dhunia bhe kosasawiꞌae ndumandoono te wawono naosali.

Powoha 3:3

Dadiꞌanomo tandaiꞌe kafoinaꞌu toka netahima bhe nefetingkemiu, angkafie bhe fetompaꞌao podiu modaimiu! Kapaꞌamo ane pae kodhagaomu, ahumato nada kasoꞌo, pae mandeꞌaaneomua tempono so kahatoꞌaku ne itu.

Powoha 16:15

⸤ Ambano Ompu⸥ “Tandaiꞌeomu! Ahumato nada kasoꞌo. Nokodawua mpuu mie kodhagano bhe mohilalono pakeano, keana nokala kalembi-lembi bhe natiwoha kaambanoꞌano ne wisendo mie bhahi.”

Matius 6:19

“Koise mefoꞌonuomu kahangkaeano dhunia, kapaꞌamo nadumai-daiꞌe faa bhe hase, pakade dapombuhusiane kasoꞌo.

Matius 24:42

Dadiꞌanomo kodhagaomu, kapaꞌamo miina mandeꞌaaneomua oleo so kahatoꞌano Ompumiu.