Lukas 12:33 - Muna Southern Dialect

³³ Asopieꞌomu fehebuaꞌamiu maka dhoino waꞌandae mie mokae! Mehabuomu kadu-kaduno dhoi so tapa molusaꞌano, maꞌanano kahangkaea te surugaa tapa mowoowolono. Kahangkaea anaꞌa paise nahumatoe kasibu, paise dua naomaaꞌe faa.

Lukas 12:33 Referans Kwoze

Matius 19:21

Ambano Yesus, “Ane moindalo nasumangka dadimu, kalamo asopi sabhaha fehebuaꞌamu, olino dawu-dawuandae mie mokae maka suli meꞌawa fehebuaꞌa te surugaa. Mada anaꞌa maimo angkafi kanau.”

Lukas 18:22

Nofetingke peda naꞌa Yesus nopugaumo ambano, “Tadua sehonda so nedhalangimua, asoe sabhaha fehebuaꞌamu, olino dawu-dawuandae mie mokae maka meꞌawa arataa te surugaa. Mada anaꞌa maimo angkafi kanau!”

Tula-tulando rasulu 2:45

Sadhia nandoo dua masono fehebuaꞌano maka olino dopodawu-dawue ampa kafaraluuno seemie-seemie.

Lukas 16:9

⸤ Ambano toha Yesus⸥ Amohatokoomu, pakeomu kanandoono dhunia ini so posabhangkaomu mie bhaimiu, neanomo pae kaowu nakofahalaa kanandoono dhunia ini, hintimiu nandoo dua datumahimakoomu weo lambu kadadiꞌa suhue dhamani.”

Lukas 12:21

Nadamo aitu so netompaloino mie mefoꞌonuno kahangkaea so wutono, tamaka miina nahumangkaea ne pomatano Lahataꞌala.”

2 Korintus 8:2

Mahinggamo doꞌudhianda kasabha mobhie, nokaꞌende-ende kawulano lalondo; mahinggamo notolau kakaendo, tamaka nopontalabhi-labhi kalalesano lalondo dofowaꞌao.

Yohanes 12:6

Kapugauꞌano peda naꞌa suano mbaꞌinomo noniniꞌao mie mokae, tamaka mbaꞌinomo anoa maitu seemie kasoꞌo, nentelamo nohumaa dhoi weo kaenteiꞌa dhoi neintahano.

Lukas 11:41

Ampamo kaowu, iꞌino kampomaaꞌa bhe kampohoꞌuꞌa tabeano podawu-dawuomu dua bhe mie mokae. Ane nada anaꞌa naonggelamo kosasawiꞌae, naetaa mbadhamiu naetaa totono lalomiu.