Lukas 11:49 - Muna Southern Dialect

⁴⁹ Dadiꞌanomo Lahataꞌala kotimbangino nokobhoasao ambano, ‘Aetudu ana-anabii bhe rasuluꞌi dakumala se andoa, sigaꞌa damongkoda bhe damodee-deeda.’

Lukas 11:49 Referans Kwoze

1 Korintus 1:30

Tamaka hampanomo Lahataꞌala, hintimiu seꞌisemoomu bhe Kristus Yesus. Anoa itu kaꞌonuꞌano kapandeno Lahataꞌala so intaodiomu, fopometaaꞌaono bhe Lahataꞌala, fofekangkilono dadi bhe fofobebasino maiꞌao ne dhosa.

Kolose 2:3

Kapaꞌamo Kristusmo ini motiwohano kosasawiꞌae timbangi bhe kapandeno Lahataꞌala, tapedamo arataa tifebuniꞌano endefiꞌini, ampa aitu nentaleamo.

Efesus 4:11

Anoamo dua fodawuꞌaono kawaꞌao, sigaꞌa nowaꞌanda taka dembali rasulu, sigaꞌa dembali anabii, sigaoꞌano dembali mefoleleno Bhihita Metaa, sigaoꞌano dua dembali fofoinaꞌuno bhe umondofaono umati.

1 Korintus 1:24

Tamaka mbali mie toka nebhasino Lahataꞌala, naetaa mieno Yahudi naetaa suano Yahudi, Kristus katiwohaꞌanomo kuasa bhe kapandeno Lahataꞌala.

Tula-tulando rasulu 22:20

Pedamo dua ne oleo katipongkoꞌano sakusiimu Stefanus, ingka bhe idi, pakade aangkafi dua habundo maitu. Pakeando fopongkono naꞌa adhaganiandae idi.’

Tula-tulando rasulu 8:3

Tamaka Saulus nokopatudhu namohansuru umati marasaeano maitu. Nopesuaki lambudo noala seꞌonue, namoꞌane nahobhine nobuluda nofopesuada weo katohongku.

Tula-tulando rasulu 7:57

Maka kamungkulaꞌi dopokakei-kei bhe doꞌopi tingalando, lasao dosilumpa-lumpakiꞌae.

Tula-tulando rasulu 1:8

Ampamo kaowu, nahumato nasumampu Rohino Lahataꞌala, hintimiu meꞌawaomu kuasa, maka membaliomu sakusiiku we Yerusalem, we kadieno Yudea, we kadieno Samaria ampa we tompano dhunia.”

Yohanes 16:2

Hintimiu daꞌumeleꞌaangkoomu mesuaꞌomu lambu kasambaheaꞌa. Tadua nahumato tempono sasuka mie mongkokoomu kunaꞌendomo dofeompu ne Lahataꞌala.

Lukas 24:47

Nandoo dua notibuhi: weo neano Omputo Fosalamatino daefolele bhihita ne sabhaha bansano liwu putae dametompaꞌao dhosando maka Lahataꞌala naꞌumamponida. Bhihita anaꞌa damolelee natumanda we Yerusalem.

Matius 22:6

Nandoo dua sigaoꞌano dohako bhatuano, dofodee-deeda maka dopongkoda.

Lukas 11:48

Habumiu naꞌa nokomaꞌanaꞌao akuiꞌomu dua podiundo awuaꞌimiu moasianeomu, kapaꞌamo awuaꞌimiu naꞌa mongkono ana-anabii andoa naꞌa maka hintimiu mekakesano kobuhundo.

Tula-tulando rasulu 11:27

Wakutuu anaꞌa nandoo dua seemie hodua anabii maiꞌaono we Yerusalem dohato we Antiokia.

Powoha 16:6

Kapaꞌamo andoamo maitu motuhuno heando umati mongkilono bhe ana-anabii. Aitu fefohoꞌutianda hea, daanumo nopantasimo so andoa.”

Powoha 18:20

Hintu surugaa, fowula lalomu hampano kahansuruꞌano kota aitu! Fowula dua lalomiu, hintimiu umati mongkilo, rasu-rasulu bhe ana-anabii! Kapaꞌamo Lahataꞌala padamo nowaꞌane kahukumuno mbali kabhoosino sabhaha nehabuno kota amaitu ne hintimiu.”