Lukas 10:15 - Muna Southern Dialect

¹⁵ Hintu liwuno Kapernaum! Kunaꞌemu dasumangkeko te lani? Paise, tamaka daꞌumohoko we narakaa!”

Lukas 10:15 Referans Kwoze

Matius 4:13

Anoa nohunsamo Nasaret maka neate we Kapernaum, seꞌonu liwu ne wiwino teꞌino Galilea, we kadieno Zebulon bhe Naftali.

2 Petrus 2:4

Ingka endefiꞌini malaꞌekati kodhosano miina dalumapaa ne kahukumuno Lahataꞌala, tamaka noꞌohoda we narakaa. Andoa maitu nofopesuada weo kantie mohohondono, nofekataada ampa nahumato oleo so katibhotusiꞌando.

Lukas 13:28

Wakutuu anaꞌa maka mohaomu Abraham, Ishak bhe Yakub bhe kosasawindo anabii weo Kafopahintaꞌano Lahataꞌala, gahaꞌa hintimiu daꞌumohokoomu we simbali, ne naꞌa taꞌo kangkoꞌae bhe kuꞌino wangka.

Matius 11:23

Hintu liwuno Kapernaum, kunaꞌemu dasumangkeko te lani? Paise, hintu daꞌumohoko we narakaa, kapaꞌamo ane endefiꞌini we Sodom nakumadhadhia tanda-tanda tapa mentela newohamiu ini, tetewei liwu aitu nandumandooꞌe ampa seꞌoleo itu.

Matius 10:28

Koise moteꞌiomu ne mie mepongkono mbadha tamaka miina dakokuasa daepongko alusu. Ampamo kaowu moteꞌiomu ne Anoa kokuasano fofobinasano naetaa alusu naetaa mbadha weo narakaa.

Lukas 16:23

Gahaꞌa mie hangkaea naꞌa nomatemo dua maka dokobuhue. We dhuniando mie mate nokadee-dee sepaliꞌa. Wakutuu nototohana, gahaꞌa nowohamo Abraham te mokodoꞌoꞌano noꞌawi Lasarus.