Lukas 1:51 - Muna Southern Dialect

⁵¹ Kaꞌosano kabhalano kuasano sampe limano negasa mie melangkeno diu, bhe nohungga patudhundo.

Lukas 1:51 Referans Kwoze

Roma 1:21

Mahingga manusia dopandeꞌao Lahataꞌala, miina damosibhalae peda Lahataꞌala bhe miina dua natumumpua lalondo ne Anoa. Bhahamoa tadofekihi sumia-siaꞌano sampe totono lalondo kumabhohe-bhoheno nohohondomo.

Powoha 18:8

Dadiꞌanomo sabhaha balaa nakumangkanaiꞌe seꞌoleo: o hopu, o kaguguhu, o gaba bhe dahumampuniane efi, hampano nokokuasa mpuu Ompu Lahataꞌala bhotusie.”

1 Petrus 5:5

Pedamo dua hintimiu kahangku dadi, tuhuomu ne kamungkulaꞌi. Kosasawimiu itu fekapandae diumiu seemieno bhe seemieno, kapaꞌamo ⸤ notibuhi weo Kitabi peda aini⸥ , “Lahataꞌala noꞌontomi patudhundo mie melangkeno diu, tamaka nofotiwohaanda kataano lalono ne mie mekapandano wutono.”

2 Korintus 10:5

Sabhaha akalando manusia tadai-daiꞌe, kalangkeno diundo manusia potagalino bhe kafoinaꞌuno Lahataꞌala tafohansurue kanggetu taesansa bente melangke. Sabhaha fekihindo manusia takuhumae maka tafotuhue ne wiseno Kristus.