Lukas 1:20 - Muna Southern Dialect

²⁰ Pugauku ini nahumato tempono tetewei nakoꞌula. Tamaka hampano miina marasaea kanau, kotu-kotuꞌu mobhea, pae sepaliꞌa mooli pugaua ampa oleono bhahi-bhahiꞌae naꞌa nakumadhadhia.”

Lukas 1:20 Referans Kwoze

Powoha 3:19

Sasuka nemoasiꞌaoku atumangahie bhe ahumukumue; dadiꞌanomo fodadiomu lalomiu bhe fetompaꞌao podiu modaimiu.

Ibrani 6:18

Haa hondano ini paise natibhaliia, kapaꞌamo Lahataꞌala pae bhe kapoolia nagumau-gau podhandino bhe fematano naꞌa. Kanandooꞌanomo intaodiomu meoluno ne Lahataꞌala daeꞌawa katangkano lalo so damintahakiꞌao kaposahunaꞌao kumantaa-ntaano te wisentoomu.

Lukas 1:22

Hato nolimba gahaꞌa Zakaria miinamo namandea nopugaua, tanoale-aleandamo kaowu limano, mbaꞌinomo nobheamo. Dadiꞌanomo mie bhahi dopandeꞌaomo lalondo putae Zakaria nokopowoha weo Lambuno Lahataꞌala.

Titus 1:2

Kafoinaꞌu aini nengkoha ne posahunaꞌaontoomu daeꞌawa dadi suhue dhamani. Dadi anaꞌa padamo nofodhandiane Lahataꞌala mpini miinaꞌo natifokonandoo dhunia. Ingka Lahataꞌala miina bhe kapooli nakopahaa.

2 Timotius 2:13

ane miina natumai lalontoomu ne Anoa, Anoa sadaa-daa kataino lalo ne bhoasaono, kapaꞌamo pae bhe kapoolia nagumagai Wutono.

Lukas 1:45

Kodawua mpuu hintu, kapaꞌamo parasaea putae kafohato nefetingkemu ne Ompu tetewei nakumadhadhia.”

Markus 16:14

Panda-pandano Yesus nofotiwoha Wutono ne anaguhuꞌino koompulu seemiendo, tangasano dohumaa. Nofeꞌalada mbaꞌinomo miina damarasaea, pakade notuꞌa fotundo sampe dongahe damarasaea ne mie mohae nopalusi kawanuꞌano.

Markus 9:19

Maka Yesus nopugaumo ambano, “Pahasili hintimiu ini, mie pata marasaeano! Tana seꞌae gahaꞌa beano so kaomponano aeate bhe hintimiu? Tana seꞌae gahaꞌa so sabahaku? Owaeꞌomu se ini anaꞌi itu.”

Roma 3:3

Tamaka peda aꞌe bhahaa? Ingka nandoo miendo Yahudi tapa marasaeano bhe tapa tumaino lalo ne Lahataꞌala. Bhahaa pata kaparasaeando bhe kataino lalondo naꞌa namosali dua kataino lalono Lahataꞌala?

Lukas 1:19

Notobhoosimo malaꞌekati anaꞌa ambano, “Idimo ini Gabriel, palima-limano Lahataꞌala, notudu kanau apotula-tulaangko, amohatoangko bhihita metaa ini.

Lukas 1:21

Gahaꞌa mie bhahi we kadete tadontaa-ntaamo Zakaria. Andoa domente, noafa nompona sepaliꞌa neate-ate weo Lambuno Lahataꞌala.

Lukas 1:64

Gahaꞌa Zakaria tambaꞌomo notobhoka nopugau, kapokaꞌuluno lelano notilensemo, lasao nopudhi Lahataꞌala.