Kolose 4:2 - Muna Southern Dialect

² Mpuu-mpuunieꞌomu sambaheamiu, kodhagaomu weo sambaheamiu poowa mefoampeomu katumpuno lalo.

Kolose 4:2 Referans Kwoze

Filipi 4:6

Koe nokamihi-mihi lalomiu ne ae maka dua. Tamaka sadhia foampeomu kamesalomiu ne Lahataꞌala weo sambahea bhe neatimiu. Kafaraluumiu naꞌa fohatoaneomu Lahataꞌala weo katumpuno lalomiu.

Efesus 6:18

Habue bhahi-bhahiꞌae naꞌa poowa sambaheaꞌomu mesaloomu katulumino Lahataꞌala. Sadhia sambaheaꞌomu angkafiomu kaatono Rohino Lahataꞌala, o ae maka dua nehabumiu. Kodhagaomu weo sambaheamiu, koe fenga-fengaasia mesaloomu so kosasawindo umati mongkilono.

Roma 12:12

Fowula lalomiu hampano bhe neposahunaꞌaomiu, kosabaha potaamiomu weo kasabha, mpuu-mpuunieꞌomu sambaheamiu!

Matius 26:41

Mekambotoomu bhe sambaheaꞌomu, keana nokantibhakoomu kasoba. Daanumo totono lalo neangka, tamaka o mbadha nonale.”

Lukas 18:1

Yesus nopugaumo toha nepakeanda kapalenda. Patudhuno nofoinaꞌu anaguhuꞌino putae sadhia dasumambahea pae daongoongaraa.

Lukas 21:36

Kodha-kodhagaomu bhe sadhia sambaheaꞌomu, neanomo meꞌawaomu kaꞌosa lumapaꞌaoꞌomu ne sabhaha so kumadhadhiaꞌano naꞌa bhe naembali meehe-eheomu te wiseno Anano Manusia.”

1 Petrus 4:7

Kafetompaino bhahi-bhahiꞌae nomaꞌomo. Dadiꞌanomo fewanakie wutomiu bhe kodhagaomu, netaaꞌao sambaheaꞌomu.

Kolose 1:9

Dadiꞌanomo notanda tafetingke peda naꞌa, miina bhe fengaasia tasambaheaꞌangkoomu. Taesalo sio-siomo Rohino Lahataꞌala namaꞌangkoomu timbangi bhe pomaꞌana metaa, neanomo lumosangieꞌomu mpuu kapoindalono Lahataꞌala.

Markus 13:33

“Dadiꞌanomo posiꞌondoomu! Kodhagaomu, kapaꞌamo miina mandeꞌaaneomu naefie nahumato tempono.

Kolose 3:17

O ae maka dua nehabu bhe nepugauꞌaomiu, habueꞌomu tawa pugauaneomu peda mantasiꞌano so mie mangkafino Ompu Yesus. Habuomu bhahi-bhahiꞌae naꞌa poowa mefoampeomu katumpuno lalo ne Lahataꞌala Amantoomu hampano sabhaha nedhalangino Yesus so hintimiu.

Kolose 2:7

Kaparasaeamiu ne Anoa tabeano nakopahaka, bhe wutono Kristus naembalimo kaengkohaꞌano dadimiu. Kaparasaeamiu tabeano dhulu kamatangka, noposahataa bhe kafoinaꞌu netahimamiu. Totono lalomiu nakaꞌende-ende mefoampeomu katumpuno lalo.

Kolose 4:12

Saliwumiu Epafras nepakatuangkoomu dua salam. Anoa ini palima-limano Kristus Yesus, sadhia dua nosambaheaꞌangkoomu sampuu-mpuuno lalono. Nesalo ne Lahataꞌala so naotangkaꞌao kofindamiu weo kaparasaeamiu, membaliomu miendo sarani motangkano dadi tapa poibhahano, mie mangkafino kapoindalono Lahataꞌala.

Kolose 3:15

Naetaa katohopono dadi maiꞌao ne Kristus nakumuasai fekihimiu bhe totono lalomiu. Kapaꞌamo patudhuno katibhasiꞌamiu sembadha bhe Kristus ingka so menamisiꞌaoꞌomu katohopono dadi naꞌa. Koe molimpuomu mefoampeomu katumpuno lalo.

Tula-tulando rasulu 1:14

Andoa ini sadhia dosekakolalo dosambahea. Dosabhangkada dua hobhineꞌi, bhe Maria inano Yesus bhe bhahitieꞌino Yesus.