Biblia Todo Logo
Bib sou entènèt

- Piblisite -




Kolose 3:16 - Muna Southern Dialect

16 Naetaa bhoasaono Kristus bhe sabhaha kabarakatino nakumabhinti totono lalomiu, neanomo naembali pofoi-foinaꞌu bhe potanga-tangahiomu maiꞌao ne totono lalo kotimbangi. Pudhiomu Lahataꞌala, mepakeomu lagu mazmur ne Kitabino Daud, lagu-laguno kapudhi bhe lagu-lagu lumebeno. Melaguomu bhe mefoampeomu katumpuno lalo ne Lahataꞌala.

Gade chapit la Kopi




Kolose 3:16
62 Referans Kwoze  

Ane potula-tulaomu, pakeomu lagu mazmur ne Kitabino Daud, lagu-laguno kapudhi bhe lagu-lagu lumebeno. Melagu bhe moꞌiaꞌomu so Ompu sampuu-mpuuno lalomiu.


Ane hintimiu seꞌiseomu bhe Idi bhe kafoinaꞌuku naeate we totono lalomiu, maka tamesalomoomu ampa kapoindalomiu maka tetewei umawaeꞌomu.


Dadiꞌanomo o kaparasaea nengkoha ne pofetingke, maka kafetingkeꞌa bhihita, mbaꞌinomo bhe mie mefoleleno bhoasaono Kristus.


Dadiꞌanomo hintimiu, dhaganieꞌomu mpuu bhihita toka nefetingkemiu mpini pakaparasaeamiu weo totono lalomiu. Ane nefetingkemiu naꞌa sadaa-daaꞌe weo totono lalomiu, maka hintimiu sadaa-daaꞌe seꞌiseomu bhe Anano Lahataꞌala bhe Amantoomu.


Aesalo ne Lahataꞌalano Ompuntoomu Yesus Kristus, Amantoomu kumalabhiano, sio-siomo namaꞌangkoomu Rohino. Rohi aitu namaꞌangkoomu kapande bhe kantaleano fekihi sampe kotu-kotuꞌu mandeꞌaaneomu Lahataꞌala.


Tamaka o mie meꞌawano kakotimbangi maiꞌaono te wawo nomoinda totono lalono, noasiane pometaa, nomalu lalono bhe neangka. Anoa nobhela lalono ne mie bhaino, sadhia nehabu metaaꞌano, ane bhe posala maꞌanano miina naeꞌawi seweta, miina dua namehaaꞌula.


Katimoasiꞌamiu hampano kabanarano Lahataꞌala neate weo totono lalontoomu bhe nafopobhaiꞌao ampa suhue dhamani.


Feꞌulaiꞌe dua, notanda kaanaꞌimu pandeꞌaanemo Kitabi. Nomaiꞌaomo ne Kitabi aini naembali damandeꞌao kaangkaꞌano kasalamati, mangkano weo kaparasaea ne Kristus Yesus.


Dadiꞌanomo notanda tafetingke peda naꞌa, miina bhe fengaasia tasambaheaꞌangkoomu. Taesalo sio-siomo Rohino Lahataꞌala namaꞌangkoomu timbangi bhe pomaꞌana metaa, neanomo lumosangieꞌomu mpuu kapoindalono Lahataꞌala.


Andoa delaguꞌao lagu buꞌou ambado, “Hintu nopantasi tahima kaluluno kitabi aitu bhe lumengka kafulutino, hampano Hintu padamo dosumbeleko, heamu padamo metolosiane manusia maiꞌao ne sabhaha sampuꞌa, sabhaha wamba, sabhaha siwulu bhe sabhaha bansano liwu so Lahataꞌala.


Tamaka hintimiu, Kristus ingka padamo nofosampuangkoomu Rohino weo totono lalomiu. Dadiꞌanomo miina namaraluua damoinaꞌukoomu mie sigaoꞌano. Rohino Kristus nofoinaꞌuangkoomu bhahi-bhahiꞌae bhe kafoinaꞌuno nokotuꞌu, suano wamba kabuangkaa. Dadiꞌanomo dadiomu weo kaseꞌise bhe Kristus, peda toka nefoinaꞌuꞌaono Rohino naꞌa.


Sabhaha nekowambaꞌaomiu tabeano naombaka dametingkee bhe natimohelaꞌao lalo. Ane dameenakoomu, tabeano mandeomu tumobhoosidaomu seemie-seemie.


Kanandooꞌanomo koise kabhohe-bhoheomu, tamaka uleiꞌeomu lalomiu ondofiomu kapoindalono Ompu.


Ane we olotamiu nandoo bhe mosabhano naetaa nasumambahea. Ane nandoo bhe moꞌiano, naetaa naelagu namudhi Lahataꞌala.


Rohino naꞌa nowaꞌa kaitae Lahataꞌala miina naegana-ganaa, noangka ne Yesus Kristus Fosalamatino.


Bhahitieꞌiku! Kaowu nadamo amai? Ane pohompu-hompuomu, naetaa seemie-seemie bhe taiꞌano: nandoo so melaguno, nandoo so fofoinaꞌuno, nandoo so mefosampeno powoha maiꞌao ne Lahataꞌala, nandoo so mepakeno wambano Rohi, nandoo dua so maꞌanakino wambano Rohi naꞌa. Ampamo kaowu bhahi-bhahiꞌae naꞌa tabeano sanea so kamatangkaꞌano kaparasaeando umati.


Ane ne olotamiu nandoo bhe metompaloino kasabha maka miina naewoha dhala, naetaa naesalo ne Lahataꞌala maka tetewei namaꞌane fekihi moinda, kapaꞌamo kawaꞌaono Lahataꞌala nowaꞌanda kosasawindo manusia, nomaiꞌao ne kataano lalono bhe miina nafofoꞌalaa.


Kristusmo ini nefebhihitaiꞌao mani ne sabhaha mie. Kosasawindo taefeꞌulaianda bhe tafoinaꞌuanda maiꞌao we totono lalo kotimbangino. Patudhu mani neanomo kosasawindo tamowada ne wiseno Lahataꞌala peda mie motangkano dadi weo totono lalondo, hampano doseꞌise bhe Kristus.


Andoa delagu-laguꞌao laguno Musa palima-limano Lahataꞌala bhe laguno Anano Dhumba. Ambado, “Hintu Ompu Lahataꞌala Fofoliuno Kuasa! Nobhala bhe notimenteꞌao mpuu angkaꞌano limamu. Noꞌadhili bhe nobanara mpuu sabhaha habumu. Hintu Omputo sabhaha bansano liwu!


Hintimiu membalino anaꞌi, aebuhiangkoomu hampano pandeꞌaanemoomu Amantoomu. Hintimiu membalino ama, aebuhiangkoomu hampano pandeꞌaanemoomu ndumandoono mpini kabhao-bhaono. Hintimiu kahangku dadi, aebuhiangkoomu hampano moꞌosaomu bhe bhoasaono Lahataꞌala neate weo totono lalomiu bhe taloemoomu Kafeompuꞌando seetani.


Ne mie hangkaea we dhunia ini mefeꞌulaianda, koise nelangke diundo, koise doposahunaꞌao ne bara pata titangkaꞌaono peda kahangkaea. Tamaka mefeꞌulaianda daposahunaꞌao ne Lahataꞌala, tapa megana-ganano nofowaꞌao sabhaha kafaraluuntoomu so kaetaaꞌano namisintoomu.


Ampamo kaowu, koise abhieꞌomu kaewa, tamaka tangahieꞌomu peda bhahitiemiu.


Dadiꞌanomo pakeomu bhoasao aini so polawe-lawesiꞌaoꞌomu lalo.


Kaowu aeafamo? Asumambahea maiꞌao ne alusuku, tamaka asumambahea dua aepake wamba tilosangino maiꞌao ne fekihiku. Aelagu amudhi Lahataꞌala maiꞌao ne alusuku, tamaka aelagu amudhi dua Lahataꞌala aepake wamba tilosangino maiꞌao ne fekihiku.


Pada delagu-lagu dopudhi Lahataꞌala, dokalamo te kabhawono Zaitun.


Bhahitieꞌiku! Idi ini aparasaeakoomu mpuu nobhahi sepaliꞌa metaaꞌano ne hintimiu, sabhaha kapande nefaraluumiu nonandoomo dua sampe nembalimo potanga-tangahiomu.


Pada aitu Yesus nosulimo we Nasaret nopoowa-owa bhe kamungkulano. Ne itu Yesus sadhia neangka ne kamungkulano. Inano tanofekataa sabhaha kadhadhia amaitu weo totono lalono.


Idi lasao aefodapa ne aꞌeno ataohao sombaku tamaka tanopugau ambano, “Koise nada itua! Idi ini palima-lima dua nopototo bhe hintu bhe bhahitieꞌimu marasaeano mintahakino kafohatono Yesus. Taohao sombamu ne Lahataꞌala, kapaꞌamo o Rohi mekabhintino mie sampe dokosuaha peda anabii, nomaiꞌao ne kafohatono Yesus.”


Andoa delagu-laguꞌao lagu buꞌou ne wiseno kaengkohaꞌa kumalabhiano bhe ne wisendo mahaluku fato uluno bhe ne wiseno kamu-kamungkulaꞌi. Bhe naseemie miina bhe membalino poguhuꞌaono lagundo, mpahinomo mie moꞌono fato fulu fato hewuno titolosino maiꞌao we dhunia.


Kristus nohabu peda naꞌa so namekangkiloꞌao umatino. Dhosando padamo nofekanggelaanda kakadiu sarani bhe bhoasaono.


Kapaꞌamo nomaiꞌao ne hintimiu bhoasaono Ompu nokolelemo suano kaowu ampa we Makedonia bhe Akaya, tamaka ne amai liwu nohatomo bhihitano kaparasaeamiu ne Lahataꞌala, sampe insaodi miinamo namaraluua taetula-tulaanea.


Swiv nou:

Piblisite


Piblisite