Kolose 3:13 - Muna Southern Dialect

¹³ Posaba-sabahakiomu, ane pomoda-modaiꞌomu lalo pomaꞌa-maꞌafuꞌaoꞌomu. Ompu ingka padamo noꞌamponikoomu, dadi pedamo dua naꞌa hintimiu tabeano pomaꞌa-maꞌafuꞌaoꞌomu.

Kolose 3:13 Referans Kwoze

Efesus 4:32

Tamaka tabeano naetaa lalomiu seemieno bhe seemieno, pomobhe-mobhelaꞌao lalo, pomaꞌa-maꞌafuꞌaoꞌomu peda wutono Lahataꞌala noꞌamponikoomu noangka ne Kristus.

Markus 11:25

Tamaka taenomo sumambahea, ane nokohobu-hobu totono lalomu ne mie bhaimu, maꞌafuane kadeki, neanomo Amamu te surugaa naꞌumamponiko dua.

Yakobus 2:13

Weo kabhitahakino, Lahataꞌala paise naobhela lalono ne mie tapa mobhelano lalo ne mie bhaino. Tamaka mobhelano lalono ne mie bhaino, pae natihukumua, o kahukumu notaloe kabhelano lalo.

Efesus 4:2

Naetaa sadhia mekapanda wutomiu, naomalu lalomiu bhe kosabahaomu. Fotiwohaeꞌomu kanini kaasimiu weo potulu-tulumiꞌa.

Matius 6:12

Amponie sabhaha dhosa mani, pedamo dua insaodi tamaꞌafuꞌao mie kokaꞌalano ne insaodi.

2 Korintus 6:6

nongkilo totono lalo mani, takotimbangi, takosabaha, netaa lalo mani, bhe katulumino Rohino Lahataꞌala, bhe kanini kaasi kumampuu-mpuuno;

Galatia 6:2

Potulu-tulumiomu weo kasabha, ane peda naꞌa ingka dhalangiemoomu pahintano Kristus.

2 Korintus 2:10

Kapaꞌamo laꞌae nemaꞌafuꞌaomiu kaꞌalano, ingka amaꞌafuanemo dua. Kapaꞌamo toka nemaꞌafuꞌaoku, ane daanumo nandoo so nemaꞌafuꞌao, ingka ahabuemo ne wiseno Kristus so kaetaaꞌamiu.

Lukas 23:34

Nopugaumo Yesus ambano, “Ama, amponida kapaꞌamo miina damandeꞌaanea nehabundo.” O tantara dodawu-dawumo pakeano, dopodaduane mbali notipandeꞌaoane dawuno seemie-seemie.

Lukas 11:4

Amponie sabhaha dhosa mani, kapaꞌamo insaodi tamaꞌafuꞌao dua kokaꞌalano ne insaodi. Koise folapasa kainsami ne sabhaha kasoba.”

Matius 5:44

Tamaka ambaku Idi, moasianda kaewamu bhe sambaheaꞌanda mie modee-deeko.

1 Petrus 2:21

Dokosabaha weo kakadee-dee, ingka anaꞌamo katibhasiꞌamiu ne Lahataꞌala, kapaꞌamo wutono Kristus padamo dua nokadee-dee so hintimiu. Pedamo anaꞌa ingka nehunsaangkoomu sandaha so neangkafimiu, tumapiomu koinaꞌano.

Roma 15:7

Dadiꞌanomo potahi-tahimaomu, pedamo dua Kristus notahima kaita so damekakalabhiaꞌao Lahataꞌala.

Kolose 3:12

Hintimiu umatino Lahataꞌala timoasiꞌaono, padamo nopilikoomu mbali fehebuaꞌano mongkilono. Dadiꞌanomo fotiwohaeꞌomu kabhelano lalo bhe kataano lalomiu ne mie bhaimu, fekapandae diumu, fekamalu lalomu bhe kosabaha.

Efesus 5:2

Dadimiu tabeano nakumabhintie kanini kaasi, peda wutono Kristus nofomoasiꞌao. Nofotawakalamo Wutono so intaodiomu sampe dopongkoe. Anoa nembali kapopanga mowondu nefoampe ne Lahataꞌala, mekaꞌianomo lalono Lahataꞌala.