Kolose 3:11 - Muna Southern Dialect

¹¹ Weo dadi buꞌou ini miinamo bhe poꞌalaꞌano miendo Yahudi bhe suano miendo Yahudi, mie nesuna tawa tapa nesuna, mie koliwuno tawa bansano liwu pata koꞌadhatino, o bhatua tawa mie bebasi. Tamaka nefosibhalando ampamo kaowu Kristus, hampano Kristus neate weo totono lalondo kosasawindo naꞌa.

Kolose 3:11 Referans Kwoze

1 Korintus 12:13

Kapaꞌamo Rohino Lahataꞌala padamo nokadiu sarani kosasawintoomu mbalimo sembadha, naetaa miendo Yahudi naetaa miendo Yunani, naetaa o bhatua naetaa mie bebasi, saneamo dua kao-kaomo dofowaꞌao dofohoꞌu ne Rohi anaꞌa.

Roma 10:12

Kapaꞌamo miina bhe poꞌalaꞌano miendo Yahudi bhe bansano liwu sigaoꞌano. Lahataꞌala Kaseemie-mieꞌano, o Ompundomo kosasawindo manusia. Anoamo mefosampuno kabarakati pontalabhi-labhino ne mie metondalano.

Efesus 3:6

Rahasia anaꞌa peda aini: noangka ne foleleꞌano Bhihita Metaa mie suano Yahudi deꞌawamo dua dawu ne kabarakati nefontaa-ntaano Lahataꞌala so miendo Yahudi. Mie suano Yahudi dembalimo dua katokano mbadha dosembadhamo bhe miendo Yahudi. Andoa dotahimamo dua dhandino Lahataꞌala weo kaseꞌisendo bhe Kristus Yesus.

Efesus 1:23

Umati marasaeano ingka o mbadhanomo Kristus, nofosangkaemo Anoa mosangkano bhahi-bhahiꞌae ne amai maka dua.

Roma 3:29

Bhahaa Lahataꞌala maitu o Lahataꞌalando kaowu miendo Yahudi? Suano dua Lahataꞌalando bansano liwu sigaoꞌano? Ingka anoamo, Lahataꞌalando dua bansano liwu sigaoꞌano.

Galatia 5:6

Kapaꞌamo doseꞌisemoomu bhe Kristus Yesus, desuna bhahaꞌi miina daesuna miinamo nakomaꞌanaa. Maraluuꞌano mpahinomo doparasaea ne Kristus bhe dofotiwohae weo kanini kaasinto ne mie bhainto.

Yohanes 17:23

Idi aseꞌise bhe andoa, Hintu seꞌise bhe Idi, neanomo nasumangka mpuu kaseꞌisendo. Ane nada naꞌa dhunia damandeꞌaane Hintumo tumudu kanau, Hintumo moasianda peda kaasimu ne Idi.

Galatia 2:20

Tamaka ampa aitu adadimo. Ampamo kaowu suanomo dadiku wutokua, tamaka Kristus dumadino we laloku ini. Dadi nedambaꞌaoku ini, ingka o dadi weo kaparasaea ne Anano Lahataꞌala. Anoa noasi kanaumo sampe nofotawakala wutono dopongkoe so idi.

1 Korintus 7:19

Kapaꞌamo doangkafi atorano desuna bhe miina daesuna, saneamo pata kofahalaano. Maraluuꞌano doangkafi pahintano Lahataꞌala.

Tula-tulando rasulu 15:17

neanomo kosasawindo mie sigaoꞌano daꞌumondofi Ompu, sabhaha bansano liwu suano Yahudi naꞌa akonadamo umatiku’. Nengkemo naꞌa nekobhoasaꞌaono Ompu, mokonandoono bhahi-bhahiꞌae.

Kolose 2:10

Weo kaseꞌisemiu bhe Anoa, dadimiu nosangkamo dua, kapaꞌamo Kristus mefotuꞌaonomo sabhaha rohi mahintano bhe kokuasano.

Roma 1:14

Kapaꞌamo idi ini teteweimo aefolele Bhihita Metaa, tapedamo mie kodosano. Akodosa naetaa ne bansano liwu koꞌadhatino, naetaa ne tapa koꞌadhatino, naetaa ne mie kosikolano, naetaa ne tapa kosikolano.

Yohanes 15:5

Idimo ini puꞌuno angguru, hintimiu haꞌaꞌino. Sasuka seꞌiseno bhe Idi, Idi aseꞌise bhe anoa, anoa maitu nabhahi bhakeno; kapaꞌamo we simbaliku paise meafa-afaomua.

Tula-tulando rasulu 28:4

Miendo liwu mohano ule nekantai ne limano Paulus, dopugau sapada-pada andoa ambado, “O mie aini tantumo mie kumapongko-pongkono, mahingga nosalamatimo we teꞌi, tamaka dewa Bhoosiꞌaono habu modai pae namolapae nadumadia.”

Tula-tulando rasulu 28:2

Miendo liwuto aitu netaaꞌi sepaliꞌa lalondo ne insaodi. Andoa detampomo efi maka dosaliꞌi kainsami taehana hampano nokoꞌuse bhe nohindi.

Yohanes 14:23

Notobhoosimo Yesus ambano, “Ane seemie noasi kanau, namangkafi wambaku. Amaku naoasiane maka Insaodi tamai taeate bhe anoa.

2 Yohanes 1:9

Sasuka tapa mintahakino kafoinaꞌuno Kristus tamaka nekapingkaane, miinamo naseꞌise bhe Lahataꞌala. Sasuka mintahakino kafoinaꞌu anaꞌa noseꞌise bhe Lahataꞌala Ama bhe Anano.

1 Yohanes 5:20

Dopandeꞌaanemo dua Anano Lahataꞌala padamo nomai we dhunia ini, nowaꞌa kaitaomu kapooli damandeꞌao Anoa banarano. Intaodiomu dodadi doseꞌise bhe Lahataꞌala, doseꞌise dua bhe Yesus Kristus, Anano. Anoamo itu Lahataꞌala sakotuꞌuno, Anoamo dua meowano dadi suhue dhamani.

Efesus 6:8

Ingka pandeꞌaanemoomu, ane dohabu metaaꞌano, tetewei daeꞌawa kabhoosino maiꞌao ne Ompu, naetaa bhatua naetaa mie bebasi.

Efesus 3:17

Sio-siomo hampano kaparasaeamiu, Kristus naeate kansuhu weo totono lalomiu, maka dadimiu naengkoha bhe nakopahaka weo kanini kaasi.

1 Korintus 14:11

Tamaka ane miina amandeꞌaane maꞌanano wamba nefetingkeku, mie aitu aabhiemo dua mie koliwuno tapa popandeꞌaono wamba, pedamo dua anoa ne idi.

Roma 3:22

Kafotahimaꞌano Lahataꞌala peda mie banara naꞌa noangka weo kaparasaea ne Yesus Kristus. Kaangkaꞌa aini notilengka so kosasawindo manusia, hampano manusia miina dapoꞌala-alaa.

Efesus 2:14

Kapaꞌamo wutono Kristus meowanomo pometaaꞌa, moseꞌiseno miendo Yahudi bhe suano Yahudi. Anoamo sumansano kahondomi kumanteeno miendo Yahudi bhe mie suano Yahudi, maꞌanano nofosalimo powengkeꞌando.

Efesus 2:15

Kapaꞌamo mateno Kristus peda seemie manusia nofosaliemo tubhono agama Yahudi bhe sabhaha pahinta bhe atorano. Patudhuno neanomo bansano liwu haa onuno ini daembali naseꞌonu bansano liwu buꞌou seꞌiseno bhe Kristus. Pedamo naꞌa neowa pometaaꞌa.