Kolose 2:14 - Muna Southern Dialect

¹⁴ Hampano miina damangkafiomu pahintano Lahataꞌala, nandoo fomobhieꞌaono bhe fonantiꞌaono, tapedamo buhino dosa. Gahaꞌa bhahi-bhahiꞌae naꞌa nofosaliemo Lahataꞌala, kanggetumo o suha anaꞌa nokantaiꞌemo te sau salipu sampe sabhaha nemobhieꞌao nowolomo.

Kolose 2:14 Referans Kwoze

Ibrani 8:13

Hampano Lahataꞌala nosambili podhandiꞌa buꞌou, nokomaꞌana nofekangkodaumo podhandiꞌa kabhao-bhaono. Maka mongkodauꞌano bhe molusaꞌano ingka nomaꞌomo naosali.

Ibrani 7:18

Dadiꞌanomo atora ngkodau dofogampiemo, hampano miina naotangkaa bhe miina dua nakofahalaaꞌa.

Kolose 2:20

Ingka momatemoomu poowa bhe Kristus maka mobebasimoomu maiꞌao ne rohi kumuasaino dhunia ini. Noafaꞌao dua gahaꞌa nandoo dadiꞌaoꞌomu peda mie nekuasaino dhunia ini? Noafa gahaꞌa taꞌotuhumoomu ne sabhaha atorano dhunia?

1 Petrus 2:24

Mbadhano wutono Kristus notongkue bhahi-bhahiꞌae dhosantoomu, sampe dokantaiꞌe te sau salipu. Patudhuno neanomo intaodiomu dabebasiomu maiꞌao ne kuasano dhosa bhe dadintoomu naposahataa bhe kapoindalono Lahataꞌala. Ingka kakowembe-wembenomo mbadhano Kristus mekaꞌuhikoomu.

Tula-tulando rasulu 3:19

Dadiꞌanomo dolimoomu ne Lahataꞌala, fetompaanemoomu dhosamiu, neanomo dhosamiu namekanggelaꞌiemo.

2 Tesalonika 2:7

Kuasa foliuno kadai ini nokahadhaa mpebunimo seendai-seendai, tamaka sadhia dotaa-taangie. Sembali tumaa-taangie ini madamo damogampie,

Lukas 1:6

Kohoduando sanea mie lumebe ne pomatano Lahataꞌala, dodadi doangkafi kosasawiꞌae pahinta bhe tubhono Ompu, miina dakonilempagia.