Kolose 2:12 - Muna Southern Dialect

¹² Kapaꞌamo wakutuuno dokadiu saranikoomu, ⸤ membaliomu peda mie mate maka⸥ dokobuhukoomu bhe Kristus. Weo kakadiu saranimo dua anaꞌa, hintimiu itu suli dofodadikoomu bhe Kristus, hampano parasaeaꞌomu ne kuasano Lahataꞌala toka mowanuno Kristus maiꞌao ne mate.

Kolose 2:12 Referans Kwoze

1 Petrus 3:21

Kadhadhia aitu nembalimo kaꞌibahatino kakadiu sarani, mosalamatikomoomu ampa aitu. Kakadiu sarani miina nakopatudhu namekanggelaꞌi sabhaha mohakuꞌano ne mbadha, tamaka patudhuno desalo kangkilono totono lalo kumatanga-tangano ne Lahataꞌala. Kanandooꞌano bhahi-bhahiꞌae maitu mbaꞌinomo Yesus Kristus nowanumo maiꞌao ne mate.

Galatia 3:27

Ingka kosasawimiu padamo dokadiu saranikoomu weo neano Kristus, dadiꞌanomo fokanamoomu Kristus ne ulumiu tapedamo pakea buꞌou ⸤ maꞌanano membaliomu peda wutono Kristus⸥ .

Tula-tulando rasulu 2:24

Tamaka Lahataꞌala nofodadie, nofolapae nomaiꞌao ne kakadee-deeno mate, hampano pae bhe kapoolia nasumadaa-daa nakumuasaiꞌe mate.

Efesus 3:17

Sio-siomo hampano kaparasaeamiu, Kristus naeate kansuhu weo totono lalomiu, maka dadimiu naengkoha bhe nakopahaka weo kanini kaasi.

Roma 4:24

tamaka notibuhi so intaodiomu dua. Ingka intaodiomu nafotahima dua Lahataꞌala peda mie banara, hampano doparasaeaꞌomu ne Anoa mowanuno Yesus Ompuntoomu maiꞌao ne mate.

Efesus 4:5

O Ompu Kaseemie-mieꞌano, o kaparasaea sehonda kaowu, o kakadiu sarani seꞌise kaowu.

Efesus 2:8

Katifosalamatiꞌamiu hampano rahamatino Lahataꞌala, noangka ne kaparasaeamiu ne Kristus. O kasalamati maitu suano hasilino kahadhaano wutomiu, tamaka kotu-kotuꞌu katohaino Lahataꞌala.

1 Korintus 15:20

Tamaka kumotuꞌuꞌano peda ini, Kristus padamo dofowanue maiꞌao ne mate, mbalimo titiisando mie mate so sumuli dumadino.

Ibrani 12:2

Poowa bhe tendentoomu, ondo kaitaomu kansuhu te wise, te Yesus. Anoamo melengka kaita kaangkaꞌano kaparasaea, Anoamo dua so mosangkano kaparasaeantoomu. Yesus netaami kakadee-dee te sau salipu bhe miina naoheruane putae domate te sau salipu maitu giu timoambanoꞌaono, hampano sehonda-honda nefeꞌulaino: te wiseno nandoo kawulano lalo bhalano so netahimano. Ampa aitu Anoa nengkohamo ne suanano kaengkohaꞌano kumalabhiano Lahataꞌala.

Ibrani 6:2

Pedamo dua itu kafoinaꞌuno kakadiu sarani, kafoinaꞌu detei limando te wawondo mie bhaindo ⸤ desaloanda kabarakati⸥ , kawanuꞌando mie mate bhe kahukumu suhue dhamani.

Filipi 1:29

Kapaꞌamo Lahataꞌala padamo nowaꞌangkoomu rahamati suano kaowu marasaeaꞌomu, tamaka dua menamisiomu kakadee-dee so Kristus.

Efesus 5:14

Kapaꞌamo bhahi-bhahiꞌae tiwohaꞌano, tantumo nentalea. Kanandooꞌanomo dokowambaane peda aini, “Wanumo hintu moodono, wanumo maiꞌao ne mate, maka naꞌumulawiko tilangano Kristus.”

Efesus 3:7

Lahataꞌala nowaꞌa kanau taka amolele Bhihita Metaa anaꞌa. Taka kaꞌondofao aini atahimae nopobutu bhe rahamatino Lahataꞌala, amondoiꞌe hampano kuasano Wutono kumahadhaano ne idi.

1 Korintus 12:13

Kapaꞌamo Rohino Lahataꞌala padamo nokadiu sarani kosasawintoomu mbalimo sembadha, naetaa miendo Yahudi naetaa miendo Yunani, naetaa o bhatua naetaa mie bebasi, saneamo dua kao-kaomo dofowaꞌao dofohoꞌu ne Rohi anaꞌa.

Roma 7:4

Pedamo dua hintimiu itu, bhahitieꞌiku. Hampano seꞌiseomu bhe mbadhano Kristus, momatemoomu maiꞌao ne tubhono agama Yahudi ⸤ sampe miinamo nakumuasaikoomu⸥ . Ampa aitu membalimoomu fehebuaꞌano sigaoꞌano, fehebuaꞌano Kristus nefodadi maiꞌao ne mate, neanomo dadintoomu nakofahalaa so Lahataꞌala.

Tula-tulando rasulu 14:27

Sahatondo ne itu dofohompumo umati marasaeano maka detula-tulaanda sabhaha nehabuno Lahataꞌala noangka ne limando, pakade Lahataꞌala nelengkamo kaangkaꞌa mbali mie suano Yahudi so damarasaeaꞌao ne Yesus.

Lukas 17:5

Dopugaumo rasuluꞌi ne Ompu Yesus ambado, “Tubhahie kaparasaea mani.”

Tula-tulando rasulu 2:32

Nepulaoꞌaono Daud naꞌa o Yesus, nefowanuno Lahataꞌala nomaiꞌao ne mate. Kosasawiꞌa mani ini mohaꞌaono wuntano mata mani kadhadhia anaꞌa.

Kolose 1:29

Somo amooliꞌao anaꞌa, aꞌuleiꞌe laloku akahadhaa bhe apoewangi ampa kaꞌosano bukuku, hampano kuasano Kristus kumahadhaano weo totono laloku.

Kolose 2:13

Hintimiu endefiꞌini momateomu hampano sabhaha kaꞌalamiu pakade mbadhamiu miina natisunaa. Tamaka ampa aitu Lahataꞌala nofodadikomoomu poowa-owaomu bhe Kristus. Lahataꞌala noꞌamponiemo sabhaha kaꞌalantoomu.