Kolose 1:29 - Muna Southern Dialect

²⁹ Somo amooliꞌao anaꞌa, aꞌuleiꞌe laloku akahadhaa bhe apoewangi ampa kaꞌosano bukuku, hampano kuasano Kristus kumahadhaano weo totono laloku.

Kolose 1:29 Referans Kwoze

1 Korintus 15:10

Tamaka hampano rahamatino Lahataꞌala idi ini ingka pedamo aini, maka rahamatino ne idi miina nasumia-siaꞌa. Idi padamo akahadhaa mobhie afoliuda kosasawindo rasulu, ampamo kaowu suano kaꞌosano wutoku tamaka rahamatino Lahataꞌala pobhai kanau.

Efesus 1:19

So mandeꞌaoꞌomu dua kabhibhiisano kuasano Lahataꞌala meateno weo totono lalontoomu mie marasaeano. Kuasa aini nopototo bhe kuasano kumalabhiano,

Efesus 3:7

Lahataꞌala nowaꞌa kanau taka amolele Bhihita Metaa anaꞌa. Taka kaꞌondofao aini atahimae nopobutu bhe rahamatino Lahataꞌala, amondoiꞌe hampano kuasano Wutono kumahadhaano ne idi.

Filipi 2:13

Kapaꞌamo wutono Lahataꞌala kumahadhaano weo totono lalomiu, sampe undaomu bhe poolieꞌomu dhalangiomu patudhu metaano Lahataꞌala.

Ibrani 13:21

Sio-siomo Lahataꞌala kamaiꞌaoꞌano katohopono dadi, namosangkaangkoomu sabhaha metaaꞌano so dhumalangiꞌaoꞌomu kapoindalono. Sio-siomo dua weo dadintoomu Lahataꞌala naehabu podiu mekaꞌiano lalono, namangka ne Yesus Kristus. Notifekakalabhia Kristus ampa suhue dhamani. Amin.

Kolose 2:1

Gaoku mpuu mandeꞌaaneomu kabhieno apoewangi weo totono laloku so hintimiu bhe umati we Laodikia bhe kosasawindo mie tapaꞌo mohano ulaku.

2 Tesalonika 3:8

Insaodi miina tataomaamoa, sadhia taeꞌoli, pakade mentae mohondo taꞌulei bhe tafekawule-wule keana taembali wowoꞌomiu.

1 Tesalonika 2:9

Bhahitieꞌi, tetewei nandoo dua feꞌulaiꞌeomu kaꞌosano taꞌulei bhe tafekawule-wule. Mentae mohondo takahadhaa taeꞌondofi kadadiꞌa mani keana taembali wowoꞌomiu, poowa taefoleleangkoomu Bhihita Metaa maiꞌaono ne Lahataꞌala.

Kolose 4:12

Saliwumiu Epafras nepakatuangkoomu dua salam. Anoa ini palima-limano Kristus Yesus, sadhia dua nosambaheaꞌangkoomu sampuu-mpuuno lalono. Nesalo ne Lahataꞌala so naotangkaꞌao kofindamiu weo kaparasaeamiu, membaliomu miendo sarani motangkano dadi tapa poibhahano, mie mangkafino kapoindalono Lahataꞌala.

Filipi 2:16

poowa fintahakiomu bhe fosampeomu bhihita meowano dadi. Ane dadimiu nada naꞌa, ne oleo kahatoꞌano Kristus, naowoseangkoomu bhakeku. Kapaꞌamo anaꞌa katandainomo miina nasumia-siaꞌa apogolo, miina dua nasumia-siaꞌa aowuleangkoomu, ⸤ kahadhaaku nokohasili⸥ .

1 Korintus 12:11

Tamaka bhahi-bhahiꞌae kamaiꞌaoꞌano seꞌise kaowu, senaꞌa-naꞌa kahadhaano Rohino Lahataꞌala. Ne seemie-seemie manusia nowaꞌanda kapooli noposahataa bhe kapoindalono Wutono.

Roma 15:20

Patudhukumo sehonda-hondano kaomponano ini, aefolele Bhihita Metaa ne liwu-liwu tapaꞌo metingkeno neano Kristus, keana dokona kanau aefongkoha lambu ne sandi toka nefongkohando bhaindo.

Powoha 2:3

Hintimiu sadaa-daa sabaha potaamiomu weo kakadee-dee hampano neaku, miina mepandeꞌaoꞌomu kawule angkafi kanauꞌomu.

2 Timotius 2:10

Kanandooꞌanomo taꞌasabahamo apotaamiꞌao bhahi-bhahiꞌae ini so kaetaaꞌando mie nepilino Lahataꞌala. Patudhuku sio-siomo andoa daeꞌawa dua kasalamati neowano Kristus Yesus bhe kakalabhia suhue dhamani.

Filipi 1:30

Aitu hintimiu mealaomu dua dawu weo poewangiꞌa pototoꞌano bhe idi. Poewangiꞌa naꞌa ingka wohaeꞌomu adhalangie endefiꞌini sampe taꞌampamo aitu, pedamo nefetingkemiu itu.

Filipi 1:27

Ampamo kaowu, kodadimiu tabeano naposahataa bhe wambano Bhihita Metaano Kristus. Ane nada anaꞌa, naetaa amai amohakoomu toha, naetaa pae amai ametingke kaowu bhihitamiu, tetewei amandeꞌaane putae notangkamo kofindamiu, sepatudhuomu, sekakolaloomu poewangiomu so kaparasaea ne Bhihita Metaa.

Efesus 3:20

Kabhalano maka kuasano Lahataꞌala kumahadhaano weo totono lalontoomu, sampe nemondoino Lahataꞌala noliuꞌe sabhaha kamesalo bhe nefekihintoomu, nobhala mpuu poꞌalaꞌano.

2 Korintus 13:3

Kapaꞌamo hintimiu meꞌondofiomu bukutii putae Kristus nokowamba noangka ne idi. Kristus miina nalumubhakikoomu tamaka nofotiwohae kuasano ne olotamiu itu.

2 Korintus 11:23

Bhahaa andoa maitu palima-limano Kristus? Aini apugau ngkabheemo, ingka idi ini afoliuda. Idi akahadhaa moꞌosa afoliuda andoa naꞌa, kantuhuno apesua katohongku afoliuda, kantelano dosikisaa kanau afoliuda, bhahamoa nentelamo dua aewiseki mate.

2 Korintus 6:5

dopepeki kainsami, dotohongku kainsami, dolibu kainsami, takahadhaa moꞌosa, nentela taekamboto, nentela dua nokae oti mani;

2 Korintus 5:9

Kanandooꞌanomo taꞌuleiꞌe lalo mani sadhia tamekaꞌia lalono Ompu, naetaa nandoo taeate ne mbadha kasara ini, naetaa dua tagumampianemo.

1 Korintus 12:6

Nekahadhaano Lahataꞌala tanofegiu, tamaka kumahadhaano bhahi-bhahiꞌae naꞌa mangkano ne sabhaha manusia, ingka Lahataꞌala Kaseemie-mieꞌano.

Roma 15:30

Bhe Ompuntoomu Yesus Kristus, bhe kanini kaasino Rohino Lahataꞌala, aesalo mpuu ne hintimiu dapoowa-owaomu bhe idi dasumambaheaꞌomu sampuu-mpuuno lalo ne Lahataꞌala so idi.

Lukas 13:24

Notobhoosimo Yesus ne mie bhahi ambano, “Uleiꞌomu lalomiu pesuaꞌomu ne fointo mosekeꞌano. Kapaꞌamo amohatokoomu dobhahi mie mesobano damesua, tamaka paise damoolia.

Ibrani 12:4

Kapaꞌamo weo poewangiꞌamiu bhe dhosa, ingka miinaꞌo namotuhua heamiua.

Kolose 2:12

Kapaꞌamo wakutuuno dokadiu saranikoomu, ⸤ membaliomu peda mie mate maka⸥ dokobuhukoomu bhe Kristus. Weo kakadiu saranimo dua anaꞌa, hintimiu itu suli dofodadikoomu bhe Kristus, hampano parasaeaꞌomu ne kuasano Lahataꞌala toka mowanuno Kristus maiꞌao ne mate.