Kolose 1:10 - Muna Southern Dialect

¹⁰ Ane nada naꞌa, dadimiu namantasimo peda mie mangkafino Ompu bhe mekaꞌiano lalono Lahataꞌala. Kobhakeomu weo habu metaamiu, sampe sedhuluꞌa dua mandeꞌaoꞌomu Lahataꞌala.

Kolose 1:10 Referans Kwoze

Efesus 4:1

Dadiꞌanomo, idi mie netohongku hampano afeompu ne Kristus ini, aesalo mpuu ne hintimiu dadiomu naposahataa bhe kapoindalono Lahataꞌala, kapaꞌamo hintimiu mie toka nebhasino Lahataꞌala.

Ibrani 13:21

Sio-siomo Lahataꞌala kamaiꞌaoꞌano katohopono dadi, namosangkaangkoomu sabhaha metaaꞌano so dhumalangiꞌaoꞌomu kapoindalono. Sio-siomo dua weo dadintoomu Lahataꞌala naehabu podiu mekaꞌiano lalono, namangka ne Yesus Kristus. Notifekakalabhia Kristus ampa suhue dhamani. Amin.

1 Yohanes 3:22

Ane nada naꞌa, o ae maka nemesalonto tetewei daꞌumawae, hampano deangka ne pahintano Lahataꞌala bhe dehabu posahataaꞌano bhe lalono.

Yohanes 15:16

Suano hintimiu mili kanau, tamaka o Idi milikoomu. Idimo tumudukoomu kumalaomu so nobhahiꞌao bhakemiu bhe sadaa-daa kantarano, neanomo o ae maka dua so nesalomiu ne Amaku weo neaku namaꞌangkoeꞌomu.

1 Tesalonika 4:1

Panda-pandano bhahitieꞌi, padamo tatangahikoomu nada amai dadumadi damekaꞌia lalono Lahataꞌala. Anaꞌa daanumo habuemoomu. Tamaka aitu taesalo mpuu weo neano Ompu Yesus, nasedhuluꞌa dua kakampuu-mpuuno habumiu naꞌa.

Ibrani 13:16

Koise molimpuomu habu metaaꞌomu bhe fotulumiomu, kapaꞌamo anaꞌaemo kapopanga mekaꞌiano lalono Lahataꞌala.

Yohanes 15:8

Ane nabhahi bhakemiu, natiwohamo kakalabhiano Amaku. Nadamo anaꞌa hintimiu kotu-kotuꞌumo anaguhuꞌiku.”

Titus 3:14

Mientoomu tabeano dapoguhu dua dakumahadhaa metaaꞌano so kafaraluundo mentae mohondo, koe dembali mie tapa kofahalaa.

2 Petrus 3:18

Naetaa mpuu modhuluomu kabhala bhe kamatangkamiu weo kanini kaasino Yesus Kristus, Ompu bhe Fosalamatino, bhe nasedhuluꞌa dua mandeꞌaaneomu. Nopantasi mpuu damosibhalae haꞌoleo ini ampa suhue dhamani! Amin.

2 Petrus 1:8

Ane kosasawiꞌae podiu saꞌituini makesieꞌomu dhulu oleo dhulu kantuhu, tetewei nakumaꞌende-ende totono lalomiu kumahadhaaꞌomu bhe nakohasili metaa, sampe sedhuluꞌa dua mandeꞌaaneomu Yesus Kristus Ompuntoomu.

Kolose 2:6

Ingka tahimaemoomu Kristus Yesus nembali Ompumiu. Dadiꞌanomo podiumiu tabeano napoangkafi bhe kapoindalono, kapaꞌamo seꞌisemoomu bhe Kristus.

1 Tesalonika 2:12

Maꞌanano tatangahikoomu, tafekatangka lalomiu, pakade taesalo mpuu dumadiomu naposahataa bhe kapoindalono Lahataꞌala. Kapaꞌamo Lahataꞌala nosaliꞌikoomu mesuaꞌomu weo Kafopahintaꞌano kumalabhiano.

Kolose 4:5

Pedamo pokaiꞌamiu bhe mie tapa marasaeano, dadi kotimbangiomu. Kotika bhe kasalawa, pake metaaꞌeomu.

Efesus 5:15

Dadiꞌanomo ondofaane fekataa-taaꞌe dadimiu. Koe dadi ngkabhohe-bhoheomu, tamaka dadiomu peda mie mande.

Efesus 2:10

Intaodiomu ini kahabuno Lahataꞌala. Noangka ne Kristus Yesus, Lahataꞌala nofokonandoo kaita so dahumabu metaaꞌao peda nefontaa-ntaano wawo so intaodiomu.

2 Korintus 2:14

Foampe kaitaomu katumpuno lalo ne Lahataꞌala, kapaꞌamo Kristus noowa kainsami tabhatompa weo hame-hameno kafotaloꞌano, hampano kaseꞌise mani bhe Anoa. Lahataꞌala nopake kainsami taefolele Bhihita Metaano Kristus ne amai maka dua tapedamo wonono mina-mina mowonduno.

Roma 6:4

Weo kakadiu sarani, intaodiomu domatemo bhe padamo dofokobuhu poowa bhe Kristus, neanomo tapedamo wutono Kristus dofodadie maiꞌao ne mate hampano kuasano Amano kumalabhiano, intaodiomu dua dadumadi weo dadi buꞌou ⸤ te dhunia ini⸥ .

Efesus 5:10

Ulei lalomiu so mandeꞌaoꞌomu o ae mekaꞌiano lalono Lahataꞌala.

Efesus 5:2

Dadimiu tabeano nakumabhintie kanini kaasi, peda wutono Kristus nofomoasiꞌao. Nofotawakalamo Wutono so intaodiomu sampe dopongkoe. Anoa nembali kapopanga mowondu nefoampe ne Lahataꞌala, mekaꞌianomo lalono Lahataꞌala.

Filipi 1:27

Ampamo kaowu, kodadimiu tabeano naposahataa bhe wambano Bhihita Metaano Kristus. Ane nada anaꞌa, naetaa amai amohakoomu toha, naetaa pae amai ametingke kaowu bhihitamiu, tetewei amandeꞌaane putae notangkamo kofindamiu, sepatudhuomu, sekakolaloomu poewangiomu so kaparasaea ne Bhihita Metaa.

Filipi 1:11

Maꞌanano dadimiu naoponoꞌao podiu metaa nehabuno Yesus Kristus, nada sau kobhake metaano. Kosasawiꞌae ini somo damekakalabhiaꞌao bhe damudhiꞌao Lahataꞌala.

1 Yohanes 5:20

Dopandeꞌaanemo dua Anano Lahataꞌala padamo nomai we dhunia ini, nowaꞌa kaitaomu kapooli damandeꞌao Anoa banarano. Intaodiomu dodadi doseꞌise bhe Lahataꞌala, doseꞌise dua bhe Yesus Kristus, Anano. Anoamo itu Lahataꞌala sakotuꞌuno, Anoamo dua meowano dadi suhue dhamani.

Titus 3:1

Mefeꞌulaianda umatimu, datumuhu ne pamarinta bhe mie kokuasano, daeangka ne pahintando bhe sadhia damantaa-ntaa daehabu metaaꞌano.

Kolose 3:20

Hintimiu membalino anaꞌi, sadhia meangkaomu ne kamungkulamiu, kapaꞌamo podiu medano aitu mekaꞌiano lalono Ompu.

Efesus 4:13

Ane nadamo aini, intaodiomu kotu-kotuꞌu daseꞌisemoomu weo kaparasaea bhe napototomo dua pomaꞌanantoomu ne Anano Lahataꞌala; daembalimoomu mie tumangkano dadi, dhulu oleo dhulu kasangka peda wutono Kristus foliuno kasumangka.

Ibrani 11:5

Hampano kaparasaeano, Henok notisangke sampe miina naenamisi mate. Bhe naseemie miina bhe poꞌawaane hampano padamo nosangkee Lahataꞌala. Notibuhi weo Kitabi, miinaꞌo natisangke, Henok seemie mekaꞌiano lalono Lahataꞌala.

2 Timotius 2:4

Seemie tantara tangasano nodhalangi takano, ingka miina natiteeꞌanea kahadhaano sigaoꞌano, kapaꞌamo patudhuno namekaꞌia lalono neangkano.

Kolose 2:19

Tamaka andoa miinamo damasande ne Kristus fofefotuꞌaono. Gahaꞌaitumo hampano nofefotuane Kristus, o mbadha ⸤ maꞌanano umati marasaeano⸥ nodadi metaa koseꞌulu-uluno, sabhaha katokano mbadha noseꞌise nopotudu-tudumiane noangkafi losuano. Pedamo anaꞌa o mbadha dhulu kabhala bhe kamatangka, noposahataa bhe patudhuno Lahataꞌala.

Filipi 4:18

Kosasawiꞌae atahimaemo, nokapotiemo kafaraluuku, tanokolabhimo dua. Pada atahima kapakatumiu ne Epafroditus, miinamo akonikaea. Kawaꞌaomiu ini tapedamo kapopanga mowondu, mekaꞌiano lalono Lahataꞌala bhe nemoasiꞌaono.

Efesus 1:17

Aesalo ne Lahataꞌalano Ompuntoomu Yesus Kristus, Amantoomu kumalabhiano, sio-siomo namaꞌangkoomu Rohino. Rohi aitu namaꞌangkoomu kapande bhe kantaleano fekihi sampe kotu-kotuꞌu mandeꞌaaneomu Lahataꞌala.

2 Korintus 9:8

Maka Lahataꞌala nokokuasa namaꞌangkoomu sabhaha kabarakatino napontalabhi-labhi, sampe sabhaha kafaraluu weo dadimiu sadhia napokapo-kapo, bhahamoa tanakolabhimo so mehabuꞌaoꞌomu sabhaha metaaꞌano.

Yohanes 17:3

Dadi suhue dhamani maitu, maꞌanano manusia dopandeꞌaane Hintumo Kaseemie-mieꞌano, Lahataꞌala banarano, bhe dopandeꞌaane dua Yesus Kristus netudumu.

2 Korintus 4:6

Kapaꞌamo Lahataꞌala padamo nokobhoasao, “Nobheteꞌo toha tilanga weo kahohondo.” Ingka Anoamo dua mobheteno tilangano weo totono lalontoomu, neanomo naentalea fekihintoomu so dalumosangiꞌao kakalabhiano Lahataꞌala kotilangano ne ulano Kristus.

Roma 4:12

Abraham nembali dua amando mie marasaeano toka nesuna, sumanomo miina kaowu daesuna tamaka dotapi koinaꞌano kaparasaeano Abraham awuantoomu, tiwohano wakutuuno miinaꞌo naesuna.

Roma 1:13

Bhahitieꞌiku! Gaoku mandeꞌaaneomu putae nentuhumo akopatudhu amai aꞌumondokoomu, tamaka taꞌampamo aitu sadhia bhe kapaleiku. Gaoku mpuu kahadhaaku ne olotamiu itu nakohasili dua peda ne bansano liwu suano Yahudi we liwu sigaoꞌano.

2 Korintus 5:9

Kanandooꞌanomo taꞌuleiꞌe lalo mani sadhia tamekaꞌia lalono Ompu, naetaa nandoo taeate ne mbadha kasara ini, naetaa dua tagumampianemo.

3 Yohanes 1:6

Andoa padamo detula-tulaꞌao kanini kaasimu ne wisendo umati marasaeano ne ini. Naetaa mpuu nehabumu itu ane tulumida damopansuhu kala-kalando. Habu medano naꞌa ingka mekaꞌianomo lalono Lahataꞌala.