Ibrani 9:27 - Muna Southern Dialect

²⁷ Padamo dofotantue, manusia tetewei damate sepaku kaowu, pada aitu daewiseki kabhotusi.

Ibrani 9:27 Referans Kwoze

2 Korintus 5:10

Kapaꞌamo ingka kosasawintoomu ini tetewei damewise ne kaengkohaꞌano Kristus so fobhotusino. Ne naꞌa seemie-seemie naꞌumawa so mantasiꞌano neꞌawano naposahataa bhe habuno mbadhano we dhunia, metaaꞌano tawa modaiꞌano.

Tula-tulando rasulu 17:31

Kapaꞌamo padamo nofotantue tempono so dabhitahakiꞌao manusia kosedhuniaꞌae ini, naposahataa bhe podiundo seemie-seemiea. O mie so fobhitahakino naꞌa padamo dua nofotantue, maka mbali tandano so doparasaeaꞌao sabhaha mie, Lahataꞌala nofowanue maiꞌao ne mate.”

Yudas 1:15

Ompu Lahataꞌala nabhitahaki kosasawindo mie, nahumukumu mie modai hampano habu modaindo, nahumukumu dua mie kodhosa pata sumombaino Lahataꞌala mbaꞌinomo sabhaha wamba kafekaꞌaebu nefolimbando ne Ompu.”

2 Timotius 4:1

Nandoo so nefeꞌulaiꞌaoku ne hintu, ingka bhe Lahataꞌala mandeꞌaane, bhe Kristus Yesus so bhitahakino dumadino bhe mateno. Anoa nasumuli namai maka namahinta nada seemie Omputo. Dadiꞌanomo aefeꞌulaiangko,

Roma 5:12

O dhosa nopesua we dhunia ini hampano seemie manusia, nomaiꞌao ne dhosa nopesua dua mate, maka o mate nokangkanai kosasawindo mie, mbaꞌinomo kosasawindo manusia dokodhosamo.

1 Korintus 4:5

Dadiꞌanomo koise paꞌindulu fobhotusiomu, antagiomu nahumato wutono Ompu. Anoa nalumengkasi sabhaha rahasia tifebunino weo kahohondo. Anoamo dua so tumalesaono sabhaha patudhu weo totono lalondo manusia. Ne naꞌamo seemie-seemie naetahima kapudhi so mantasiꞌano maiꞌao ne Lahataꞌala.

Ibrani 6:2

Pedamo dua itu kafoinaꞌuno kakadiu sarani, kafoinaꞌu detei limando te wawondo mie bhaindo ⸤ desaloanda kabarakati⸥ , kawanuꞌando mie mate bhe kahukumu suhue dhamani.

Powoha 20:11

Pada aitu awohamo dua kaengkohaꞌa kumalabhiano nopute bhe nobhala bhe Mengkohafie. O lani bhe dhunia tanosimiinaeꞌamo ne wiseno kao-kaomo dofileiane, miinamo natiwohaa.

Roma 2:5

Tamaka hampano katuꞌano fotumiu bhe mokiidoomu metompaꞌao dhosamiu, ingka metapi-tapimoomu kabhieno kahukumu so netahimamiu, nahumato oleono Lahataꞌala namekakoꞌula amahano bhe namondawu kabhotusino umadhilino.

Ibrani 10:27

Sehonda-hondano ndumandoono, intaodiomu deanta-antagi kabhotusino Lahataꞌala timoteꞌino bhe efi ngkalai-laino so tumunulino sabhaha manusia mewangie.

1 Yohanes 4:17

Nahumato oleono kafobhotusiꞌa daokadoomu dapowise bhe Lahataꞌala, hampano dadintoomu we dhunia ini pedamo dadino Kristus. Ainiꞌaemo katandaino putae kanini kaasino Lahataꞌala nosangkamo weo totono lalontoomu.

Lukas 20:32

Panda-pandano hobhine naꞌa nomatemo dua.