Ibrani 9:14 - Muna Southern Dialect

¹⁴ bhemo toha heano Kristus! Weo kuasano Rohino Lahataꞌala dumadino suhue dhamani, Kristus nofoampe Wutono mbali kapopanga pata kodengono ne Lahataꞌala. Dadiꞌanomo heano tetewei namekangkilo totono lalontoomu maiꞌao ne sabhaha podiu meowano mate, neanomo naembali dameompuomu ne Lahataꞌala dumadino.

Ibrani 9:14 Referans Kwoze

Ibrani 10:22

Hampano bhahi-bhahiꞌae naꞌa, haa kaitaomu domaꞌotiomu Lahataꞌala, weo kahelasino lalo bhe kaparasaea tumangka; wobhano handantoomu dofekangkiloemo, totono lalontoomu kumatanga-tangano nohempomo, ⸤ miinamo naekenda-kendaꞌao habu modai⸥ , mbadhantoomu nongkilomo mbaꞌinomo padamo dokadiuane oe moinda.

1 Petrus 1:19

tamaka fofoliuꞌano kaꞌali, tuhuno heano wutono Kristus. Anoa nembalimo peda dhumba nesumbele tapa kodengo bhe tapa kosakino.

1 Yohanes 1:7

Tamaka ane dodadiomu ne mentaleaꞌano peda Anoa dumadino weo tilanga, ingka doseꞌisemoomu bhe mie bhaintoomu, maka heano Yesus, Anano Lahataꞌala, nofekanggela kaitaomu maiꞌao ne sabhaha dhosa.

Ibrani 9:12

⸤ Kristus nopesua weo Boloku Foliuno Kangkilo maitu⸥ sepaku kaowu ampa suhue dhamani. Wakutuu anaꞌa Anoa miina naewowoꞌo heano membe moꞌane tawa heano anano sapi mbali kapopanga, tamaka heano Wutono. Pedamo anaꞌa neꞌawamo kasalamatiꞌantoomu ampa suhue dhamani.

1 Petrus 2:24

Mbadhano wutono Kristus notongkue bhahi-bhahiꞌae dhosantoomu, sampe dokantaiꞌe te sau salipu. Patudhuno neanomo intaodiomu dabebasiomu maiꞌao ne kuasano dhosa bhe dadintoomu naposahataa bhe kapoindalono Lahataꞌala. Ingka kakowembe-wembenomo mbadhano Kristus mekaꞌuhikoomu.

1 Petrus 3:18

Kapaꞌamo wutono Kristus nomateꞌao dhosantoomu, sepaku kaowu so suhue dhamani. Anoa mie banara nomateꞌao mie modai. Kamateꞌano ingka so natumondaꞌao hintimiu ne Lahataꞌala. Mbadha kamanusiano dopongkoe, tamaka Rohino Lahataꞌala nofowanue maiꞌao ne mate.

Ibrani 7:27

Anoa nopoꞌala bhe Imamu Bhalano sigaoꞌano, andoa defoampe kapopanga seꞌo-seꞌoleo, tabeano mbali dhosando wutondo kadeki maka mbali dhosando umati bhahino. Tamaka Yesus nefoampe kapopanga sepaku kaowu ampa suhue dhamani, wakutuuno nofoampe Wutono mbali kapopanga.

1 Petrus 4:2

Dadiꞌanomo katumpono dadimiu we dhunia ini pakeeꞌomu angkafiomu kapoindalono Lahataꞌala, koise angkafiomu kapoindalono manusia.

Ibrani 1:3

Anoa nofotiwoha tilangano kakalabhiano Lahataꞌala, katuno bhe sifatino pasae wutono Lahataꞌala. Anoamo dua tumukono alamu bhalano ini nopake bhoasaono foliuno kuasa. Nopalusi nofekangkilo manusia maiꞌao ne dhosando, Anoa nengkohamo ne suanano Lahataꞌala fofoliuno kakalabhia te wawono wawo.

Titus 2:14

Anoa padamo noowa Wutono sampe dopongkoe so intaodiomu, mbali nofofobebasiꞌao maiꞌao ne sabhaha podiu modai. Patudhuno dua naefokonandooꞌao umati mongkilono, so fehebuaꞌano Wutono, umati mokokosono humabu metaano.

Powoha 1:5

bhe nomaiꞌao dua ne Yesus Kristus, sakusii tiparasaeano, kabhao-bhaono manuno maiꞌao ne mate bhe kokuasano ne sabhaha omputo ne dhunia ini. Yesusmo ini moasi kaitaomu bhe noangka ne tuhuno heano padamo nofolapa kaita maiꞌao ne dhosa.

Ibrani 6:1

Dadiꞌanomo dohunsaeꞌanaomu kadeki kafoinaꞌu kabhao-bhaono pokaiꞌano bhe Kristus, maka damopansuhueꞌomu dapoguhuꞌao so dadi motangka peda mie marasaeano. Koemo tadofendu-fenduaꞌomu kafoinaꞌu kabhao-bhaono, putae manusia tetewei nametompaꞌao podiu meowano mate, maka damarasaea ne Lahataꞌala.

Roma 6:13

Koemo owaomu katokano mbadhamiu ne dhosa, namakee so patudhu modai. Tamaka owa wutomiu ne Lahataꞌala peda mie madano mateno suli dodadi. Owaomu dua katokano mbadhamiu ne Lahataꞌala, neanomo namakee so dhumalangiꞌaoꞌomu kapoindalono.

1 Yohanes 3:5

Ingka pandeꞌaanemoomu Kristus nomai notolosi dhosando manusia, Anoa miina nakodhosaa.

Roma 6:22

Tamaka ampa aitu padamo dofobebasikoomu maiꞌao ne dhosa maka membalimoomu bhatuano Lahataꞌala. Labamiu naeowaangkoomu dadi mongkilo, kaopuliꞌano dadi suhue dhamani.

Ibrani 10:2

Kapaꞌamo ane ibahano naembali, ingka tantumo dametumpumo daefoampe kapopanga. So kafetumpuꞌando hampano paemo danumamisi wutondo dokodhosa mbaꞌinomo ingka padamo dofekangkiloda sepaku ampa suhue dhamani.

Efesus 5:2

Dadimiu tabeano nakumabhintie kanini kaasi, peda wutono Kristus nofomoasiꞌao. Nofotawakalamo Wutono so intaodiomu sampe dopongkoe. Anoa nembali kapopanga mowondu nefoampe ne Lahataꞌala, mekaꞌianomo lalono Lahataꞌala.

Efesus 2:5

Lahataꞌala nofodadi kaita dopoowa bhe Kristus, mahinggamo domatemoomu hampano dokangkalaꞌi pahintano. Tandaiꞌeomu, hintimiu nofosalamatikoomu Lahataꞌala hampano kataano lalono.

2 Korintus 5:21

Kristus tapa mehabuno dhosa, padamo nofoseꞌisee Lahataꞌala bhe manusia kodhosa, neanomo weo kaseꞌisentoomu bhe Kristus nafotahima Lahataꞌala peda mie banara.

Roma 11:12

Dadiꞌanomo dhosando miendo Yahudi neowamo kabarakati so dhunia ini, kakaeno ⸤ kaparasaeando⸥ neowamo kabarakati pontalabhi-labhino ne bansano liwu sigaoꞌano. Ane peda anaꞌa, ingka mangke-mangkemo sedhuluꞌa dua kataa, ane nasumangka kabhahindo miendo Yahudi so sumalamatino.

Lukas 1:74

putae dalumapaomu maiꞌao ne kuasano kaewa bhe paemo dakateꞌi-teꞌia dasumombai Anoa,

1 Petrus 2:22

Anoa miina sepaliꞌa nakodhosaa, miina dua nakopahaa.

1 Timotius 1:17

Nopantasi mpuu damosibhala bhe damudhi Lahataꞌala, kapaꞌamo Anoamo tapa metompaloino mate, Anoamo Omputo suhue dhamani, Anoamo tapa tiwohano, Anoamo Kaseemie-mieꞌano. Damosibhalae ampa suhue dhamani. Amin.

Galatia 2:19

Miinamo bhe potaiꞌakua bhe tubhono agama Yahudi, kanggetu amatemo. Nofekamate kanaumo tubhono agama maitu. Dadiꞌanomo amatemo so tubhono agama Yahudi, neanomo adumadi so Lahataꞌala. Wakutuuno Kristus dokantaiꞌe te sau salipu, kao-kaomo o idi dokantai kanau dua.

2 Korintus 6:16

O ae bhahaa pokaiꞌano Lambuno Lahataꞌala bhe lambuno barahala? Ingka intaodiomu ini Lambuno Lahataꞌala dumadino, kapaꞌamo Lahataꞌala nokobhoasao, “Aeate bhe andoa, adumadi ne wunta-wuntando; o Idi aembali Lahataꞌalando, andoa daembali umatiku.”

Roma 11:24

Hintimiu doalakoomu maiꞌao ne haꞌano zaitun ngkahoku, maka dofopikakoomu ne puꞌuno zaitun mpuuno, mahinggamo sakotuꞌuno nopoewangi bhe sifatimiu kabhao-bhaono. Ane pedamo anaꞌa, mangke-mangkemo haꞌano mpuu nelobhisi naꞌa, tetewei naembali sumuli namika ne puꞌuno, ingka kamaiꞌanomo!

Roma 1:20

Mpini pakatifokonandoono dhunia, o manusia dolosangiemo mpuu putae Anoamo kotu-kotuꞌu Lahataꞌala Kaseemie-mieꞌano bhe kuasano miina nakotompaa suhue dhamani. Sifatino Lahataꞌala ini miina natiwohaa, tamaka notipandeꞌaomo ne sabhaha nefokonandoono. Dadiꞌanomo manusia miina dakotingkua damokantibha wutondo.

Yohanes 3:34

Kapaꞌamo katuduno Lahataꞌala maitu nofosampe bhoasaono Lahataꞌala, hampano Lahataꞌala nowaꞌane Rohino miina naegana-ganaa.

Lukas 4:18

“Rohino Ompu nokabhinti kanau, mbaꞌinomo padamo nosangke kanau so amosampeꞌao Bhihita Metaa ne mie ngkumaasi-asino. Anoa notudu kanaumo aefolele bhihita putae mie netohongku damobebasida, o kabunto sumuli dafowoha. Notudu kanau dua amobebasi mie nefompina-mpina,

Matius 20:28

Kapaꞌamo wutono Anano Manusia - Idimo ini - nomai pae naefeꞌondofaoa tamaka nafoꞌondofao bhe nafowaꞌao inawano so katolosindo mie bhahi.”

Ibrani 11:21

Hampano kaparasaeano, wakutuuno nomaꞌomo namate, Yakub nobarakati anaꞌino Yusuf hoduano, poowa nosambahea nofintaha ne katukono.

Ibrani 9:9

Aini o kaꞌibahatinomo dhamani ampa aitu, maꞌanano sabhaha kawaꞌao bhe kapopanga nesumbele nefoampendo manusia miina namooliea nofosangka totono lalondo manusia meowano kapopanga maitu.

Tula-tulando rasulu 14:15

“Alee, noafa habuꞌaoꞌomu giu aitu? Insaodi ini ingka mie melaa, kabeanga dua hintimiu! Kahatoꞌa mani ne ini tamohatoangkoomu Bhihita Metaa so humunsaꞌaoꞌomu giu tapa kofahalaaꞌano ini, neanomo dumolimoomu bhe marasaeamoomu ne Lahataꞌala dumadino. Anoamo mokonandoono o lani, o dhunia, o teꞌi bhe kosasawiꞌae iꞌino.

Tula-tulando rasulu 10:38

Pandeꞌaanemoomu dua Lahataꞌala nopili Yesus miendo Nasaret maitu maka nowaꞌane Rohino bhe kuasa. Anoa nolili nehabu metaaꞌano, nefekaꞌosa sabhaha mie nekuasaino Kafeompuꞌando seetani, mbaꞌinomo Lahataꞌala nopobhaiane.

Ibrani 9:7

Tamaka membalino mesuano weo boloku we sewetano naꞌa ⸤ Boloku Foliuno Kangkilo⸥ mpahinomo Imamu Bhalano, sepaku kaowu setaꞌu. Wakutuuno nopesua ne itu Imamu Bhalano tetewei newowoꞌo bhe heano mbali kapopanga so katiꞌamponiꞌano dhosano wutono bhe dhosando tapa nefepuundo nehabundo umati bhahino.

1 Timotius 3:15

Tamaka ane pae apikihatoko, ingka pandeꞌaanemo nada amai tabeano dadindo mie weo polambuno Lahataꞌala, aituꞌaemo umatino Lahataꞌala dumadino. Intaodiomu umati marasaeano ini tapedamo sandi bhe kampana mekatangkanomo seꞌonu lambu, hampano dofintahaki bhe dodambaꞌao kafoinaꞌuno kabanara.

1 Tesalonika 1:9

Mie andoa maitu detula-tulaꞌaomo kataano tahima kainsamiomu ⸤ pakamai mani⸥ te liwumiu, detula-tulaꞌaomo dua putae kukundoemoomu barahala nesombaimiu maka doliomu ne Lahataꞌala banarano dumadino, feompumoomu ne Anoa.

Tula-tulando rasulu 1:2

ampa ne oleono katisangkeꞌano te surugaa. Miinaꞌo natisangke te surugaa, weo kuasano Rohino Lahataꞌala padamo nohunsa pahintano ne rasulu nepilino.

Lukas 12:28

Kahoku tumumbuꞌano we pada oleo itu, namentae datumawuemo. Sanginomo kahoku maitu nolegasiemo Lahataꞌala, bhemo toha hintimiu. Kakuhano dua kaparasaeamiu!

Lukas 12:24

Soba feꞌo-feꞌondoomu kaa maitu, miina dahumooa miina dakumapea, miina dua dakobhantea tawa o aꞌu so kaefoꞌonuꞌano pehapi, tamaka nopakandeda Lahataꞌala. Ingka foliuda hintimiu bhe kaꞌuhi lumolano maitu.

Matius 12:28

Tamaka ane aefolimba seetani apake kuasano Rohino Lahataꞌala, sakotuꞌuno nohatokomoomu Kafopahintaꞌano Lahataꞌala.

Matius 7:11

Sanginomo hintimiu mie modai pandemoomu waꞌaoꞌomu metaaꞌano ne anamiu, bhemo toha Amamiu te surugaa! Anoa namaꞌao metaaꞌano ne mie mesalono.”

Roma 1:4

Tamaka Rohino Lahataꞌala nofotiwohae putae Anoa Anano Lahataꞌala, nokokuasa hampano nowanu maiꞌao ne mate.

Matius 16:16

Notobhoosimo Simon Petrus ambano, “Hintumo Mesias, Omputo Fosalamatino, Anano Lahataꞌala dumadino ⸤ suhue dhamani⸥ .”

Tula-tulando rasulu 15:9

Lahataꞌala miina napoꞌala-alaandaa bhe intaodiomu; totono lalondo padamo nofekangkiloe hampano doparasaea.

1 Korintus 15:45

Nandoo tibuhino weo Kitabi, “Manusia kabhao-bhaono, nekonando Adam, bhe inawano dumadino,” tamaka Adam mbuhumaino ⸤ patudhuno Kristus⸥ , bhe Rohino fofodadino.

Ibrani 3:12

Bhahitieꞌiku! Posiꞌondoomu, koise bhe kolalo modaino bhe tapa marasaeano ne olotamiu itu, sampe nokukundo Lahataꞌala dumadino.

Ibrani 7:16

Anoa dosangkee mbali imamu miina naengkoha ne atorano sampuꞌano manusia, tamaka katisangkeꞌano nengkoha ne kuasano dadi tapa kotompano.

Ibrani 9:26

Kapaꞌamo ane ibahano namendua, nokomaꞌana tabeano namekantuhu-ntuhu nakadee-dee mpini pakatifokonandoono dhunia. Tamaka miina nada naꞌa: ne pandano dhamani ini Kristus nohato ne dhunia ini sepaku kaowu noowa Wutono mbali kapopanga nesumbele so katitolosiꞌano dhosa.

Ibrani 10:10

Hampanomo kapoindalono Lahataꞌala nedhalangino Kristus naꞌa, intaodi dofekangkilo kaitaomu maiꞌao ne sabhaha dhosa, noangka ne kapopangano wutono Yesus Kristus, sepaku kaowu ampa suhue dhamani.

Ibrani 10:12

Tamaka Imamu seemieno maitu nefoampe kapopanga sehonda kaowu mbali katolosino dhosa, nolaku ampa suhue dhamani. Palusi anaꞌa nengkohamo ne suanano Lahataꞌala.

Ibrani 13:12

Kanandooꞌanomo dua, Yesus nomate we simbalino kagualino kota, mbali nofekangkiloꞌao umatino noangka ne tuhuno heano Wutono.