Ibrani 8:10 - Muna Southern Dialect

¹⁰ Tamaka ainiꞌaemo podhandiꞌa so nehabuku bhe miendo Israel we oleo mbuhumai, bhoasaono Ompu: pahintaku atumeiꞌe weo fekihindo, tubhoku abuhie weo totono lalondo. Idi somo Lahataꞌalando, andoa somo umatiku.

Ibrani 8:10 Referans Kwoze

2 Korintus 3:3

Nentaleamo hintimiu itu suha nebuhino Kristus noangka ne insaodi. Suha aini miina dabuhiane dawati tamaka dobuhiane Rohino Lahataꞌala dumadino, miina dua dabuhie ne katibhano kontu tamaka ne katibhano totono lalondo manusia.

1 Petrus 2:9

Tamaka hintimiu bansano liwu tipilino, imamu meompuno ne Omputo, bansano liwu mongkilono, umati fehebuaꞌano wutono Lahataꞌala. Lahataꞌala nopilikoomu bhe nobhasikoomu maiꞌao weo kahohondo pesuaꞌomu weo kantalea kumalabhiano, neanomo moleleeꞌomu sabhaha habuno timenteꞌaono.

Roma 11:27

Ainimo podhandiꞌaku bhe andoa, nahumato tempono aꞌumamponie sabhaha dhosando.”

Yakobus 1:21

Dadiꞌanomo ohoeꞌomu toha podiu mohaku bhe sabhaha kanea modai. Fekamalu lalomiu bhe tahimaeꞌomu bhoasaono Lahataꞌala toka netisa weo totono lalomiu, kapaꞌamo bhoasao aitu nokokuasa namosalamatikoomu.

Titus 2:14

Anoa padamo noowa Wutono sampe dopongkoe so intaodiomu, mbali nofofobebasiꞌao maiꞌao ne sabhaha podiu modai. Patudhuno dua naefokonandooꞌao umati mongkilono, so fehebuaꞌano Wutono, umati mokokosono humabu metaano.

1 Petrus 1:23

Kapaꞌamo dadi buꞌou neꞌawamiu miina namaiꞌao ne wineno mbadha mobinasano, tamaka nomaiꞌao ne wutono Kowineno pata mobinasano, hampano kaparasaeamiu ne bhoasaono Lahataꞌala dumadino suhue dhamani.

Yakobus 1:18

Noangkafi kapoindalono Wutono, Lahataꞌala nofowaꞌao dadi buꞌou dembaliomu anaꞌino, hampano ⸤ dofetingke bhe doparasaeaꞌomu⸥ bhoasaono kabanara. Patudhuno neanomo daembaliomu titiisa ne olotando sabhaha nefokonandoono Lahataꞌala.

Matius 22:32

‘Idimo ini Lahataꞌalano Abraham, Lahataꞌalano Ishak bhe Lahataꞌalano Yakub.’ Maꞌanano Ompu Lahataꞌala suano Lahataꞌalando mie mate tamaka Lahataꞌalando mie dumadi.”

Ibrani 11:16

Tamaka ingka nentalea andoa nokamba lalondo ne liwu sedhuluꞌano kataa, maꞌanano o liwu te surugaa. Kanandooꞌanomo Lahataꞌala miina naoambanoa dokonae Lahataꞌalando, kapaꞌamo padamo nefontaa-ntaaꞌanda seꞌonu kota.

1 Korintus 6:16

Bhahaa miina mandeꞌaaneomua ane seemie moꞌane nekapoti karambole ingka noseꞌisemo dua bhe hobhine aitu? Kapaꞌamo weo Kitabi notibuhi, “Andoa daembalimo seemie.”