Ibrani 7:2 - Muna Southern Dialect

² Abraham nodawu kafotaloꞌano nofeompulu dawue maka sedawu nowaꞌane Melkisedek. Doangkafi neano, Melkisedek kabhao-bhaono nokomaꞌana “Omputono kabanara”, maka anoa dua omputo we Salem, maꞌanano “Omputono katohopo”.

Ibrani 7:2 Referans Kwoze

Roma 3:26

Tamaka ampa aitu Lahataꞌala nobhotusiemo dhosando manusia so notiwohaꞌao kaꞌadhilino, neanomo nentaleaꞌao putae Wutono nobanara bhe nofobanara manusia marasaeano ne Yesus Kristus.

Lukas 2:14

“Nokalabhia mpuu Lahataꞌala te wawono wawo, katohopo mpuu we dhunia, so manusia posahasiꞌano lalo bhe Lahataꞌala.”

Matius 1:23

“Kotu-kotuꞌu, seemie kalambe tapaꞌo popandeꞌaono bhe moꞌane nafowoowa maka nakoanaꞌao moꞌane. Anaꞌi aitu dakumonae Imanuel.” (Maꞌanano Imanuel, Lahataꞌala nopobhai kaitaomu).

Ibrani 7:1

Melkisedek ini omputo ne kotano Salem, nembali dua imamuno Lahataꞌala Foliuno kalangke. Wakutuuno Abraham nosuli maiꞌao ne popahisaꞌa bhe notalo omputo ⸤ lidimano maiꞌaono te mata oleo⸥ , nosumpuiꞌe Melkisedek. Pada anaꞌa Melkisedek nobarakatimo Abraham.

Ibrani 7:3

Mulaoꞌano Melkisedek ini, miina bhe tibuhiꞌano laꞌae inano bhe amano tawa siwuluno, miina natipandeꞌao dua kalenteꞌano tawa kamateꞌano. Dadiꞌanomo tapedamo dua Anano Lahataꞌala, anoa nembalimo imamu ampa suhue dhamani.