Ibrani 6:4 - Muna Southern Dialect

⁴ Kapaꞌamo ane bhe mie kumukundono Lahataꞌala, miinamo bhe dhalano dasumuli dametompaꞌao dhosando. Endefiꞌini padamo notilada tilangano Lahataꞌala, denamisimo kadawuno surugaa bhe padamo dua dotahima Rohino Lahataꞌala peda bhaindo.

Ibrani 6:4 Referans Kwoze

Matius 5:13

“Hintimiu itu dimbano gaha we dhunia. Ane o gaha naotembe, damekakahaane dua ae? Ingka miinamo nakofahalaaꞌa, tadaꞌumoho maka dapokafindaꞌiane.

Yohanes 15:6

Sasuka tapa seꞌiseno bhe Idi daꞌumohoe we simbali nada haꞌano sau maka nakekele. Mada anaꞌa damoꞌonue maka daꞌumohoe weo efi sampe notitawu.

Efesus 2:8

Katifosalamatiꞌamiu hampano rahamatino Lahataꞌala, noangka ne kaparasaeamiu ne Kristus. O kasalamati maitu suano hasilino kahadhaano wutomiu, tamaka kotu-kotuꞌu katohaino Lahataꞌala.

Yohanes 3:27

Ambano Yohanes, “O ae maka dua neꞌawano seemie manusia, o kadawu maiꞌao ne Lahataꞌala.

Ibrani 10:32

Feꞌulaiꞌeomu kumundoꞌano. Wakutuu anaꞌa, pada notilakoomu tilangano Lahataꞌala, nobhahi meꞌawaomu kakadee-dee, tamaka sadaa-daa potaami bhe poewangiomu.

Matius 12:45

Pada anaꞌa nosulikimo sabhangkano dopipitu maka dopesua deate ne itu. Seetani bhaino maitu dofoliuꞌe dua kadaindo. Panda-pandano mie aitu dhulu kadaha bhe pakatandano. Nadamo dua anaꞌa so kumadhadhiaꞌano ne mie modaino dhamani aini.”

Galatia 3:2

Soba fohato kanauꞌomu sehondano ini: bhahaa metahimaomu Rohino Lahataꞌala mbaꞌinomo dhalangiomu tubhono agama Yahudi, bhahaa mbaꞌinomo fetingkeomu Bhihita Metaa bhe parasaeaꞌomu ne Kristus?

2 Timotius 2:25

Mie mansoewano tabeano namalu-malusianda katangahi, sio-siomo Lahataꞌala nandoo namaꞌanda kasalawa dametompaꞌao dhosando maka damandeꞌao kabanara.

1 Yohanes 5:16

Ane wohaomu bhahitiemiu nehabu dhosa tapa meowano mate, naetaa mesaloaneomu ne Lahataꞌala maka dadi aitu sumuli namaꞌane. Nepulaoꞌaoku ini o dhosa tapa meowano mate. Kapaꞌamo nandoo o dhosa meowano mate, so dhosa pedando ini miina apugauangkoomu sumambahaeꞌomu ne Lahataꞌala.

Ibrani 2:4

We simbalino dua anaꞌa, Lahataꞌala nofekamatangka kasakusiindo nepake tanda tapa mentela, giu timenteꞌaono bhe sabhaha kuasa mangaliuno, bhe nofodawu-dawuꞌao dua kawaꞌaono Rohino Lahataꞌala nopoangkafi bhe kapoindalono Wutono.

1 Timotius 4:14

Koise molimpuꞌao pakee kapooli kawaꞌaono Rohino Lahataꞌala, neꞌawamu wakutuuno nandoo kaowilino Lahataꞌala nefosampendo ana-anabii, bhe kamungkulaꞌindo umati dotei limando te fotumu.

Tula-tulando rasulu 11:17

Nentaleamo Lahataꞌala nowaꞌanda kadawu peda dua ne intaodiomu pakatandano doparasaeaꞌomu ne Yesus Kristus. Dadiꞌanomo ingka pae naembalia atumagali Lahataꞌala!”

Efesus 4:7

Tamaka intaodiomu seemie-seemie nowaꞌa kaita kawaꞌao nengkamoisaꞌao, noposahataa bhe kabhalano kataano lalono Kristus.

Efesus 3:7

Lahataꞌala nowaꞌa kanau taka amolele Bhihita Metaa anaꞌa. Taka kaꞌondofao aini atahimae nopobutu bhe rahamatino Lahataꞌala, amondoiꞌe hampano kuasano Wutono kumahadhaano ne idi.

Tula-tulando rasulu 10:45

Miendo Yahudi marasaeano ne Yesus mangkafino Petrus maitu, kosasawindo tadomente mbaꞌinomo dowoha Lahataꞌala nowaꞌao dua Rohino ne mie suano Yahudi.

Tula-tulando rasulu 8:20

Tamaka ambano Petrus, “Pesuamo narakaa bhe dhoimu itu! Saomua kadawuno Lahataꞌala doꞌoliane dhoi?

Yohanes 6:32

Ambano Yesus, “Amohatokoomu, kotu-kotuꞌu suano anabii Musa maꞌangkoomu roti maiꞌaono te surugaa, tamaka Amaku maꞌangkoomu roti sakotuꞌuꞌano maiꞌaono te surugaa.

Galatia 3:5

Kaowu nadamo amai itua? Ingka Lahataꞌala miina naegana-ganaa nowaꞌangkoomu Rohino bhe nehabuangkoomu sabhaha tanda tapa mentela. Bhahaa nowaꞌangkoomu peda naꞌa mbaꞌinomo dhalangiomu tubhono agama Yahudi kaa bhahaꞌi mbaꞌinomo fetingkeomu Bhihita Metaa bhe parasaeaꞌomu ne Kristus?

Tula-tulando rasulu 15:8

Lahataꞌala mandeꞌaonomo lalondo manusia, nofotiwohamo bukutii notahimamo mie suano Yahudi, kapaꞌamo nowaꞌandamo dua Rohino peda intaodiomu miendo Yahudi.

Yohanes 4:10

Ambano Yesus, “Ane mandeꞌaane kadawuno Lahataꞌala bhe laꞌae sakotuꞌuno mesalono ne hintu, ‘Bhe idi oemu aohoꞌu’, tetewei hintumo so mesalono ne Anoa, maka Anoa namaꞌangko oe meowano dadi.”

2 Timotius 4:14

Aleksander, pandeno tambaga itu, nobhahimo habu modaino ne idi. Hunsaꞌanomo Ompu so bhoosie naposahataa bhe habuno.

Roma 1:11

Nokamba mpuu laloku apoꞌawa bhe hintimiu, neanomo naembali adumawuangkoomu dua kabarakatino Rohino Lahataꞌala so namatangkaꞌao kaparasaeamiu.

2 Korintus 4:4

Kafeompuꞌando seetani kumuasaino dhamani aini nosongkowimo fekihindo mie tapa marasaeano sampe miina damoha tilangano Bhihita Metaa. Bhihita aini ingka nofofohatoꞌao kakalabhiano Kristus, ulanomo Lahataꞌala tiwohaꞌano.

2 Korintus 4:6

Kapaꞌamo Lahataꞌala padamo nokobhoasao, “Nobheteꞌo toha tilanga weo kahohondo.” Ingka Anoamo dua mobheteno tilangano weo totono lalontoomu, neanomo naentalea fekihintoomu so dalumosangiꞌao kakalabhiano Lahataꞌala kotilangano ne ulano Kristus.

Efesus 1:18

Aesalo dua sio-siomo natilengka totono lalomiu, neanomo lumosangieꞌomu kakesano posahunaꞌao so neꞌawamiu maiꞌao ne Lahataꞌala bhasikoomu; neanomo mandeꞌaaneomu dua kapontalabhi-labhino kabarakati nefontaa-ntaano Lahataꞌala so umatino mongkilono.