Ibrani 6:1 - Muna Southern Dialect

¹ Dadiꞌanomo dohunsaeꞌanaomu kadeki kafoinaꞌu kabhao-bhaono pokaiꞌano bhe Kristus, maka damopansuhueꞌomu dapoguhuꞌao so dadi motangka peda mie marasaeano. Koemo tadofendu-fenduaꞌomu kafoinaꞌu kabhao-bhaono, putae manusia tetewei nametompaꞌao podiu meowano mate, maka damarasaea ne Lahataꞌala.

Ibrani 6:1 Referans Kwoze

Ibrani 9:14

bhemo toha heano Kristus! Weo kuasano Rohino Lahataꞌala dumadino suhue dhamani, Kristus nofoampe Wutono mbali kapopanga pata kodengono ne Lahataꞌala. Dadiꞌanomo heano tetewei namekangkilo totono lalontoomu maiꞌao ne sabhaha podiu meowano mate, neanomo naembali dameompuomu ne Lahataꞌala dumadino.

2 Korintus 7:1

Bhahitieꞌiku timoasiꞌaono! Ampa aitu dotahimaemo sabhaha dhandi anaꞌa. Dadiꞌanomo fekangkilo kaitaomu wutontoomu ne sabhaha mefekahakuno mbadha bhe alusu. Ulei kaitaomu lalontoomu so nasumangkaꞌao kangkilono dadintoomu, hampano doteꞌi ne Lahataꞌala.

Tula-tulando rasulu 26:20

Mentalea-mentalea afohatoda, o mie tabeano dametompaꞌao podiu modaindo maka dadumoli ne Lahataꞌala. Pakade daehabu podiu posahataaꞌano bhe fetompando maitu. Nepugauꞌaoku ini kabhao-bhaono afohato miendo Yahudi we kotano Damsyik maka we Yerusalem bhe kosekaꞌewaꞌae kadieno Yudea. Pada anaꞌa afohatomo dua mie suano Yahudi.

Ibrani 12:13

Fekalaaꞌe kaangkaꞌano aꞌemu, neanomo aꞌemu mokempano itu paise natokulepea.

Matius 21:32

Kapaꞌamo Yohanes nomai nofotiwohaangkoomu kaangkaꞌano dadi metaa, tamaka miina marasaeaꞌeomua, gahaꞌa mealaꞌino sewa bhe karambole doparasaeaꞌe. Tamaka hintimiu, mahinggamo wohaeꞌomu peda maitu, miina sumosoomua, miina dua marasaeaꞌomua.”

Ibrani 7:11

Tubhono agama Yahudi ingka dofosampee ne miendo Israel nengkoha ne kaꞌimamuꞌano Lewi. Ane ibahano takano imamu naꞌa neowamo dadi sumangka, noafa bhahaa nofaraluuꞌao desangke dua seemie imamu sigaoꞌano, imamu peda Melkisedek, suano maiꞌao ne sampuꞌano imamu Harun?

Efesus 4:12

Katiwaꞌaoꞌano bhahi-bhahiꞌae ini, damotoka umati mongkilono so kahadhaando daꞌumondofao Ompu bhe mie bhaindo, neanomo mbadhano Kristus sadhulu-dhulu kabhala bhe kamatangka.

Yohanes 12:44

Yesus nofekabhala toha suahano ambano, “Sasuka marasaeano ne Idi miina kaowu namarasaea ne Idi, tamaka noparasaea ne Tumudu kanau.

Yohanes 5:24

Amohatokoomu, kotu-kotuꞌu sasuka metingkeno wambaku bhe marasaeano ne Tumudu kanau, ingka neꞌawamo dadi suhue dhamani. Paise naeꞌawa kahukumu, kapaꞌamo nogampimo maiꞌao ne mate nopesuamo weo dadi.

Matius 3:2

ambano, “Fetompaꞌao dhosamiu, doliomu ne Lahataꞌala, kapaꞌamo Kafopahintaꞌano Lahataꞌala nomaꞌomo.”

1 Timotius 3:16

Kotu-kotuꞌu nobhala mpuu rahasiano agamantoomu ini, Anoa nofotiwoha Wutono nembali manusia, nosakusiiane Rohino Lahataꞌala Anoa ini mie banara, dowohae malaꞌekati, bhihitano dofolelee ne sabhaha bansano liwu tapa mandeꞌaono Lahataꞌala, doparasaeaꞌe ne kosekaꞌewaꞌae dhunia ini, notisangke weo kakalabhia te surugaa.

2 Korintus 7:10

Kapaꞌamo kakompeahano lalo poangkafiꞌano bhe kapoindalono Lahataꞌala neowa kafetompaino dhosa meowano kasalamati, maka paise dasumosoanea. Tamaka kakompeahano lalo maiꞌaono ne dhunia ini neowa mate.

2 Timotius 2:19

Ampamo kaowu sandi bhalano nefongkohano Lahataꞌala nomatangka. Te wawono notibuhi bhoasao peda aini, “Ompu nopandeꞌaanda ndo laꞌae fehebuaꞌano”, pakade dua, “Sasuka sumambilino neano Ompu tabeano nahumunsa podiu modaino.”

Tula-tulando rasulu 20:21

Namiendo Yahudi namiendo liwu sigaoꞌano sadhia afodhagada, bhahaꞌi kaowu dametompaꞌao dhosando, dadumoli ne Lahataꞌala bhe damarasaea ne Ompu Yesus Kristus.

Tula-tulando rasulu 11:18

Dofetingke peda maitu miinamo dakodiua, tadopudhimo kakalabhiano Lahataꞌala. Ambado, “Ingka gahaꞌa mie suano Yahudi nowaꞌanda dua kadawu Lahataꞌala dametompaꞌao dhosando so dadumadiꞌao suhue dhamani!”

Tula-tulando rasulu 3:19

Dadiꞌanomo dolimoomu ne Lahataꞌala, fetompaanemoomu dhosamiu, neanomo dhosamiu namekanggelaꞌiemo.

Yohanes 14:1

Nopugaumo Yesus ambano, “Koise nosabha handamiu, parasaeaꞌomu ne Lahataꞌala, parasaeamoomu dua ne Idi.

Markus 6:12

Pada anaꞌa koompulu hoduando anaguhuno maitu doehemo. Dokalamo defolele bhihita putae manusia tabeano dametompaꞌao dhosando bhe dadumoli ne Lahataꞌala.

Markus 1:1

Ainimo Bhihita Metaa metula-tulaꞌaono Yesus Kristus, Anano Lahataꞌala.

Matius 4:17

Notandamo ne naꞌa Yesus nofolelemo, “Fetompaaneomu dhosamiu, doliomu ne Lahataꞌala, kapaꞌamo Kafopahintaꞌano Lahataꞌala nomaꞌomo!”

1 Yohanes 4:12

Miinaꞌo bhe mohano Lahataꞌala, tamaka ane dapomoa-moasiꞌao, Lahataꞌala naseꞌise bhe intaodiomu maka kanini kaasino nasumangka weo totono lalontoomu.

1 Petrus 1:21

Noangka ne Kristus hintimiu parasaeaꞌomu ne Lahataꞌala, modadino Kristus maiꞌao ne mate maka nofekakalabhiaꞌe. Dadiꞌanomo kaparasaea bhe posahunaꞌaomiu senaꞌa-naꞌa ne Lahataꞌala.

Yakobus 1:4

Dhaganie mpuu kakosabaha potaamiomu itu neanomo sadhulu kamatangka, sampe nasumangkamo kamie metaamiu, paemo konimokaeꞌomua.

Ibrani 11:6

Ane pae bhe kaparasaea, manusia pae bhe kapoolia namekaꞌia lalono Lahataꞌala. Kapaꞌamo laꞌae maꞌotino Lahataꞌala tabeano noparasaea mpuu nandoo bhe Lahataꞌala, bhe noparasaea dua Lahataꞌala nefontaa-ntaa ponambo so mie umondofie.

Kolose 4:12

Saliwumiu Epafras nepakatuangkoomu dua salam. Anoa ini palima-limano Kristus Yesus, sadhia dua nosambaheaꞌangkoomu sampuu-mpuuno lalono. Nesalo ne Lahataꞌala so naotangkaꞌao kofindamiu weo kaparasaeamiu, membaliomu miendo sarani motangkano dadi tapa poibhahano, mie mangkafino kapoindalono Lahataꞌala.

Kolose 1:28

Kristusmo ini nefebhihitaiꞌao mani ne sabhaha mie. Kosasawindo taefeꞌulaianda bhe tafoinaꞌuanda maiꞌao we totono lalo kotimbangino. Patudhu mani neanomo kosasawindo tamowada ne wiseno Lahataꞌala peda mie motangkano dadi weo totono lalondo, hampano doseꞌise bhe Kristus.

Efesus 2:5

Lahataꞌala nofodadi kaita dopoowa bhe Kristus, mahinggamo domatemoomu hampano dokangkalaꞌi pahintano. Tandaiꞌeomu, hintimiu nofosalamatikoomu Lahataꞌala hampano kataano lalono.

1 Petrus 5:10

Tamaka Lahataꞌala kamaiꞌaoꞌano sabhaha rahamati, Anoamo bhasikoomu so mealaomu dawu weo kakalabhia suhue dhamani bhe Kristus. Dadiꞌanomo namada kumadee-deeꞌomu sebantaha, Lahataꞌala namosangkamo dadimiu, namoehekoomu, namekaꞌosakoomu bhe namekamatangka kofindamiu.

Efesus 2:1

Endefiꞌini hintimiu kao-kaomo momateomu hampano kodhosaomu bhe kangkalaꞌiomu pahintano Lahataꞌala.

1 Korintus 13:10

Tamaka nahumato kaowu fofoliuno kasumangka, pata sumangkaꞌano naosalimo.

Tula-tulando rasulu 17:30

Ampa aitu Lahataꞌala miinamo napolentua bhe dhamanino kakabhohe-bhohendo manusia, sampe nofohatodamo kosasawindo manusia kosedhuniaꞌae ini dametompaꞌaomo podiu modaindo.

Tula-tulando rasulu 2:38

Ambano Petrus, “Fetompaaneomu dhosamiu maka mefekadiuꞌomu seemie-seemie weo neano Yesus Kristus, so natiꞌamponiꞌao dhosamiu. Mada aitu damaꞌangkoomu kawaꞌaono Rohino Lahataꞌala.

Matius 7:25

Pada nofoehee nomaimo use, domawamo oe noangkafie bhe kawea moꞌosa nokitufao lambu aitu. Tamaka lambuno miina naosansaa, mbaꞌinomo nofoehee te wawono dempa.

Matius 5:48

Dadiꞌanomo tabeano nasumangka totono lalomiu, peda Amamiu te surugaa.”

1 Timotius 6:19

Ane nada naꞌa ingka kao-kaomo defoꞌonumo kahangkaea te surugaa so we oleo mbuhumai, bhe daeꞌawa dua dadi sakotuꞌuno suhue dhamani.

Lukas 6:48

Anoa ini nopototo bhe seemie mefoeheno lambu. Mefoeheno lambu naꞌa neseli nofekandalo-ndaloe maka nofongkoha sandino ne kontu dempa. Gahaꞌa nonandoomo luano oe bhe mawa noangkai lambu aitu tamaka miina namoolie nogegohaane hampano katangkano katifoeheꞌano.

Matius 21:29

Anano naꞌa notobhoosi, ‘Uumbe ama’, tamaka miina nakumalaa.

1 Korintus 2:6

Mahinggamo peda naꞌa, ne olotando mie toka motangkano kaparasaea insaodi tapugauꞌao dua wambano kapande. Ampamo kaowu kapande aini suano kapandeno dhunia ini, suano dua kapandedo mintahano kuasa ne dhamani aini, kapaꞌamo kuasando andoa ini naosali.

Kolose 3:14

Te wawono bhahi-bhahiꞌae naꞌa pomoa-moasiꞌaoꞌomu, kapaꞌamo o kanini kaasi kanggetumo kawawe mosangkano kaseꞌisendo umati.