Ibrani 2:17 - Muna Southern Dialect

¹⁷ Kanandooꞌanomo Yesus nofaraluu nopototoane ⸤ Lahataꞌala⸥ bhe bhahitieꞌino ne ae maka dua, kaembaliꞌanomo Imamu Bhalano tiposahunaꞌaono, mobhelano lalo ne mie bhaino bhe meompuno ne Lahataꞌala. Pedamo dua anaꞌa neowa kapometaaꞌando manusia bhe Lahataꞌala mosalinomo dhosando umatino manusia.

Ibrani 2:17 Referans Kwoze

Ibrani 4:14

Kanandooꞌanomo tetewei damintahakieꞌomu mpuu kaparasaea neꞌakuintoomu, kapaꞌamo bhe imamuntoomu, Imamu Bhalano kumalabhiano toka mangkano surugaa ampa te wiseno Lahataꞌala. Anoamo itu ingka Yesus, Anano Lahataꞌala.

Ibrani 2:14

Anaꞌi nepulaoꞌaono maitu saneamo manusia kombadha kasarano, maka Yesus nopototoꞌao wutono bhe andoa, nodadi peda seemie manusia. Kahabuꞌano peda anaꞌa, neanomo noangka ne mateno, Yesus nofobinasamo mintahano kuasano mate, o Kafeompuꞌano seetani.

Ibrani 7:26

Imamu Bhalano pedandomo anaꞌa nefaraluuntoomu: Anoa mie mongkilo, miina nakodhosaa, miina nakodengo-dengoa, nopogaati bhe mie kodhosa, dosangkee te surugaa te wawono wawo.

Roma 5:10

Wakutuuno nandoo dopomodaiꞌomu bhe Lahataꞌala, Anoa nopometaa kaita noangka ne mateno Anano, mangke-mangkemo aitu padamo dopometaaꞌomu, ingka teteweimo namosalamati kaita noangka ne dadino Anano.

Ibrani 2:11

Anoa mefekangkilono manusia maiꞌao ne dhosa bhe manusia nefekangkilo, saneamo doseama. Kanandooꞌanomo Yesus miina naoambanoa nokonada bhahitieno.

Ibrani 3:5

Anabii Musa daanumo notuhu lalono peda seemie palima-lima weo polambuno Lahataꞌala, pugauno bhe kahadhaano nofosusuꞌao so nekobhoasaꞌaono Ompu mada kaowu.

Kolose 1:21

Hintimiu dua endefiꞌini nokodoꞌo bhe Lahataꞌala bhe poewangianeomu hampano fekihi bhe habu modaimiu.

Ibrani 7:28

Tubhono agama Yahudi nesangke mie monale dembali Imamu Bhalano. Tamaka nopalusi tubhono agama amaitu, Lahataꞌala nehabu dhandi bhe nofemata nosangke Anano mbali Imamu Bhalano, nefosangka ampa suhue dhamani.

Efesus 2:16

Mateno Kristus te sau salipu nofoseꞌisemo bansano liwu haa onuno maitu maka nopometaaꞌanda bhe Lahataꞌala. Dadiꞌanomo powengkeꞌando nofosuniemo.

Roma 15:17

Dadiꞌanomo weo kaseꞌiseku bhe Kristus Yesus nowose bhakeku nembali adhalangi takaku ini so Lahataꞌala.

Ibrani 3:2

Anoa notuhu mpuu lalono ne Lahataꞌala toka sumangkee, pedamo dua endefiꞌini anabii Musa notuhu mpuu lalono nodhalangi takano weo polambuno Lahataꞌala.

Ibrani 2:16

Ingka nentaleamo suano malaꞌekati netulumino tamaka manusia sampuꞌano Abraham.

Ibrani 3:1

Dadiꞌanomo bhahitieꞌiku mongkilono toka nebhasino Lahataꞌala so menamisino surugaa! Fekihi kaitaomu nehabuno Yesus, Rasulu bhe Imamu Bhalano neparasaeantoomu.

Ibrani 4:15

Imamuntoomu, o Imamu Bhalano numamisino dua sabhaha kanalentoomu. Anoa nopototo bhe intaodiomu ini, padamo nonamisie sabhaha kasoba, ampamo kaowu miina nakodhosaa.

Ibrani 5:1

Seemie Imamu Bhalano sadhia dopilie maiꞌao ne manusia, maka dosangkee so meompuno ne Lahataꞌala nowakiliꞌao manusia bhaino. O takano nefoampe kawaꞌao bhe kapopanga nesumbele ne Lahataꞌala so katiꞌamponiꞌano dhosa.

Ibrani 5:2

Seemie Imamu Bhalano nembali nomalu-malusi mie tapa konipandeꞌaono bhe kolilinono fekihi, kapaꞌamo wutono nonale dua peda mie bhaindo.

Ibrani 5:5

Pedamo dua Kristus miina namekakalabhia Wutono nembali Imamu Bhalano, tamaka Lahataꞌala kobhoasaono ne Anoa, “Hintumo itu Anaku, akoanaꞌangkomo oleo itu.”

Ibrani 5:10

Anoa nosangkee Lahataꞌala nembali Imamu Bhalano, peda Imamu Melkisedek.

Ibrani 6:20

Yesus nopaꞌindulumo nopesua te naꞌa nofomelengkaꞌao kaangkaꞌa, nembalimo Imamu Bhalano ampa suhue dhamani peda imamu Melkisedek.

Ibrani 8:1

Puuno bhahi-bhahiꞌae nepuga-pugauꞌaontoomu ini: intaodiomu bhe Imamuntoomu Bhalano medano anaꞌa, mengkohano ne suanano kaengkohaꞌano Lahataꞌala fofoliuno kakalabhia te surugaa.

Ibrani 8:3

Seemie-seemie Imamu Bhalano dosangkee so naefoampeꞌao kawaꞌao bhe kapopanga nesumbele ne Lahataꞌala. Pedamo dua aitu Imamuntoomu nofaraluu dua bhe nefoampeno.

Ibrani 9:11

Tamaka Kristus padamo nomai peda seemie Imamu Bhalano meowano sabhaha metaaꞌano toka ndumandoono. Padamo nolempagie Tenda kaeateꞌano Lahataꞌala, noliuꞌe kasangkano bhe kakalabhiano ⸤ bhe tenda we dhunia ini⸥ . Tenda amaitu ingka suano kahabundo manusia, maꞌanano miina natilentu ne dhunia nefokonandoono ini.

Ibrani 10:21

Ampa aitu intaodiomu bhe Imamuntoomu Bhalano mandeꞌaonomo Lambuno Lahataꞌala ⸤ te surugaa⸥ .