Ibrani 13:8 - Muna Southern Dialect

⁸ Yesus Kristus sadaa-daaꞌe nopototo, endewi, oleo itu bhe ampa suhue dhamani.

Ibrani 13:8 Referans Kwoze

Yakobus 1:17

Sabhaha kawaꞌao metaa bhe kadawu sumangka nomaiꞌao te surugaa, nofosampue Amantoomu mokonandoono sabhaha kantalea te lani. Anoamo Lahataꞌala tapa tibhaliino, tapa dua meowano ondula mohohondono mebhali-bhaliino.

Powoha 1:8

“Idi ini Alfa bhe Omega ⸤ maꞌanano kabhao-bhaono bhe kafetompaino⸥ ”, pedamo anaꞌa bhoasaono Ompu Lahataꞌala, ndumandoono, toka ndumandoono bhe so humatono, Fofoliuno Kuasa.

Ibrani 1:12

Alamu bhalano ini lumupie nada bhadhu, nada pakea bhoosiane sigaoꞌano; tamaka hintu pae natibhaliia, dadimu pae bhe kapulia.”

Powoha 1:4

Salam aini nomaiꞌao ne Yohanes so kofitu tombuꞌae umati we kadieno Asia. Sio-siomo sadhia napobhaiangkoomu kabarakati bhe katohopono dadi nomaiꞌao ne Anoa ndumandoono, toka ndumandoono bhe so humatono, bhe nomaiꞌao dua ne kofitu bansaꞌae Rohi ne wiseno kaengkohaꞌano kumalabhiano,

2 Korintus 1:19

Hampano Yesus Kristus, Anano Lahataꞌala, miina sepaliꞌa napoibhahaa uumbe bhe paise, Anoa tanofokoꞌuumbemo. Anoamo ini toka nefebhihitaiꞌaondo Silas, Timotius bhe wutoku ne hintimiu.

Powoha 1:11

Ambano suaha anaꞌa, “Newohamu ini buhie weo kitabi maka pakatuandae ne kofitu tombuꞌae umati ini: umati we Efesus, we Smirna, we Pergamus, we Tiatira, we Sardis, we Filadelfia bhe we Laodikia.”

2 Korintus 1:20

Kapaꞌamo noangka ne Kristus, Lahataꞌala nofokoꞌuumbemo ne sabhaha nedhandiꞌaono. Dadiꞌanomo hampano Kristus intaodiomu sadhia dotobhoosiomu “Amin!” ⸤ maꞌanano nokotuꞌu⸥ , mbali kakalabhiano Lahataꞌala.

Yudas 1:25

Anoamo Kaseemie-mieꞌano, Mosalamati kaitaomu noangka ne Yesus Kristus Ompuntoomu. Somo Anoa sabhaha kakalabhia, kafosibhala, kaꞌosa bhe kuasa notanda wawono, aitu bhe ampa suhue dhamani. Amin.