Ibrani 13:5 - Muna Southern Dialect

⁵ Koise membaliomu bhatuano dhoi, netaamo notumpu lalomiu ne kanandoomiu. Kapaꞌamo Lahataꞌala padamo nokobhoasao, “Paise sepaliꞌa akumatahokoa, paise sepaliꞌa ahumunsakoa.”

Ibrani 13:5 Referans Kwoze

Matius 6:25

“Dadiꞌanomo amohatokoomu, koise nomihi lalomiu ne kadadiꞌamiu, momaaꞌomu ae tawa mohoꞌuomu ae. Koise dua nomihi lalomiu ne mbadhamiu bhahaꞌi mepakeomu ae. Ingka noliuꞌe dadi ini bhe oti, noliuꞌe dua mbadha bhe pakea.

Matius 6:34

Dadiꞌanomo koe nomihiane lalomiu oleo naewine, kapaꞌamo oleo naewine bhe kasabhano dua wutono. Seꞌoleo-seꞌoleo bhe kasabhano wutono, koemo dotubha-tubhahiea.”

Kolose 3:5

Dadiꞌanomo fekamateeꞌomu weo totono lalomiu sabhaha fekihino dhunia: podiu tampahasa bhe pokahaku, o nafusuu bhe kapoindalo modai bhe kakadau-dau, kapaꞌamo o kakadau-dau ini ingka nopototo bhe desombai barahala.

Lukas 3:14

Nandoo dua tantaraꞌi mai meenano ambado, “Kaowu insaodi ini taeafamo?” Ambano Yohanes, “Koise mesaohi buku kodhoino, koise fosangkati so kaowu meala dhoi, netaamo kaowu dadiꞌao gadhimu.”

2 Petrus 2:14

Matando noponoꞌao nafusuu kamonsule bhe miina bhe kangaraa dehabu dhosa. Mie monaleno kaparasaea dowudhuda. Totono lalondo dokane-kaneaꞌane kakadau-dau. Andoa o mie somo nekangkanaino balaano narakaa.

1 Timotius 3:3

Suano dua mie mempohoꞌuno, suano mansoꞌamahano, tamaka momaluno lalo, meowano pometaa, suano meompuno ne dhoi.

Efesus 5:5

Tandaiꞌeomu kotu-kotuꞌu: mie pokawite-witeno, mie pokahaku bhe mie kumadau-dauno pae namantasia daeala dawu weo kafopahintaꞌano Kristus bhe Lahataꞌala. O kakadau-dau ini ingka nopototo bhe desombai barahala.

2 Petrus 2:3

Hampano kakadau-daundo mpahaguru-guruno naꞌa daetula-tulaangkoomu sabhaha paha, patudhuno daealaꞌao laba. Tamaka kahukumundo nomponamo dofontaa-ntaaꞌe, Lahataꞌala miina bhe kaodoa, tetewei namobinasada.

Efesus 5:3

Hintimiu umati mongkilono Lahataꞌala, dadiꞌanomo miina namantasia mepakeomu podiu pokawite-wite bhe pokahaku tawa kakadau-dau. Podiu medando aini mahingga sumambilieꞌomu koise.

1 Korintus 5:11

Tamaka nebuhiku ini apulaoꞌao koise posabhangkaomu bhe mie mabhino wutono bhahitie marasaeano tamaka nopokawite-wite, nokadau-dau, nesombai barahala, nofoꞌumbu, nempohoꞌu bhe nofobhohe-bhoheꞌi. Mahingga momaa pombaliomu bhe mie medando aitu koise.

Lukas 8:14

Mondawuꞌano weo kahoku kokihi maꞌanano mie metingkeno bhoasaono Lahataꞌala tamaka nobhahi dofekihi so kadadiꞌando, so kahangkaeando bhe so kambakano namisindo. Kosasawiꞌae naꞌa nopesua weo totono lalondo maka noꞌontiꞌi bhoasaono Lahataꞌala sampe miina nakohasilia.

Markus 7:22

domonsule, kakadau-dau, isikadhi modai, kabhohe-bhoheꞌi, nafusuu modai, kakoulano lalo, kaꞌumbu ne Lahataꞌala, kalangkeno diu bhe katuꞌano fotu.

Yudas 1:11

Dobalaamo andoa maitu! Andoa doangkafimo kaangkaꞌano Kain ⸤ mongkono aino⸥ . Sumanomo daeꞌawa dhoi, nokolilinomo totono lalondo tadoꞌoho wutondo ne modaiꞌano, tapedamo Bileam. Andoa dabinasa mbaꞌinomo dopoewangi bhe mintahano kuasa tapedamo Korah.

1 Korintus 6:10

kasoꞌo, mie kumadau-dauno, mempohoꞌuno, mie foꞌumbuno, bhe fobhohe-bhoheꞌino saneamo so pata mealano dawu weo Kafopahintaꞌano Lahataꞌala.

Roma 1:29

Totono lalondo noponoꞌaomo sabhaha modaiꞌano, podiu pata metaaꞌano, o kakadau-dau, pokondu-konduaꞌao lalo, nafusuu dafopongko, pogiha-gihaꞌa, kabhohe-bhoheꞌi bhe feꞌili dadumai-dai mie bhaindo.

Matius 6:19

“Koise mefoꞌonuomu kahangkaeano dhunia, kapaꞌamo nadumai-daiꞌe faa bhe hase, pakade dapombuhusiane kasoꞌo.

2 Korintus 4:9

Sadhia dofodee-dee kainsami tamaka Ompu miina nakumataho kainsami tamoisa, dohambita kainsami tamaka miina tabinasaa.