Ibrani 12:1 - Muna Southern Dialect

¹ Intaodiomu ini dofowaliligi sakusii bhahino naꞌa, tapedamo o olu dofokaputi. Dadiꞌanomo ⸤ kanggetu meangkafino pogolo-goloꞌa⸥ hunsa kaitaeꞌomu toha sabhaha fofekabhieno bhe foꞌonto-ontomino bhe dhosa mansopikano. Tende kaitaomu kansuhu, potaami kaitaomu weo pogolo-goloꞌa newisekintoomu ini.

Ibrani 12:1 Referans Kwoze

2 Timotius 4:7

Idi ini ibahatino mie meangkafino pogoloꞌa dotende, apooli metaaꞌemo ampa hatoꞌano, kaparasaeaku ne Kristus sadaa-daa adhagani metaaꞌe.

Filipi 2:16

poowa fintahakiomu bhe fosampeomu bhihita meowano dadi. Ane dadimiu nada naꞌa, ne oleo kahatoꞌano Kristus, naowoseangkoomu bhakeku. Kapaꞌamo anaꞌa katandainomo miina nasumia-siaꞌa apogolo, miina dua nasumia-siaꞌa aowuleangkoomu, ⸤ kahadhaaku nokohasili⸥ .

Lukas 21:34

“Dhagani wutomiu, bhahasaa totono lalomiu notahusuꞌao fekihiꞌano kahame bhe foho-fohoꞌu bhe kafaraluuno dhunia. Kapaꞌamo ane nada anaꞌa Oleono Ompu nakumahatokoomu kabeanga kabhahinta.

Galatia 5:7

Endefiꞌini ingka netaa sepaliꞌa dhuluno kaparasaeamiu. Laꞌae bhahaa wudhukoomua sampe miinamo meangkaomu ne kabanara?

1 Petrus 2:1

Dadiꞌanomo, ohoeꞌoomu toha sabhaha modaiꞌano, koemo kopahaomu, koemo fehaaꞌulaomu, koemo nokondua lalomiu bhe koemo dua foꞌumbuomua.

Roma 12:12

Fowula lalomiu hampano bhe neposahunaꞌaomiu, kosabaha potaamiomu weo kasabha, mpuu-mpuunieꞌomu sambaheamiu!

2 Korintus 7:1

Bhahitieꞌiku timoasiꞌaono! Ampa aitu dotahimaemo sabhaha dhandi anaꞌa. Dadiꞌanomo fekangkilo kaitaomu wutontoomu ne sabhaha mefekahakuno mbadha bhe alusu. Ulei kaitaomu lalontoomu so nasumangkaꞌao kangkilono dadintoomu, hampano doteꞌi ne Lahataꞌala.

2 Timotius 2:4

Seemie tantara tangasano nodhalangi takano, ingka miina natiteeꞌanea kahadhaano sigaoꞌano, kapaꞌamo patudhuno namekaꞌia lalono neangkano.

Yakobus 1:3

Kapaꞌamo pandeꞌaaneomu, ane sadaa-daa kaparasaeamiu weo kasabha naꞌa, ingka losanomo kakosabaha potaamiomu.

Matius 24:13

Tamaka andoa kosabahano dopotaami sampe namalusi, dasumalamati.

Matius 10:22

Hintimiu ini dabansikoomu sabhaha mie mbaꞌinomo neaku. Tamaka so kosabahano napotaami ampa namalusi, damosalamatida.

Ibrani 6:15

Abraham nokosabaha neanta-antagi ampa noꞌawamo nedhandiꞌaono Lahataꞌala naꞌa.

Roma 2:7

Namaꞌao dadi suhue dhamani ne mie kumampuu-mpuuno humabu metaano hampano deꞌondofi dadi tapa binasano, dadi kumalabhia bhe dadi tifosibhala.

Powoha 3:10

Hampano angkafiomu pahintaku so kosabahaꞌaoꞌomu potaamiomu weo kasabha, maka Idi apobenteangkoomu nahumato tempono kasabha so kumangkanaino kosedhuniaꞌae ini. Ne tempo anaꞌa kosasawindo meateno we dhunia ini daꞌumudhida.

1 Petrus 4:2

Dadiꞌanomo katumpono dadimiu we dhunia ini pakeeꞌomu angkafiomu kapoindalono Lahataꞌala, koise angkafiomu kapoindalono manusia.

Lukas 12:15

Ambano toha Yesus ne mie bhahi, “Posiꞌondoomu bhe kodhagaomu ne sabhaha kakadau-dau, kapaꞌamo mahinggamo mie napontalabhi-labhi kahangkaeano, dadino miina naeate ne kahangkaeano naꞌa.”

2 Petrus 1:6

O kapande napotubhahi bhe kafewanakino totono lalo; kafewanakino totono lalo napotubhahi bhe kakosabaha dopotaami weo kasabha; kakosabaha dopotaami weo kasabha napotubhahi bhe dadi lumebe.

Powoha 22:16

Idi Yesus, padamo atudu malaꞌekatiku ne hintimiu namohatoangkoomu kaowili aini so tombu-tombudo umati marasaeano. Idi ini tunasi bhalano omputo Daud, Kowine mentaleano.”

1 Petrus 5:12

Abuhiangkoomu suha aini notulumi kanau Silwanus, anoa ini akonae dua seemie bhahitientoomu kumampuu-mpuuno weo kaparasaea. Suha aini miina naewantaa, patudhuku amekamatangka kaparasaeamiu bhe aefeꞌulaiangkoomu putae nebuhiku ini kotu-kotuꞌu nefosampe rahamati maiꞌao ne Lahataꞌala. Fintahakieꞌomu sepaliꞌa!

Powoha 1:9

Idi, Yohanes o bhahitiemiu; peda hintimiu aenamisi dua kasabha, aeala dua dawu weo Kafopahintaꞌano Lahataꞌala bhe akosabaha dua apotaami aantagi kahatoꞌano Yesus. Idi doꞌoho kanau ne liwutono Patmos, hampano aefolele bhoasaono Lahataꞌala bhe kafohatono Yesus.

Yohanes 3:32

Anoa nosakusiiꞌao newohano bhe nefetingkeno tamaka bhe naseemie miina bhe tumahimano bhihitano nefosampeno.

Powoha 13:10

Mie toka nefotantu natitohongku, tetewei datumohongkue; mie toka nefotantu namateꞌao kampue, tetewei damongkoane kampue. Maraluuꞌano mpuu kakosabaha dopotaami bhe kaparasaeando umati mongkilo.

Lukas 16:28

kapaꞌamo nandoo kakutaꞌaku tadolidima, neanomo namodhagada mpuu keana dopesua bhe andoa weo kakadee-dee aini.’

Yohanes 4:39

Dobhahi miendo Samaria maiꞌaono ne kota aitu doparasaeamo ne Yesus hampano pugauno hobhine amaitu peda ini, “Anoa nofohato kanau sabhaha nehabuku.”

Yohanes 4:44

kapaꞌamo wutono Yesus padamo nopugau, “Seemie anabii miina damosibhalaea we liwuno wutono.”

Galatia 2:2

Kakalaꞌaku we naꞌa hampano notudu kanau Lahataꞌala weo powoha. We naꞌa dohompumo sanea kaowu neangkando umati maka atalesaanda Bhihita Metaa nefoleleku ne bansano liwu suano Yahudi. Nemosabhaꞌaoku bhahasaa nekahadhaaku endefiꞌini bhe nekahadhaaku ampa aitu nasumia-sia.

Efesus 4:25

Kanandooꞌanomo bhahitieꞌiku, koemo kopahaomu, pugauꞌomu kumotuꞌuꞌano ne mie bhaimiu, kapaꞌamo intaodi ini saneamo katokano mbadhano Kristus.

Filipi 1:30

Aitu hintimiu mealaomu dua dawu weo poewangiꞌa pototoꞌano bhe idi. Poewangiꞌa naꞌa ingka wohaeꞌomu adhalangie endefiꞌini sampe taꞌampamo aitu, pedamo nefetingkemiu itu.

1 Petrus 5:1

Nandoo kamesaloku ne kamungkulaꞌi neangkando umati. Kaebuhiꞌaku peda aini, ingka idi ini seemie dua kamungkulaꞌindo umati peda hintimiu, pakade awohaꞌao wuntano mataku kakadee-deeno Kristus. Nahumato tempono natiwoha kakalabhiano Kristus, ingka aeꞌawa dua dawu weo kakalabhiano naꞌa.

Markus 10:50

Tanolembi dhubano, nosieheꞌa, lasao nokala nopoꞌawaꞌao Yesus.