Ibrani 11:8 - Muna Southern Dialect

⁸ Hampano kaparasaeano, Abraham neangka ne pahintano Lahataꞌala wakutuuno nobhasie bhe notudue nakumala we wite nedhandiꞌaono Lahataꞌala somo kahunsaꞌao so siwuluno. Abraham tanokalamo mahingga miina namandeꞌaanea nahumope ne amai.

Ibrani 11:8 Referans Kwoze

1 Petrus 1:22

Hampano meangkaomu kafoinaꞌu banarano, totono lalomiu nomoindamo bhe nohelasimo pomoni-moniniꞌaoꞌomu. Dadiꞌanomo pomoa-moasiꞌaoꞌomu sampuu-mpuuno lalomiu.

Roma 10:16

Tamaka miina kosasawindo miendo Israel dotahima Bhihita Metaa maitu. Anabii Yesaya nokowamba peda ini, “Ompu, nandoo bhahaa marasaeano bhihita neowa mani?”

1 Petrus 4:17

Aitu nohatomo tempono Lahataꞌala nabhitahakimo dhunia, natumanda ne umatino. Dadiꞌanomo ane kabhitahakino natumanda ne intaodiomu marasaeano, nada amai bhahaa losano mie tapa marasaeano ne Bhihita Metaa?

Ibrani 11:33

Hampano kaparasaeando andoa detalo liwu neowando omputo, dedhalangi kaꞌadhili, dotahima nedhandiꞌaono Lahataꞌala, deꞌopi wobhano singa,

Roma 6:17

Tamaka aitu foampe kaitaomu katumpuno lalo ne Lahataꞌala! Kapaꞌamo endefiꞌini hintimiu daanumo membaliomu bhatuano dhosa, tamaka ampa aitu sampuu-mpuu lalomiu angkafimoomu kafoinaꞌu metaa netahimamiu.

1 Petrus 3:1

Pedamo dua hintimiu hobhineꞌi, tuhuomu ne moꞌanemiu, neanomo ane nandoo ne olotando moꞌaneꞌi maitu tapa marasaeano ne bhoasaono Lahataꞌala, podiu metaamiu somo damarasaeaꞌao, mahinggamo pae metula-tulaomu.

Ibrani 5:9

Nosangka kaowu dadino, Yesus nembalimo meowano kasalamati suhue dhamani so kosasawindo mie meangkano ne Anoa.

2 Korintus 10:5

Sabhaha akalando manusia tadai-daiꞌe, kalangkeno diundo manusia potagalino bhe kafoinaꞌuno Lahataꞌala tafohansurue kanggetu taesansa bente melangke. Sabhaha fekihindo manusia takuhumae maka tafotuhue ne wiseno Kristus.

Roma 1:5

Noangkamo dua ne Yesus Kristus, insaodi ini taeꞌawa rahamati taembali rasulu so mowano sabhaha bansano liwu suano Yahudi damarasaea bhe daeangka ne Kristus, somo katifekalabhiaꞌano.

Matius 2:21

Yusuf nowanumo, nowowoꞌo anaꞌi aitu bhe inano maka dosuli we witeno Israel.