Ibrani 11:32 - Muna Southern Dialect

³² O ae toha bhahaa so nesambiliku? Kapaꞌamo pae bhe wakutuua ane atumula-tulaanda ndo Gideon, Barak, Simson, Yefta, Daud, Samuel, bhe ana-anabii.

Ibrani 11:32 Referans Kwoze

Yohanes 21:25

Nandoo nobhahi dua tanda sigaoꞌano nehabuno Yesus, tamaka ane kosasawiꞌae naꞌa dabuhie damala sehondae, namu-namuku dhunia ini pae namuleaꞌea kaꞌosano kabhahino kitabi so nebuhino.

2 Petrus 1:21

Kapaꞌamo miina nandumandooa kaowilino Lahataꞌala nefosampendo ana-anabii nomaiꞌao ne kapoindalondo manusia, tamaka kuasano Rohino Lahataꞌala kumabhintino ana-anabii sampe dokosuahaꞌao kaowilino Lahataꞌala.

Roma 7:7

Kaowu damugauꞌomu nada amai? Bhahaa nokomaꞌana tubhono agama Yahudi maitu nopototo bhe dhosa? Tantumo miina. Ane pae bhe tubhonomo agama Yahudi, ingka pae amandeꞌaane medando ae nekonando dhosa. Miina dua amandeꞌaanea medando ae nekonando kapoindalo modai, ane pae nofohato kanau tubhono agama Yahudi, “Koise mekapoindalo tapa membalino hakumu!”

Roma 4:1

Kaowu ane dasumambili Abraham awuantoomu, damugauꞌao ae?

Roma 3:5

Tamaka ane kaꞌadhilino Lahataꞌala sedhuluꞌa kantaleano hampano habu modaintoomu, kaowu damugauꞌomu nada amai bhahaa? (Pugauku ini aangkafi kaowu fekihindo manusia.) Bhahaa damugau putae Lahataꞌala miina naꞌumadhilia ane namondawu kaita kahukumuno?

Tula-tulando rasulu 13:20

Kosasawiꞌae ini napefato moꞌono lima fulu taꞌu kaomponano. Palusi anaꞌa Lahataꞌala nefoeheandamo pande-pande bhitaha ampa ne dhamanino anabii Samuel.

Tula-tulando rasulu 10:43

Anoamo ini nepulaoꞌaondo kosasawindo anabii putae ane damarasaea ne Anoa natiꞌamponi dhosando hampano kuasano neano.”

Tula-tulando rasulu 3:24

Kosasawindo anabii mosampeno bhoasaono Lahataꞌala, notanda ne anabii Samuel ampa ana-anabii mbuhumaino, dokowambaanemo wawo so kumadhadhiaꞌano dhamani aini.

2 Petrus 3:2

Gaoku meꞌulaiꞌeomu wambano Lahataꞌala nekosuahaꞌaondo wawo ana-anabii mongkilo, bhe meꞌulaiꞌeomu dua sabhaha pahintano Ompu bhe Fosalamatino, nefosampendo rasuluꞌi ne hintimiu.

Yakobus 5:10

Bhahitieꞌiku, angkafiomu sandahano ana-anabii madano kosuahano weo neano Ompu. Andoa dokosabaha mpuu weo kakadee-deendo.

Roma 6:1

Kaowu ane peda anaꞌa damugauꞌomu nada amai bhahaa? Bhahaa daehabumo kansuhu dhosa neanomo rahamatino Lahataꞌala sedhuluꞌa kabhahino?

Lukas 16:31

Ambano toha Abraham, ‘Ane pae dametingke kafoinaꞌuno anabii Musa bhe ana-anabii sigaoꞌano, teteweimo pae dua damarasaeaꞌa mahinggamo nahumatoda seemie manuno maiꞌao ne mate.’ ”

Lukas 13:28

Wakutuu anaꞌa maka mohaomu Abraham, Ishak bhe Yakub bhe kosasawindo anabii weo Kafopahintaꞌano Lahataꞌala, gahaꞌa hintimiu daꞌumohokoomu we simbali, ne naꞌa taꞌo kangkoꞌae bhe kuꞌino wangka.

Matius 5:12

Fowula lalomiu, moꞌiaꞌomu, kapaꞌamo ponambomiu te surugaa nabhahi. Ingka pedamo dua naꞌa defodee-dee ana-anabii dumadino wawo bhe hintimiu.”