Ibrani 10:33 - Muna Southern Dialect

³³ Sigaꞌa dofekandidiki bhe dofekasabhakoomu ne wisendo mie bhahi. Sigaꞌa dua menamisiomu kakadee-dee nenamisindo mie nefodee-dee peda anaꞌa.

Ibrani 10:33 Referans Kwoze

1 Korintus 4:9

Kapaꞌamo fenaiku, insaodi rasulu, Lahataꞌala notei kainsami we kundo-kundo, tapedamo mie so nepongko ne wisendo mie bhahi. Insaodi taembali kapokabhidha-bhidhaꞌando dhunia ini, kasimata-mataꞌandomo sabhaha mie bhe malaꞌekati.

Filipi 4:14

Mahinggamo peda anaꞌa, netaa dua habumiu tulumi kanauꞌomu mealaomu dawu weo kasabhaku.

Filipi 1:7

Daanumo nopantasimo akoponamisi peda aini ne kosasawimiu, kapaꞌamo meateomu weo totono laloku. Hintimiu mealaomu dua dawu ne taka kawaꞌaoku ne Lahataꞌala, naetaa atitohongkumo ini, naetaa nandoo abebasi apotunduꞌao bhe afotipandeꞌao kantoono Bhihita Metaa.

Ibrani 11:36

Nandoo dua doele-eleda, dohambisianda habuta, dokatapuanda hante maka dofopesuada weo katohongku.

1 Tesalonika 2:14

Aitu bhahitie mani, namisiemoomu dua nenamisindo tombu-tombudo umatino Lahataꞌala seꞌiseno bhe Kristus we Yudea. Maꞌanano menamisiomu kakadee-dee maiꞌao ne saliwumiu, pedamo dua umatino Lahataꞌala we Yudea denamisi kakadee-dee nomaiꞌao ne miendo Yahudi saliwundo.

Ibrani 13:13

Dadiꞌanomo mai dokalaomu se Anoa we sembalino kapoliwuꞌa, daeala dawu weo kafekaꞌaebu nenamisino.

Ibrani 11:26

Weo fekihino Musa, kafekaꞌaebu neꞌawano hampano kaparasaeano ne Mesias Omputo Fosalamatino, noliuꞌe kakoharagaano bhe kosasawiꞌae arataano witeno Mesir, hampano nofeki-fekihi ponambo te oleo mbuhumai.

2 Timotius 1:8

Dadiꞌanomo koise moambano membali sakusiino Ompuntoomu, koe dua moambanoꞌao idi titohongkuno mbaꞌinomo Anoa Ompuntoomu. Tamaka bhe kapoolino Lahataꞌala, angkafi kanau kadee-deeꞌao Bhihita Metaa.

2 Korintus 12:10

Kanandooꞌanomo aoꞌiaꞌanemo dua kanaleku ini. Aoꞌiamo dua ane mbaꞌinomo afeompu ne Kristus doꞌumbu kanau, aeꞌawa sabhaha kasabha bhe kaseke bhe dofodee-dee kanau. Kapaꞌamo weo kanaleku ini, kaoꞌosaꞌakumo dua.

Ibrani 12:4

Kapaꞌamo weo poewangiꞌamiu bhe dhosa, ingka miinaꞌo namotuhua heamiua.