Ibrani 10:24 - Muna Southern Dialect

²⁴ Fodo-fodoli kaitaomu fekihi so dapofeka-fekatangka lalo, neanomo sedhuluꞌa dua kabhalano kanini kaasi bhe habu metaantoomu.

Ibrani 10:24 Referans Kwoze

1 Tesalonika 5:11

Dadiꞌanomo, tabeano potanga-tangahiomu, pofeka-fekatangkaomu lalo, pedamo habumiu ampa aini.

1 Yohanes 3:18

Anaꞌiku! Koise dofomoasiꞌao ne pugaunto tawa ne wiwinto kaowu, tamaka tabeano kotu-kotuꞌu nakoꞌula ne habunto.

Ibrani 13:1

Naetaa sadhia pomoni-moniniꞌaoꞌomu peda mie pobhahi-bhahitieno!

Galatia 5:13

Bhahitieꞌiku, daanumo nobhasikoomu Lahataꞌala so bebasiꞌaoꞌomu, ampamo kaowu kabebasi aitu koise pakeeꞌomu so tingkuno mangkafiomu sabhaha kapoindalono wuto, tamaka poꞌondo-ondofaoꞌomu pomoni-moniniꞌaoꞌomu.

Kolose 3:16

Naetaa bhoasaono Kristus bhe sabhaha kabarakatino nakumabhinti totono lalomiu, neanomo naembali pofoi-foinaꞌu bhe potanga-tangahiomu maiꞌao ne totono lalo kotimbangi. Pudhiomu Lahataꞌala, mepakeomu lagu mazmur ne Kitabino Daud, lagu-laguno kapudhi bhe lagu-lagu lumebeno. Melaguomu bhe mefoampeomu katumpuno lalo ne Lahataꞌala.

Titus 3:8

Wamba aini nokotuꞌu. Gaoku mpuu fohatoandae kosasawiꞌae ini bhe fekagilie katangahimu, neanomo kosasawindo marasaeano ne Lahataꞌala kotu-kotuꞌu daꞌumulei lalondo dahumabu metaaꞌano. Kapaꞌamo aitumo metaaꞌano bhe kofahalaaꞌano mbali manusia.

1 Timotius 6:18

Mesaloida dahumabu metaa, dahumangkaea weo podiu metaa, nahumelasi lalondo dafowaꞌao bhe dafotulumi.

Ibrani 13:3

Feꞌulaidaomu mie weo katohongku kao-kaomo hintimiu itu titohongkuomu dua bhe andoa. Feꞌulaidaomu mie nefompina-mpina kao-kaomo hintimiu dohabukoomu dua peda anaꞌa.

Galatia 6:1

Bhahitieꞌiku, ane nandoo mie nehatofimiu nehabu dhosa, hintimiu dumadino mangkafino Rohino Lahataꞌala tabeano tumondaeꞌomu so nasumuliꞌao ne metaaꞌano. Tamaka tabeano malu-malusieꞌomu bhe dhagani wutomiu bhahasaa tiwudhuomu dua bhe hintimiu.

1 Korintus 10:33

Dadiomu peda idi ini. O ae maka nehabuku sadhia aꞌuleiꞌe laloku afekaꞌia lalondo sabhaha mie, miina aeꞌondofi so kaetaaꞌano wutoku, tamaka so kaetaaꞌando mie bhahi, neanomo dasumalamati.

Galatia 5:6

Kapaꞌamo doseꞌisemoomu bhe Kristus Yesus, desuna bhahaꞌi miina daesuna miinamo nakomaꞌanaa. Maraluuꞌano mpahinomo doparasaea ne Kristus bhe dofotiwohae weo kanini kaasinto ne mie bhainto.

2 Korintus 8:8

Apugau peda aini suano kanggetu pahinta, tamaka afotiwohaangkoomu kaowu kakampuu-mpuundo bhahitie sigaoꞌano dofotulumi, neanomo amandeꞌaanemo dua kahelasino kanini kaasimiu.

Tula-tulando rasulu 11:29

Dadiꞌanomo mie mangkafino Yesus dobhotusiemo daetawunao dhoi ampa so nepoo-poolindo seemie-seemiea maka damakatuandae bhahitie marasaeano we Yudea.

2 Tesalonika 3:9

Tahabu peda amaitu, suano mbaꞌinomo miina takohakua takonisalo, tamaka tapoindalo taehabuangkoomu sandaha so neangkafimiu.

Galatia 5:22

Tamaka ane mie dodadi nokuasaida Rohino Lahataꞌala, hasilino ingka dopomoa-moasiꞌao, nowula lalondo, notohopo lalondo, dokosabaha, nomalu lalondo, netaa lalondo, notai lalondo,

2 Korintus 9:2

Apandeꞌaanemo kahelasino fotulumiomu, ingka padamo dua afowoseangkoomu bhakeku ne miendo Makedonia. Ambaku peda aini, “Umati we kadieno Akaya ⸤ we kotano Korintus⸥ domantaa-ntaamo dafowaꞌao mpini ne taꞌu itu.” Dofetingke kakaꞌende-endeno lalomiu itu dobhahi dua tisangkeno totono lalo.

Roma 12:15

Fowula lalomiu bhe mie mowulano lalo, moꞌaeꞌomu bhe mie moꞌaeno.

Titus 2:4

neanomo damoinaꞌu dua hobhineꞌi kahangku dadi daoasiꞌao moꞌanendo bhe anaꞌindo,

1 Korintus 9:22

Bhe mie monaleno kaparasaea, adadi dua peda mie monaleno kaparasaea, neanomo amoolida amowada ne Kristus. Tangkanomo, bhe sabhaha mie aangkafi sabhaha kodadindo, bhahaꞌi kaowu nada amai maka dua dhalano seemie hodua amoolida amowada ne Kristus.

1 Tesalonika 1:3

Kapaꞌamo miina bhe katiehea, tafeꞌulai kahadhaa maiꞌaono ne kaparasaeamiu, kawulemiu fotiwohaomu kanini kaasimiu bhe tafeꞌulai dua sabahamiu potaamiomu weo posahunaꞌaomiu ne Ompuntoomu Yesus Kristus.

Roma 11:4

Peda ae bhahaa katobhoosino Lahataꞌala ne anabii Elia? Ingka bhoasaono Lahataꞌala, “Nandoo aehunsa so wutoku dofitu hewu kabhahindo, tapaꞌo sepaliꞌa sumombaino dewa Baal.”

Ibrani 3:13

Tamaka naetaa seꞌo-seꞌoleo pofeka-fekatangkaomu lalo tinangke dadiomu ne dhamani nekonando “Oleo Itu” weo Kitabi, keana bhe mekatuꞌa pongkeno ne olotamiu itu sampe nabhohe-bhoheꞌie dhosa.