Ibrani 1:9 - Muna Southern Dialect

⁹ Moasiane kabanara, bansie podiu modai. Kanandooꞌanomo o Idi, Lahataꞌalamu, aminakikomo mbali tandano apiliko, awaꞌangko kawulano lalo maka liudamo sabhangkaꞌimu.”

Ibrani 1:9 Referans Kwoze

Galatia 5:22

Tamaka ane mie dodadi nokuasaida Rohino Lahataꞌala, hasilino ingka dopomoa-moasiꞌao, nowula lalondo, notohopo lalondo, dokosabaha, nomalu lalondo, netaa lalondo, notai lalondo,

Roma 15:13

Sio-siomo Lahataꞌala kaengkohaꞌano posahunaꞌaomiu, nakumabhintiangkoomu kawulano lalo bhe katohopono dadi hampano kaparasaeamiu, neanomo weo kuasano Rohino Lahataꞌala nasedhuluꞌa dua kabhalano posahunaꞌaomiu.

Lukas 4:18

“Rohino Ompu nokabhinti kanau, mbaꞌinomo padamo nosangke kanau so amosampeꞌao Bhihita Metaa ne mie ngkumaasi-asino. Anoa notudu kanaumo aefolele bhihita putae mie netohongku damobebasida, o kabunto sumuli dafowoha. Notudu kanau dua amobebasi mie nefompina-mpina,

1 Yohanes 1:3

Madano newoha bhe nefetingke mani maitu, aituꞌaemo dua nefosampe mani ne hintimiu. Patudhu mani neanomo hintimiu seꞌiseomu bhe insaodi. Kaseꞌisentoomu naꞌa o dadi dua weo kaseꞌise bhe Lahataꞌala bhe Yesus Kristus, Anano.

1 Petrus 1:3

Pudhi kaitaomu Lahataꞌala Amano Yesus Kristus Ompuntoomu, kapaꞌamo nofowaꞌaomo dadi buꞌou hampano kabhalano rahamatino. Anoa padamo nofowanu Yesus Kristus maiꞌao ne mate, kaeꞌawaꞌantomoomu dadi buꞌou bhe posahunaꞌao motangka so oleo mbuhumai.

Ibrani 7:26

Imamu Bhalano pedandomo anaꞌa nefaraluuntoomu: Anoa mie mongkilo, miina nakodhosaa, miina nakodengo-dengoa, nopogaati bhe mie kodhosa, dosangkee te surugaa te wawono wawo.

Filipi 2:9

Kanandooꞌanomo Lahataꞌala nosangkee te wawono wawo, maka nowaꞌane nea te wawono sabhaha nea.

Efesus 1:3

Pudhi kaitaomu Lahataꞌala, Amano Ompuntoomu Yesus Kristus, kapaꞌamo weo kaseꞌisentoomu bhe Kristus nowaꞌa kaita sabhaha kabarakati maiꞌao te surugaa.

1 Korintus 1:9

Lahataꞌala nokampuu-mpuu ne dhandino. Ingka Anoamo bhasikoomu seꞌiseomu bhe Anano, Yesus Kristus Ompuntoomu.

Yohanes 20:17

Ambano dua Yesus, “Koise dampasi kanaua, kapaꞌamo miinaꞌo akumala te Amaku. Aitu sulimo se bhahitieꞌiku, fohatoda Idi akumalamo te Amaku bhe Amamiu dua, Lahataꞌalaku bhe Lahataꞌalamiu dua.”

Yohanes 1:41

Andreas ini lasao noꞌondofi Simon kakutaꞌano bhe nofohatoe ambano, “Insaodi padamo tapoꞌawa bhe Mesias.” (Mesias nopototo bhe Kristus, maꞌanano Omputo Fosalamatino).

Powoha 2:15

Pedamo dua aitu ne olotamiu nandoo mintahano ne kafoinaꞌuno Nikolaus.

2 Korintus 11:31

Lahataꞌala, Amano Ompu Yesus, nopandeꞌaane miina akopahaa. Natipudhi neano ampa suhue dhamani.

Roma 12:9

Kamoasiꞌaomiu ne mie bhaimiu tabeano nahelasi. Fekakodoꞌo wutomiu ne modaiꞌano, fintaha ne metaaꞌano.

Tula-tulando rasulu 10:38

Pandeꞌaanemoomu dua Lahataꞌala nopili Yesus miendo Nasaret maitu maka nowaꞌane Rohino bhe kuasa. Anoa nolili nehabu metaaꞌano, nefekaꞌosa sabhaha mie nekuasaino Kafeompuꞌando seetani, mbaꞌinomo Lahataꞌala nopobhaiane.

Tula-tulando rasulu 4:27

Nopokantibhamo bhe anaꞌa Herodes bhe Pontius Pilatus, mie maiꞌaono ne sabhaha bansano liwu bhe miendo Israel dohompumo ne kota ini dopugau-gau doewangi Yesus palima-limamu mongkilono, nesangkemu mbali Omputo Fosalamatino.

Yohanes 3:34

Kapaꞌamo katuduno Lahataꞌala maitu nofosampe bhoasaono Lahataꞌala, hampano Lahataꞌala nowaꞌane Rohino miina naegana-ganaa.

Ibrani 2:11

Anoa mefekangkilono manusia maiꞌao ne dhosa bhe manusia nefekangkilo, saneamo doseama. Kanandooꞌanomo Yesus miina naoambanoa nokonada bhahitieno.

Yohanes 10:17

Amaku noasi kanau, mbaꞌinomo afowaꞌao inawaku, neanomo sumuli aꞌumawae.

Tula-tulando rasulu 4:26

Kolakindo dhunia dokanumo dapopahisa, kafeompuꞌando dopokanagau damewangi Ompu bhe Katuduno Fosalamatino.’

Ibrani 2:9

Ampamo kaowu dowohamoomu Yesus. Sekabantaha nofosampue Lahataꞌala seendai we pandado malaꞌekati, neanomo hampano rahamatino Lahataꞌala nenamisimo mate so kosasawindo manusia. Ampa itu dowaꞌane kaengkohaꞌa kumalabhiano bhe tifosibhala peda omputo, hampano padamo nokadee-dee sampe mate.