Ibrani 1:2 - Muna Southern Dialect

² Ne pandano dhamani ini Lahataꞌala nokobhoasao ne intaodiomu noangkamo ne Anano. Anoamo toka nefotantuno mbali kohakuꞌaono bhahi-bhahiꞌae ndumandooꞌano. Noangkamo dua ne Anano ini, Lahataꞌala nofokonandoo alamu bhalano.

Ibrani 1:2 Referans Kwoze

1 Korintus 8:6

tamaka so intaodiomu ampamo Lahataꞌala Kaseemie-mieꞌano, Amantoomu. Anoamo mokonandoono bhahi-bhahiꞌae, dadintoomu somo dua Anoa. So intaodiomu Ompu seemie-mieno dua, Yesus Kristus. Noangka ne Anoa bhahi-bhahiꞌae dofokonandooꞌe, hampanomo dua Anoa kadadiꞌantomoomu.

Yohanes 1:3

Sabhaha ndumandoono nofokonandooꞌe Lahataꞌala noangka ne Anoa. O ae maka dua nefokonandoo, kanandooꞌano noangka ne Anoa.

Yohanes 1:14

Bhoasao amaitu nembalimo manusia neate bhe intaodiomu; dowohaemoomu kakalabhiano, dadino noponoꞌao kanini kaasi bhe kabanara. Kakalabhia naꞌa notahimae peda seemie Ana Kaenseemieno Lahataꞌala.

1 Petrus 1:20

Kristus tokamo nopilie Lahataꞌala mpini miinaꞌo bhe dhunia, tamaka kaneꞌo notiumba ne pandano dhamani aini, so kasalamatiꞌamiu.

Matius 28:18

Yesus nomaꞌotidamo bhe nopugau ambano, “Sabhaha kuasa te surugaa bhe we dhunia ini nowaꞌa kanaꞌe Amaku.

Yohanes 13:3

Yesus nopandeꞌaane Amano padamo nowaꞌane bhahi-bhahiꞌae kapooli. Nopandeꞌaane dua Anoa nomaiꞌao ne Lahataꞌala maka nasumuli dua ne Lahataꞌala.

Matius 17:5

Tangasano Petrus nopugau, tanosikaolumidamo olu nentalea sepaliꞌa. Nomaiꞌao weo olu naꞌa notifetingkemo suaha ambano, “Ainimo Anaku timoasiꞌaono, neposahasiꞌaono laloku, fetingkeeꞌomu pugauno.”

Ibrani 11:3

Hampano kaparasaea dopandeꞌaaneomu putae alamu bhalano ini nofokonandooꞌe bhoasaono Lahataꞌala; dadiꞌanomo newohantoomu aitu nonandoo maiꞌao ne pata tiwohaꞌano.

Roma 8:17

Ane intaodiomu dembalimo anaꞌino Lahataꞌala, nokomaꞌana dokohakumo dua daꞌumawa sabhaha kabarakati nefontaa-ntaano Lahataꞌala so anaꞌino. Kabarakati nefontaa-ntaa naꞌa datumahimaeꞌomu dapoowa-owa bhe Kristus. Kapaꞌamo ane dokadee-deeꞌomu poowa bhe Kristus, teteweimo dua dafofekalabhia poowa bhe Kristus.

Yohanes 3:16

Hampano kabhalano kanini kaasino Lahataꞌala ne dhunia ini, sampe nofowaꞌaomo Anano Kaenseemie, neanomo sasuka marasaeano ne Anoa pae nabinasaa, tamaka naeꞌawa dadi suhue dhamani.

Matius 26:63

Tamaka Yesus miina nakodiua. Nopugaumo dua Imamu Bhalano ne Yesus ambano, “Aitu bhe Lahataꞌala foꞌondo-ondono, fohato kainsami, hintumo ini Omputo Fosalamatino Anano Lahataꞌala bhahaꞌi suano!”

Matius 21:38

Tamaka gahaꞌa sadowoha anano kafeompuꞌando, kumahadhaano maitu dopugaumo sapada-pada andoa, ambado, ‘Ananomo ini so kohakuꞌaono kahunsaꞌaono. Dopongkoeꞌanaomu, neanomo kahunsaꞌaono somo intaodiomu.’

Ibrani 5:8

Mahinggamo Anoa Anano Lahataꞌala, nopoguhu nembali mie meangka weo kakadee-dee nenamisino.

Efesus 1:10

Patudhuno anaꞌa peda aini: bhahi-bhahiꞌae ndumandoono te surugaa bhe we dhunia namoseꞌiseda bhe Kristus somo neangkando. Aini tetewei namekakoꞌulae Lahataꞌala, nahumato kaowu tempono.

Ibrani 7:3

Mulaoꞌano Melkisedek ini, miina bhe tibuhiꞌano laꞌae inano bhe amano tawa siwuluno, miina natipandeꞌao dua kalenteꞌano tawa kamateꞌano. Dadiꞌanomo tapedamo dua Anano Lahataꞌala, anoa nembalimo imamu ampa suhue dhamani.

Ibrani 2:3

⸤ Ane pedamo anaꞌa endefiꞌini, bhemo toha haꞌoleo ini.⸥ Nada amai dalumapa ne kahukumu gahaꞌa ane pae dapokihaꞌiao kasalamati bhalano maitu? Kapaꞌamo kasalamati amaitu kabhao-bhaono nofolelee wutono Ompu, maka mie metingkee padamo dosakusiiane kakotuꞌuno ne intaodiomu.

Ibrani 1:5

Kapaꞌamo Lahataꞌala miina sepaliꞌa nakobhoasao bhe nasepaku ne seemie malaꞌekati, “Hintumo itu Anaku, akoanaꞌangkomo oleo itu.” Miina dua nakobhoasao ne malaꞌekati sigaoꞌano, “Idi aembali so amano, anoa naembali so anaku.”

Efesus 3:9

Nowaꞌa kanau dua taka amekantaleaꞌie ne kosasawindo manusia nada amai so nakoꞌulaꞌao patudhuno Lahataꞌala maitu. Patudhuno Lahataꞌala mokonandoono bhahi-bhahiꞌae ini, notifebuni mpini dhamani wawono.

Galatia 4:4

Tamaka nokapo kaowu tempo nefotantuno, Lahataꞌala notudumo Anano nomai we dhunia ini. Anano Lahataꞌala ini nofolentee seemie hobhine, nodadi noangkafi tubhono agama Yahudi.

Tula-tulando rasulu 10:36

Ingka pandeꞌaanemoomu bhihita nefosampeno Lahataꞌala ne miendo Israel. Bhihita metaa naꞌa nofofohatoꞌao pometaaꞌano manusia bhe Lahataꞌala neowano Yesus Kristus, Ompundo kosasawindo manusia.

Yohanes 15:15

Miinamo akumonakoomu bhatua, kapaꞌamo seemie bhatua miina namandeꞌaane nehabuno kafeompuꞌano. Tamaka akonakoomu sabhangka, hampano padamo afohatoangkoeꞌomu sabhaha nefetingkeku ne Amaku.

Yudas 1:18

Ingka tokamo dofohatokoomu wawo ambado, “Namaꞌo pandano dhamani datiumba sabhaha mie so meele-elekoomu, andoa ini tadadumadimo damangkafi kapoindalondo daehabu dhosa.”

Roma 1:4

Tamaka Rohino Lahataꞌala nofotiwohae putae Anoa Anano Lahataꞌala, nokokuasa hampano nowanu maiꞌao ne mate.

Tula-tulando rasulu 2:17

⸤ Peda aini bhoasaono Lahataꞌala,⸥ ‘Nahumato pandano dhamani amosampu Rohiku ne kosasawindo manusia; anaꞌimiu namoꞌane nahobhine damandemo dakosuaha nada anabii, ana moꞌanemiu amaꞌanda powoha, kamungkulaꞌimiu amaꞌanda monifi.

Yohanes 17:2

Kapaꞌamo ingka Anamu padamo waꞌane kuasa ne kosasawindo manusia, neanomo Anamu namaꞌanda dadi suhue dhamani ne kosasawindo manusia toka newaꞌaomu ne Anoa.

Yohanes 16:15

Kosasawiꞌae ndumandooꞌano ne Amaku nandoo dua ne Idi, kapugauꞌakumo putae Rohi maitu namebhihitaiꞌangkoomu sabhaha netahimano ne Idi.”

Markus 12:6

Pada aitu tamo seemie ndumandoono, anano kamoasiꞌaono sepaliꞌa. Panda-pandano notudumo anano maitu, weo fekihino, ‘Anaku ini tetewei daengatie.’

Markus 1:1

Ainimo Bhihita Metaa metula-tulaꞌaono Yesus Kristus, Anano Lahataꞌala.

2 Petrus 3:3

Foliuno kafaraluu so nepandeꞌaomiu: namaꞌo pandano dhamani dahumato mie foele-eleno damele-elekoomu. Andoa dodadi doangkafi kaowu kapoindalono mbadhando.

Ibrani 1:8

Tamaka ne Anano maitu, Lahataꞌala nokobhoasao ambano, “Hintu Lahataꞌala, kafopahintaꞌamu nadumaa-daaꞌe suhue dhamani, noꞌadhili mpuu kuasamu.

Ibrani 9:26

Kapaꞌamo ane ibahano namendua, nokomaꞌana tabeano namekantuhu-ntuhu nakadee-dee mpini pakatifokonandoono dhunia. Tamaka miina nada naꞌa: ne pandano dhamani ini Kristus nohato ne dhunia ini sepaku kaowu noowa Wutono mbali kapopanga nesumbele so katitolosiꞌano dhosa.

Yohanes 3:25

Gahaꞌa anaguhuꞌino Yohanes dopotagalimo bhe seemie Yahudi; dopotagaliꞌao atorano defewaniu weo tubhono agamando.

Matius 3:17

Tanotifetingkemo dua suaha nomaiꞌao te lani ambano, “Ainimo Anaku timoasiꞌaono, neposahasiꞌaono laloku.”

Matius 13:39

Kaewa meꞌewino dana, maꞌanano Kafeompuꞌando seetani. Tempono metobheꞌa nokomaꞌanaꞌao kafetompaino dhamani bhe tumobheno naꞌa o malaꞌekati.

Markus 12:7

Tamaka dowoha anano maitu, mie kumahadhaano dopugau-gaumo ambado, ‘Ainiꞌaemo so kohakuꞌaono kaampono amano. Dopongkoeꞌanaomu! Hakuno somo intaodiomu.’

Yohanes 1:10

Bhoasao amaitu nonandoomo we dhunia; dhunia nofokonandooꞌe Lahataꞌala noangka ne Anoa, tamaka dhunia miina namandeꞌaanea.

Yohanes 5:26

Amano kamaiꞌaoꞌanomo dadi; pedamo dua aitu Anano nowaꞌane kuasa nembali kamaiꞌaoꞌano dadi.

Yohanes 5:27

Pedamo dua anaꞌa padamo nowaꞌane kuasa so nafobhotusiꞌao, hampano Anoa Anano Manusia.

Yohanes 9:29

Tapandeꞌaane, Lahataꞌala padamo nokobhoasao ne anabii Musa, tamaka mie anaꞌa, miina tamandeꞌaanea bhahaꞌi nomaiꞌao ne amai.”

1 Korintus 2:7

Wambano kapande nepulaoꞌao mani ini nomaiꞌao ne Lahataꞌala, rahasia aini notifebuni sampe miinaꞌo damandeꞌaane mieno dhunia. Tamaka mpini miinaꞌo bhe dhunia Lahataꞌala tokamo nofontaa-ntaaꞌe mbali intaodiomu, so daealaꞌao dawu ne kakalabhiano Lahataꞌala.

Ibrani 3:6

Tamaka Kristus notuhu lalono peda Anano Lahataꞌala mandeꞌaono polambuno Amano. Polambuno Lahataꞌala ingka intaodiomu ini, sumanomo sadaa-daa pae dakamihi-mihia bhe damintahaki mpuu kaposahunaꞌao bhe so neꞌawantoomu, kaowoseꞌanomo bhakentoomu.

Ibrani 4:14

Kanandooꞌanomo tetewei damintahakieꞌomu mpuu kaparasaea neꞌakuintoomu, kapaꞌamo bhe imamuntoomu, Imamu Bhalano kumalabhiano toka mangkano surugaa ampa te wiseno Lahataꞌala. Anoamo itu ingka Yesus, Anano Lahataꞌala.

Ibrani 7:28

Tubhono agama Yahudi nesangke mie monale dembali Imamu Bhalano. Tamaka nopalusi tubhono agama amaitu, Lahataꞌala nehabu dhandi bhe nofemata nosangke Anano mbali Imamu Bhalano, nefosangka ampa suhue dhamani.

Yohanes 13:32

Ane kakalabhiano Lahataꞌala natiwoha ne Anano Manusia, maka Lahataꞌala namotiwoha dua kakalabhiano Anano ne Wutono, maka kakalabhia aini napikitiwohamo.