Ibrani 1:1 - Muna Southern Dialect

¹ Ne dhamani wawono Lahataꞌala nofendu-fenduaꞌe nokobhoasao ne awuaꞌintoomu noangka ne ana-anabii nepake sabhaha dhala.

Ibrani 1:1 Referans Kwoze

Lukas 24:27

Pada peda maitu notalesaandamo tibuhino weo sabhaha Kitabi mulaoꞌaono Wutono, notanda ne Kitabino Musa ampa ne Kitabindo ana-anabii sigaoꞌano.

Tula-tulando rasulu 2:30

Lahataꞌala padamo nodhandie bhe nofemata putae namaiꞌao ne sampuꞌano nandumandoo naseemie so nesangkeno Lahataꞌala naembali Omputo. Daud ini nopandeꞌaane dhandino Lahataꞌala naꞌa. Anoa seemie dua anabii,

Lukas 1:55

Ompu miina naolimpuꞌao podhandino; nofotiwoha kabhelano lalo ne Abraham bhe sampuꞌano ampa suhue dhamani.”

Tula-tulando rasulu 13:32

Dadiꞌanomo insaodi ini tafoleleangkoomu Bhihita Metaa; maꞌanano dhandino Lahataꞌala ne awuaꞌintoomu,

Ibrani 2:2

O bhoasao nefosampendo malaꞌekati ⸤ ne awuaꞌintoomu⸥ nandoo nokotuꞌu sampe mie kumangkalaꞌie bhe tapa meangkano deꞌawamo kahukumu mantasiꞌano.

Lukas 1:72

Pedamo anaꞌa namotiwoha kabhelano lalono ne awuaꞌintoomu bhe namekakoꞌula podhandino mongkilono.

Tula-tulando rasulu 28:23

Pada anaꞌa detempomo so dapoꞌawa-awaꞌao. Nohato tempono dobhahi sepaliꞌa maino we kabutuꞌano. Paulus nofohatoanda bhe notalesaandamo peda amai Kafopahintaꞌano Lahataꞌala notanda ne Kitabino Musa bhe Kitabindo ana-anabii. Anoa noꞌule-uleiꞌe lalono so damarasaeaꞌao ne Yesus, notanda hangkowine ampa nohondo oleo.

Yohanes 9:29

Tapandeꞌaane, Lahataꞌala padamo nokobhoasao ne anabii Musa, tamaka mie anaꞌa, miina tamandeꞌaanea bhahaꞌi nomaiꞌao ne amai.”

Yohanes 7:22

Anabii Musa nowaꞌangkoomu tutuhano kasuna (gahaꞌaitu tutuhano kasuna maitu sakotuꞌuꞌano miina namaiꞌao ne anabii Musa tamaka nomaiꞌao ne awuaꞌintoomu), dadiꞌanomo hintimiu fosunaomu mahingga ne oleono Sabat.

Lukas 24:44

Ambano dua, “Pedamo ini patudhuno pugauku wakutuuno apobhaiangkoomu endefiꞌini. Ingka afohatokoomu kosasawiꞌae tibuhino weo Kitabino Musa, Kitabindo ana-anabii bhe Kitabino Laguno Daud tetewei nakoꞌula.”

Yohanes 16:13

Tamaka nahumato kaowu Rohino Lahataꞌala meowano kabanara, Anoamo so matokoomu mandeꞌaoꞌomu sabhaha kabanara. Anoa paise napugau namaiꞌao ne Wutono, tamaka o ae maka dua nefetingkeno namohatoangkoeꞌomu. Namebhihitaiꞌangkoomu dua so kumadhadhiaꞌano mada kaowu.

Tula-tulando rasulu 3:21

Anoa maitu tetewei naeate te surugaa ampa oleono so katipahabuꞌouniꞌano bhahi-bhahiꞌae, peda nekobhoasaꞌaono Lahataꞌala nefosampendo ana-anabii mongkilono ne dhamani wawono.

Ibrani 2:3

⸤ Ane pedamo anaꞌa endefiꞌini, bhemo toha haꞌoleo ini.⸥ Nada amai dalumapa ne kahukumu gahaꞌa ane pae dapokihaꞌiao kasalamati bhalano maitu? Kapaꞌamo kasalamati amaitu kabhao-bhaono nofolelee wutono Ompu, maka mie metingkee padamo dosakusiiane kakotuꞌuno ne intaodiomu.

Ibrani 3:5

Anabii Musa daanumo notuhu lalono peda seemie palima-lima weo polambuno Lahataꞌala, pugauno bhe kahadhaano nofosusuꞌao so nekobhoasaꞌaono Ompu mada kaowu.

Ibrani 4:8

Ane ibahano Yosua kotu-kotuꞌu namaꞌanda kafewuleꞌa nedhandiꞌaono Lahataꞌala naꞌa, ingka tantumo mada anaꞌa Lahataꞌala paemo naesambi-sambilia oleo sigaoꞌano.

Ibrani 5:5

Pedamo dua Kristus miina namekakalabhia Wutono nembali Imamu Bhalano, tamaka Lahataꞌala kobhoasaono ne Anoa, “Hintumo itu Anaku, akoanaꞌangkomo oleo itu.”

Ibrani 9:19

Kabhao-bhaono anabii Musa nofosampemo sabhaha pahintano Lahataꞌala tibuhino weo Kitabi ne kosasawindo miendo Israel. Pada aitu nealamo heano anano sapi bhe heano membe moꞌane, noposaloane bhe oe maka nokambesie ne Kitabino Pahintano Lahataꞌala bhe ne kosasawindo miendo Israel. Kakambesino nepakeane hoono kahoku nekonando hisop bhe wuluno dhumba kadea lalo moꞌito.

Ibrani 11:2

Hampano kaparasaeando, mie dhamani wawono nosambili metaada ⸤ Lahataꞌala⸥ .

Ibrani 11:18

Lahataꞌala padamo nokobhoasao ne Abraham, “Sampuꞌanomo Ishak ini so nekonando sampuꞌamu.”

Ibrani 12:25

Dadiꞌanomo posiꞌondoomu, koe sampe mokiido metingkeomu kobhoasaono itu. Ane mie tapa metingkeno meowano bhihitano Lahataꞌala ne dhunia, miina damooli dalumapaa ne kahukumu, bhemo toha intaodiomu metingkeno kobhoasaono maiꞌaono te surugaa. Ane dokiido dametingkeeꞌomu, ingka tetewei paise dalumapaomu ne kahukumu.