Galatia 6:16 - Muna Southern Dialect

¹⁶ Sio-siomo Lahataꞌala namosampu katohopono dadi bhe rahamatino ne kosasawindo mangkafino tubho aini bhe umatino Israel fehebuaꞌano Lahataꞌala.

Galatia 6:16 Referans Kwoze

Galatia 3:29

Ane hintimiu membalimoomu fehebuaꞌano Kristus, maka membalimoomu dua sampuꞌano Abraham, dadiꞌanomo kohakumoomu dua tumahimaomu dhandino Lahataꞌala.

Filipi 3:3

Gahaꞌaitumo sakotuꞌuno intaodiomu ini metahimano kasuna mpuu. Maꞌanano intaodiomu ini nofoato Rohino Lahataꞌala dosombaomu ne Anoa, nowose bhakentoomu hampano nehabuno Kristus Yesus. Pakade miina daposahunaꞌaoꞌomu ne kaengkohaꞌano kamanusia bhe habu metaantoomu.

Roma 4:12

Abraham nembali dua amando mie marasaeano toka nesuna, sumanomo miina kaowu daesuna tamaka dotapi koinaꞌano kaparasaeano Abraham awuantoomu, tiwohano wakutuuno miinaꞌo naesuna.

Yohanes 1:47

Nowoha Natanael nomai, Yesus nopugaumo ambano, “Ondoomu, anoa ini miendo Israel sakotuꞌuno, miina namande naepaha-pahaa.”

Filipi 3:16

Ampamo kaowu, kafoinaꞌu banara toka netahimantoomu, naetaa damangkafieꞌomu kansuhu.

Galatia 5:25

Rohino Lahataꞌala padamo nowaꞌa kaita dadi buꞌou, dadiꞌanomo tabeano nahumelasi dua lalonto nafokuasai Rohino Lahataꞌala.

Galatia 5:16

Patudhuku peda aini: dadiomu angkafiomu kaatono Rohino Lahataꞌala, maka paemo mangkafiomu kapoindalono wuto.

Yohanes 16:33

Kosasawiꞌae ini afohatoangkoeꞌomu neanomo seꞌiseomu bhe Idi maka meꞌawaomu katohopono dadi. We dhunia ini meꞌawaomu kasabha, tamaka tafekatangkamo lalomiu, dhunia ataloemo.”

Yohanes 14:27

Ahumunsaangkoomu katohopono dadi; amaꞌangkoomu katohopono dadiku. Ampamo kaowu dhalano afowaꞌao nopoꞌala bhe kofowaꞌaono dhunia. Koemo nosabha bhe nekenda-kenda handamiu.

Filipi 4:7

Ane nada anaꞌa, katohopono lalo maiꞌao ne Lahataꞌala tapa nelosangindo manusia, nadhumagani totono lalo bhe fekihimiu toka seꞌiseno bhe Kristus Yesus.

Galatia 1:3

Sio-siomo kabarakati bhe katohopono dadi maiꞌao ne Lahataꞌala Amantoomu bhe Ompu Yesus Kristus sadhia napobhaiangkoomu.

Roma 1:7

Suha aini so hintimiu meateno we Roma, nemoasiꞌaono Lahataꞌala, toka nebhasino membaliomu umatino mongkilono. Sio-siomo sadhia napobhaiangkoomu kabarakati bhe katohopono dadi maiꞌao ne Lahataꞌala Amantoomu bhe Ompu Yesus Kristus.

Efesus 6:23

Sio-siomo katohopono dadi, kanini kaasi bhe kaparasaea maiꞌao ne Lahataꞌala Amantoomu bhe maiꞌao ne Ompu Yesus Kristus sadhia napobhaiꞌao kosasawindo bhahitie marasaeano.

1 Petrus 1:3

Pudhi kaitaomu Lahataꞌala Amano Yesus Kristus Ompuntoomu, kapaꞌamo nofowaꞌaomo dadi buꞌou hampano kabhalano rahamatino. Anoa padamo nofowanu Yesus Kristus maiꞌao ne mate, kaeꞌawaꞌantomoomu dadi buꞌou bhe posahunaꞌao motangka so oleo mbuhumai.

Yudas 1:2

Sio-siomo napobhaiangkoomu rahamati, katohopono dadi bhe kanini kaasino Lahataꞌala pontalabhi-labhino.